الله يكتب لك خير
والله ياخوي الواسطات شغاله
وكلامهم يرفع الضغط
وانا والله ما اشرهك في الي تسويه
لكن ان شاء الله رب العالمين ما يضيع حقك
موفق بإذن الله ... لك مني أجمل تحية .

الله يعين يا اخوي
لكن لا مرمطة ولا شي من ابسط الامور في امارة المدينة انك تدخل على الامير عبد العزيز بن ماجد يستقبل كل يوم المواطنين شكاوي اقتراح طلب الي تبي روح وموفق خير يالغالي
وعندك خاصة يوم الاثنين دايم فيه استقبال

الله يعطيكم العافيه على التفاعل ..
بنظر لقتراحاتكم ولو ان اغلبها مانفع معي (( الشكوا لله )) لاني جربتها من قبل ,,
لاكن مايمنع انه جهد تشكرون عليه ..

السلام عليكم ورحمة الله وبركاته

اخووووووووووي والله اني حااس فيك -- وانا بعد العمر ووصل الثلآثين

بس مافي اليد حيلة قل وش تبينا نسووي وانا معك قدآآم

وربي طفششششششششششششت

تكفي بس وين الي يطبق

خريجين التقنية ماراح يجيهم تعيين ابدا
تدري ليش وعلى كلام واحد من مؤسسة ريادة
انه روحوا اشتغلوا اي شي سباكين او بمغاسل او محلات
انتم درستم علشان كذا ماهو علشان الدولة توظفكم
يعني بالعربي انت درست تاخذ مهنة بعده تشتغل به وتدبر عمرك
والله ثم والله لو ادري تاليه كذا كان دخلت الجامعه وبتخصص هندسة اصعب شي
ولا درست عندهم لانه كان عندي القدرة اني ادرس لكن اوهموني انه توظيفهم مضمون وكله من الاعلام
لان الموسسة شغالة صح بالاعلام والدعايات الله لا يوفقهم لا دنيا ولا اخرة
وان شاء الله نويت اعيد الدراسة بالجامعه وشهادتهم ابي اخليها قدام باب المجلس اللي يبي يدخل يمسح نعوله به وانتم بكرامة ويدخل

حسبى الله عليهم لو ندري ان التقنيه كذا وربي ماكلمت فيها بس يلا وش نسوي هذا نصيبنا

بالنسبه لادارة التربيه والتعليم ماطلع اسمكم فيها ...؟؟

لاحول ولاقوة الا بالله
ربي يووفق كل عااطل وعآآطله