السلام عليكم ورحمة الله وبركاته
مرحبا للجميع ..

اتصلت على موظفة حافز بخصوص برنامج جداره
لاني ناويه اسجل

وقالت لي اذا انتي مؤهله لحافز لاتسجلين
لانك على كذا بيستثنيك النظام من صرف الاعانه
الافضل انك ماتقدمين عليه ..لان حافز بيبحث لك عن وظيفه






للاسف
انصدمت من الكلام اللي سمعته من الموظفه
لاني ابي وظيفه ..بس متردده اخاف اذا سجلت بجداره يروح علي حافز ولا اتوظف



افيدوني عن صحة هالكلام

[align=center]
وش هالكلام الفاضي اللي قالته لك ..؟!
توكلي على الله وقدمي في جداره
حافز اسمهم ذلوا العالم فيها وهم للحين مااخذوها
وياكثر مشاكلهم
انسي حافز ولا يروح عليك جداره انتبهي يفوتك التقديم
[/align]

شي ما يدخل العقل قالوآ سجلوآ بجدارهـ وسجلنـآ وقالوآ سجلوآ بحافز وسجلنـآ

على كذآ ما في احد راح ياخذ المكافئه

انا مسجل بجدارهـ وموهل لحافز

مسك
خليهم كلهم يدوروا لك وظايف واللي يجيبها اول هو الشاطر
مافيه شي رسمي بهذا الشيء ، لو كان فيها شي كان خففوا الزحمه على موقعهم

سؤال : طيب حافز ماهو للي يدوروا على عمل ؟؟؟؟؟
وانتي تدوري على عمل وماتاخذي راتب من جهه ثانيه على اي اساس يستثنوك من حافز ؟؟؟؟

اماااااا يمكن كانت نايمه لما ردت عليك

طنشيها عنك ولا يفوتك التقديم

كلامها من راسها انا اقلك توكلي على الله وقدمي واخسريكي من كلامها

تصرفلنا الاعانه ان شاء الله الين ينزل قرار تعيننا يارب على خير

قدمي وماعليك من احد حافز مابيعطونك وظيفه حكوميه

وأنا رأي من رأي البنات اسحبي ع أم أمها وقدمي ع جداره وظيفة حكوميه وراتب أساسي وراحه

وأنتي وش يضمن لك ان الوظيفة اللي حافز يدورها لك ماتناسبك وتخسرين الحكوميه

وش تحس فيه
من جد شر البلية ما يضحك

هههههه
ايييش احساااس بالله
لا ماعليك منها والله انكم تجنون على انفسكم
وتسألون اسئلة مالها داعي اساسا معروف ذا ماله دخل
بذااك حافز يدور لك وظيفة اهلية براتب كنه خششهم
وجدارة وظايفه حكومية يعني ماعليك من كلامها وتوكلي
على الله وقدمي بالله وش جاب 2000شهريا لمدة سنة براتب
قوي بوظيفة حكومية وبلا منت احد واذا طلع اسمي بجدارة
بالطقاااق ي حااافز