السلام عليكم ورحمة الله وبركاته
محتاجه رأي ومشورتكم كلكم ,,,ضروري
عندي محل (مكتبه تجاريه ) داخل معهد نسائي المهم ..كنت مخططه له 100% يعني مثل ايش راح اسوي بالمحل >>>مثل بحوث للطالبات والطلاب مع خدمة توصيل البحث للمنزل والتحضير للمعلمات والوسائل التعليميه لهم . المهم سويت دعايه ونشرت ورحت للمدارس والجامعه ونشرت فيها .....وسويت كل ماقدر عليه بس ماقدرت احصل على زبونه ..ومحلي صغير مرره يعني متر*متر ونص ...
وأنا احتاج من كل واحد يساعدني بأضافة فكرة جديده لمحلي او طريقة دعايه ملفته وتجذب الناس لي
وكمان لو المحل لك ايش راح تسوي فيه ؟؟؟؟؟؟؟
.ولاتبخل علي برأيك ....رأيك يهمني .

انصحك اولا تاخذين اسماء الكتب المهمه في مكتبات العبيكان وجرير وتحطين لوحه بقائمة اسماء الكتب هذي
وتكتبين نستطيع توفير هذه الكتب خلال يوم واحد بقيمة رمزية
حتى لو الكتب مالها علاقه بالمعهد بس اهم شي تكون قيمه ونافعه وماتكون مضره عشان تحللين ربحك
عاد انتي اول ماتطلب اي بنت كتاب تاخذين منها عربون وتروحين المكتبه بنفس اليوم او الوقت الي تكونين فيها فاضيه وتشترين الكتاب وتكسبين من ورى الكتاب الواوحد خمسه او عشره ريال
طبعا هالطريقه مربحه اذا كانو الزباين كثير
واذا شفت كتب معينه مطلوبه تشترين مجموعة منها وتخلينها بالمحل
وطبعا تقدرين تحطين اقلام بانواعها ومساطر ومسااحات ودفاتر ومذكرات واذا تقدرين اطلس وقلم ضؤئي وفلاشات و تصير الي تنسى غرض تجي تشتري من عندك
واشياء غريبه وتلفت البنات
لو تحطين بعد هدايا صغيرة وميداليات مفاتيح وابواك وستكرات للكتب او للابتوبات

بالنسبه لسؤالك لو المحل لي وش سويت

شوفي البنات يحبون السواليف والسوالف تحلى زيادة اذا كانت مع قهوه ولا هوت شوكليت خخخخخ
لو المحل لي جبت مكينة كوفي تسوي كل الانواع وثلاجة صغيره فيها انواع من الكعك والدونات
اذا مافيه جلسة حلوة يجلسون فيها البنات لازم تستأذني المعهد وتحطين كراسي وطاولات قدام المحل

واهم من هذا كله مراعاة الله وصدق التوكل عليه وحسن الظن به

توقفت كثيرا عند رد الاخ ياسر السمحان .....

الاخت تقول ان مساحة المحل متر * متر ونص ... كيف تقول لها تسوي كوفي وثلاجه ؟؟

وش هالمساحه اللي راح تتحمل مكتبه وكوفي وثلاجه ؟؟؟

اما مسألة الكتب من مكتبة العبيكان فلا اظن احد الان يبحث عن الكتب ويدفع مقابلها فالنت كسر سوق الكتب ..

اختي صاحبة الموضوع :

مشكلتك انك حصرتي نفسك بمعهد نسائي ... فلا انتي بعتي ما يفيد المعهد وطالباته .... ولا انتي طلعتي برا المعهد وبعتي ما تحتاجه بنت المدرسة والجامعه ....

سويتي المحل داخل المعهد ورحتي تبيعي على المدارس والجامعات ؟؟؟

ما يصير كذا .... هذا اكبر خطأ سويتيه ....

سويتي محل داخل المعهد اذن تبيعي شي تهتم فيه طالبة المعهد مو احد خارجي ....

الان فكري بالتالي : بنات المعهد ما يشترون منك لانك ما تقدمي لهم شي يحتاجونه ....

اذن كيف نخلي بنات المعهد يجون ويشترون منك ؟؟؟ هنا السؤال اللي المفروض تحتاجي اجابه عليه ....

شوفي عاد انتي هل تقدري تسوي ملخصات لمقررات المعهد ؟؟؟؟

هل تقدري تتفقي مع معلمات ومدربات المعهد انهم يسوون ملخصات وتبيعينها للطالبات مقابل نسبة ؟؟؟

المعهد عباره عن ايش ؟؟ معهد كمبيوتر مثلا ؟؟؟ اذن المفروض تعرضي ما يحتاجه الكمبيوتر مثل :

فلاشات ميموري ... ماوس .. اي اكسسوار آخــر مثل سيتكرات اللاب توب وشنط اللاب وغيرها .....

المهم تكون مميزة وجديده مو شي مكرر ممكن تلاقيه البنت خارج المعهد .....

الامر الاهم وانا اخوك :

كم عدد طالبات المعهد عشان تقدري تحسبي حساباتك هل يستمر محلك او لأ ....

يمكن عدد طالبات المعهد محدود وبكذا ما راح تستفيدي شي ....

لان اللي يشتري منك اليوم ماوس يمكن ما يشتري منك ولا بعد 3 شهور لانها مو محتاجه ماوس ....

ان كان عدد الطالبات قليل ومحدود انا من رأيي ما تكملي مشروعك وتوقفي وتنقليه مكان اخر .. لانك بالنهايه راح تخسري الايجار وجهدك و وقتك ....

وعليكم السلام ورحمة الله وبركاته ..
بالنسبة للمشروع هذا كثير يتمنونه لأنه بجد فرصه ما تتفوت ..
والاحلى انه داخل معهد ..
طيب يا اختي المعهد وش تخصصه ؟؟
وحاولي تشوف الاشياء المطلوبة فيه من كتب مثل ما قال اخوي ياسر ..
وحاولي تكثيرين من الملزمات (( الملخصات )) المطلوبة في المعهد وكذا يعني ..

يعني وحده تعطيك نسخه وتصورينها وتحفظينها عندك ..

وبعدين تكتبين قائمة بكل الملزمات وتعلقينها على باب المحل ..

والتصوير مايبي له كلام .. اكيد اذا كثر التصوير المحل يمشي ..
لأن هذا اللي انا شايفه في الكلية عندنا ..
اتمنى لك التوفيق ..
واهم شي لا تفوتين المشروع ..

الله يوفقك ..

الله يسعدكم ويوفقكم كل واحد اهتم بالموضوع لاني بصراحه مستحيل اترك المحل حاليا لاني دافعه مقدم ست شهور واريد احلالها
المعهد متخصص بالكمبيوتر واللغه والطالبات عددهم يتجاوز 40طالبه مسائي وكثير بنات الصبح ممكن نفس العدد
و توجد عندي بعض الكتب الي تهم البنات وقليل الي تشرتيها
اما المحل داخل المعهد اعجبني لاني احاول اقيس مدى تحملي للعمل التجاري وصعوبته المريره
ولكني افتقر الا الفكره الي ممكن تنفع في محلي وتنقص من الخساره الي انا فيها
البروجكتر موجود وهو ضمن وسائل المعلمات التعليميه
واحب اذكركم أنا في المنطقه الشماليه

ان شاء الله راح ابيع اكسسوارات الكمبيوتر وراح ابيع ا لاشياء تهم الطالبه اللي جايه تتعلم وتدرب على الكمبيوتر
وماكتبت الموضوع الا وانا عارفه انكم راح تدلوني على شي كنت غافله عنه
ومشكور اخـــــــــــوي تسويقار والله يساعدنا وييسر امورنا وأمور المسلمين والمسلمات ,,,,

اختي انا توني مبدتئه في تحاضير للمعلمات
وبديت من البيت والنت فقط الاجار ولا وجع راس
والان انا عندي طلب اخلص تحضير المطور ثلاث مناهج واعدها من نفسي
وحاولي تسوي لك اعلانات وتوزعيها في المدارس والجامعات
ثانيا اعلني في المنتدى الرسمي لمنطقتكم واكتبي اسم محلك
مع تمنياتي لك بالتوفيق
بنسبه لزبون يبي لك صبر اختى
وادخلي مجال المطويات وفي منتدى عالم حواء افكار حلوه الاعداد المطوياات وماتكلف كلها ورق ملون وااستكرات