29-12-2011, 02:04 PM
|
عضو نشيط
|
|
تاريخ التسجيل: Jun 2009
المشاركات: 176
معدل تقييم المستوى: 31
|
|
المعهد الرياض التقنية معهد ربحي فاحذورا منه ((تفاصيل المعهد ))
[align=center][/align]
السلام عليكم ورحمة الله وبركاته
اخواني الكرام
بواقع تجربتي في معهد الرياض التقنية حبيت احذركم منه والله يشهد على كل كلامي يوم القيامه ان كذبت
المعهد انقبلت فيه السنه الى راحت واستمرت فيه لمدة 9 اشهر وتم فصلي !
كنت من اول دفعه وكنا عددنا تقريبا فوق 320 طالب اول يوم لي بعد المقابله ارسلونا شركة العبيكان وتم استعرضنا على كيفية جميع الاقسام بالمعهد وبالاخير اجتمع معنا مسؤل التوظيف بالعبيكان واحد ينقاله العنزي ولا اتذكر اسمه الاول . شرح لنا كيفية الدوام وتوظيف بالشركة واهم نقطة ذكرها الحضور فكلما كان حضورك بشكل دائما راح تتعداء السنه التحضيريه اذا كان معدلك مش كويس .
بدينا بالمعهد وكان في اربع مواد (الرياضيات ,الانكليزي ,حاسب ,مهاراة التعلم )
تفوقت في ثلاث مواد ورسبت في الرياضيات في ثاني ترم وحملتها لثالت الترم وكان حضوري مميز واخذت شهدت شكر وتقدير بالحضور
فكان نجاحي بالانكليزي -c والحاسب -b والرياضيات f ومهارات التعلم c
نجحت بثلاث مواد بالحافة والرياضيات راسب فكان تخصصي تصميم وماكان فيه الرياضيات
انا ثانويتي شرعي هربت من العلمي بسبة الرياضيات والانكليزي 
وعلى ذالك استطعت تجاوز الانكليزي ولم احمل اي مادة من الثلاث المواد الا الرياضيات لن الى درسنا الرياضيات انسان حق حاسب واقسم بالله من اشرح بالديرة وهو بالديرة ورسب كثير من الطلاب اكثر من الناجحين . طبعا تم انذروا كثير من الطالب ان يعدلوا معدلهم ولا يتم فصلهم طبعا انا ماجاني شي ولا اخذت انذار . والمدرسيين صراحتنا بعضهم مميزين وبعضهم الله بالخير
في الاختبارات النهائية للفصل الثالث تم فصلي ومعاي اكثر من 100 طالب 
والسبب معدلي طايح طيب انا شرعي وش ذنبي انا طيب انا ماجاني انذار ليش تفصلوني !
اقسم بالله ياعالم ان اكثر المكافاة تنزلي ناقصة من دون سبب تنزلي وتروح مشاوير للمعهد لا عندي سياراة ولا حمار اروح فيه للمعهد
ودوام تعب من الساعه 8 الى 5 العصر
زبدت الموضوع اني لم ارسب الا في مادة وحده وبقية موادي على الحافة لن الى ندرسه كله انكليزي وتخصصي شرعي فانا يوم ذهبت لهم سالت لماذا فصلتوني قالوا معدلي طايح قلت طيب ماجاني انذار قالوا يمكن نسيناك ! سبحان الله 
وسالتهم مره ثاني قلت طيب انا منتظم بالحضور وجاني شهادة شكر ليش تفصلوني ! قالوا مو شرط الحضور ! قلت طيب المسؤل حق العبيكان يقول اهم شي احظور وراح ننجحكم ! قالي المسئول بالعبيكان ماله اي دخل فينا وحنا مو ملزمين ان نوظفك عندهم يعني بمكانك تاخذ شهادتك ولا تتوظف .
طبعا هذا كلام نواف اليامي مسئول بالمعهد .
بعدها رحت عند مدير الاكاديمي اصله خواجه بقع تسوعه يارب
قلت ليش فصلتوني قالي معدلك طايح والعبيكان طالب منا ناس درجاتهم عالية ! سبحان الله الحين تغير الوضع نواف اليامي يقول ماله دخل فينا وهذا يقول شارط منه ان يكون معدلك ممتاز ! قمة الكذب والحرام
طبعا لما فصلت قالوا روح للعبيكان وسوي اخلاء طرف وسالت العنزي قلت انت ماتخاف الله يوم توعدنا قال والله ثم والله لم اطلب منهم اي شروط والمعهد هذا متفق فقط انك تتوظف معنا او تاخذ شهادتك وتروح لمكان ثاني قلت ليش توعدنا ! مارد علي وقال انا مشغول وراح وجاء خويه الثاني وسوا اخلاء طرف
صراحتنا اكتشفت ان المعهد ربحي يسرقون من الحكومه الحكومه تعطي كل طالب 16 الف ريال بالترم شامله للمكافئة وتدريس ويقعدون يفصلون الطالب ويلهطون من من ذي الفلوس والضحية الطالب ولا رقيب ولا حسيب . بل ان الطلاب الى كانوا متواجدين معي 320 طالب والان الى بيتخرجون اقل من ثلاثين طالب حسب ماقاله صديقي الى استمروا
سببي لكتابة هذا الموضوع لما رايت من طلاب يتجهون لذالك المعهد فحبيت انزل تجربتي ومعرفة المعهد للجميع على حقيقته فاسال الله ان يشهد على في كل كلامه كتبتها والدال على الخير كفاعلة وارجوا من الاخوان الحذر من هذا المعهد لن في خلل تعديك اكثر من ستة اشهر وتم فصلك لن يدعمك الموارد البشريةالا بعد سنتين من تاريخ فصلك . وارجوا من المشرفيين القائيمين بالمنتدى ان لا يحذفوا الموضوع والله ثم والله ماكتبته الا خوافا ع الجميع .
وبالتوفيق للجميع يارب
التعديل الأخير تم بواسطة جريح حبك ; 29-12-2011 الساعة 02:16 PM
|
العرض العادي
