السلام عليكم ورحمة الله وبركاته

زي ماهو واضح بالعنوان ليه دايم فرحتنا مكسوره ايه صدق لما امر الملك بالراتبين ماجاتنا الا ماشكينا وارسلنا وبالاخير حنا اخر ماجانا الراتبين ماكأنها 800
عارفه ماهو موضوعنا >>>اخلصي

المهم اليوم اتصلت على حافز وكلمت الموظفه كانت قمه بالاخلاق ماشاءالله اول مره يمر عليه زي كذا
وانا صادقه خخخخخخخخ

لما كلمتني قالت اسقطتي اسمك من عندهم قلت ايه وانا مارحت اصلا للتأهيل بس على كلامكم قلت ايه اسقطونا جماعي ابغاها تمشي الاعتراض
المهم اخذت اسمي وسجلي ورقم جوال واعطتني رقم طلب قلت وش فايدة رقم الطلب قالت هذا مسجل باسمك وخاص لك بعد اسبوع او ثلاثه ايام نرجع ندق عليك ونقولك وش صار بمعاملتك مع اني ماني مصدقه انهم بيكلموني غاسله يدي منهم بكلوركس بعد
بس الي علي سويته وخلصت


نصيحه

روحو عدلو على بيانات حافز بعد ماتتصلون عليهم الي حاط قبل صفر واحد يرجع يحط اثنين والي حاط قبل اثنين يرجع يحط واحد العبره انه اذا تغير الرقم يصير تحديث لبياناتكم عندهم وينظرون بوضعكم


ودعووواتكم ربي يرزقنااا متفائله خير

المؤمن مبتلى والحمدلله رب العالمين

فعلا الحمدلله على كل حال
موفقة باذن الله

ههههههههه الله يسعدك انا قدمت اعتراض وعطوني رقم ان شاء الله خير

انا قدمت اعتراض بس ماعطوني رقم طلب

مدري ليه؟؟؟؟؟؟؟؟

[align=center]
..

اما انا متابعه لموضوع حافز وقلت من اول اغسلو يدكم منهم خاصه احنا هذي الفئه

لانهم بيقولون لنا احنا مو مؤهلين للشغل !!

مو كلنا ولكن اكثرنا وغير كذا عندنا اعانه وهم بينظرون لنا من هالنواحي

وكالعاده يذلونا لين نحصل حقوقنا ،، واللي مسجل بالضمان والتاهيل بكذا وش راح يبقى له اذا خصمو ؟؟

الله يرزقكم ان شاء الله من واسع فضله

..
[/align]

انا غيرت بيانات الدخل الثااابت زمان كتبت لهم الصدق اما الن كتبت لهم كلها اصفااار