السلام عليكم ورحمة الله وبركاته

اسعد الله اوقاتكم بكل خير

ادخل بصلب الموضوع لاني ما اعرف للمقدمااات ههههههه

اخواني اريد رائيكم ومشورتكم وخبراتكم وهاذا موضوعي راح استفيد منه ويستفيد اغلب الاعضاء الي معانا هنا من عاطلين ومن اصحاب رؤؤس الاموال القليلة

انا اسمع واعلم ان اغلب الاشخاص يستخرجون سجل تجاري ويستاجرون محلات باحدى الاماكن الرخيصة التي لايتجاوز الاجار بها شهريا ال700 ريال ويحط لوحة ويضبطه من جميع الاجراءات ويقدم على عماله وعلى حسب المحل ياتي 2 او 3 عمال وعلى حسب المنطقة

اذا اتو العمال يطلعهم بالسوق ويقلهم اشتغلو برا واريد مبلغ شهري وماشي اغلب الناس على ذا النظااام

ــــــــــــــــــــــــــــــــــــــــــــــــ

وفيه طريقة ثانية يقولو عنها يبيعو تاشيرات ويستفيدو من مبلغها

ــــــــــــــــــــــــــــــــــــــــــــــــ

وفيه طريقة انو استاجر محل والنص بالنص بس انا بما اني جديد تفكيري يقول لو استاجر محل واجيب عامل جديد واقله النص بالنص وهو جديد بالسعودية ويجيني يهز راااسه يمين ويسار ومفهي ولاهو داري وش الشغلة فكذا انا خسران فما العمل واحسن طريقة اعملها

ــــــــــــــــــــــــــــــــــــــــــــــ


هاذا مالدي وما افكر فيه ومعقد راسسسي وان شاء الله احصل رد لتسائولاتي لا استفيد ويستفيد اكثر الاعضاء لاني اعلم ان اغلب الاخوان يريدون الاستفسار عن احدى هاذي المواضيع شاكر لكم ومقدر وسامحوني على الاطاله

وانا ايضا نفس تسأولك
اتمنى من يأتي ويفيدنا

للاسف الي ضيع البلد ان 70% من شباب هذا البلد فعلوا كل ماقلته انت تماما ..
ايجار ..
ثم ياتي بالعمالة وينثرها بالشارع ..
ويشترط عليهم مبالغ شهرية بغض النظر عن كيف سيجلبوها ..

لذلك اصبح الشباب يفضلون النوم لانهم يتحصلون على مبالغ شهرية ..
واصبح العامل يفعل ويسرق وقد يفعل اشياء كثيرة لانه مضطر لتسديد القسط الشهري ...

والمحصلة تدمير للشباب وتدمير لانظمة وامن البلد ..
والاهم انه محرم شرعا لانك تاخذ من هؤلاء العمال مبالغ ماانزل الله بها من سلطان ..


نصيحة اترك هذه الامور لانها انتهت هذه الايام وقفل مكتب العمل الباب امام الجميع ..
والاهم هو مخافة الله سبحانه " فمن ترك شيئا لله عوضه الله خيرا منه "

هذه التجارة محرمه شرعاً، لأنها تدخل ضمن إستغلال حاجات الغير والتجارة بالبشر

نرجو الإبتعاد عنها

جزاكم الله كل خير

طيب كيف استفيد من هذه العماله

لانو في طريقة اسمهها بالنسبـــــــة فلا اعلم ماهي طريقتها

كلام السهم عين الصواب
عندك محل جيب عمال ماعندك لاتجيبهم من أهلهم وترميهم بالشوارع وتطالبهم بفلوس
حط نفسك مكانه

طيب لو مثلا استاجرت محل ..

والمحل خليت العامل يستأجره مني سواء سعودي او اجنبي ..

واخر الشهر اخذ مبلغ وقدره .. هل هذه فيها اشكالية وحرام ؟؟

مع العلم اني جهزت المحل وحطيت فيه البضاعة وأقوم بدفع الايجار ..

ارجو الاجابة من اهل الاختصاص ..

الجوكر أظن فعلك يسمى التقبيل وهو مسموح بس تأخذ منه إيجار أعلى من اللي دفعته

صاحب الموضوع واللي مثله .. هالفكرة هي اللي دمرت البلد وكرست البطالة أنت تجيب عامل وتسلمه كل شيء وهو يبدأ يجيب أبناء بلده ويشكلون تكتلات تضر بالمواطنين والوطن !

فيه ألف فكرة وفكرة للكسب بعيد عن هالفكرة !

أولاً
تجيب عمال وتبيع الفيز ( هذا لايجوز شرعاً )

ثانياً
تجيب عامل وتقاسمه ربحه وهو المشغل ( هذا تاجر جبان , وبيعيش طول عمره على دخل الألفين والثلاثة )