السلام عليكم ورحمة الله وبركاته
أنا جاء في بالي مشروع ولا أدري عنه
بس كذا جاء في رأسي وحبيت أسألكم عنه
اللي هو اتفق لي مع مؤسسات مقاولات إني أوفر لهم الاسمنت والبلوك بأقل من السعر الموجود عندهم
ثم استأجر لي دينا وأروح لأقرب مصانع الاسمنت والبلوك الموجودة عندي وكل يوم أحمل الكمية المطلوبة وأوصلها لهم
وآخذ مكسبي من ريال إلى نصف ريال في كيس الاسمنت وفي البلوك

لكن عندي عدة استفسارات الدينا الجامبو كم إيجارها ؟؟
وكم سعر كيس الاسمنت والبلوك في السوق ( السعر اللي ياخذونه مؤسسات المقاولات ) ؟
وكم سعرها في المصانع وعند الموزعين ؟؟ والدينا الجامبو كم كيس اسمنت تشيل ؟؟ وكم بلكة تشيل ؟؟
وكيف طريقة التحميل والتنزيل ؟؟

وأي إضافة عندكم أفيدوني

أصلن اخوي بعطيك معلومة بما ان اشتغل مع اخوي في مؤسسة مقاولات حقه يتعاملوون مع المصانع مباشرة

وعليكم السلام ورحمة الله وبركاته

مدري ليش احس المشروع مو داخل بالي ولا عقلي احسه متعب وفيه مصايب
بما انك تبي تتاجر تاجر بشي سهل عليك مو تصعبها من اول شي ومثل ماقل لك اللي فوق يتعاملون مع المصانع واهنيك على روح التفكير فكر وفكر وفكر و اذا مقتنع بمشروعك نفذه و الله يرزقك و اذا في بالك مشاريع اقدر اساعدك ان شاء الله

موفق اخوي

والله ياخوي الباكستانيين شغالين بذا المشروع شغل حريقه وشغلته جدا متعبه لانه فيها شيل وحط
واخواننا المتسترين مهم مقصرين على بن باكستان جايبنلهم الدينات وكل شي وهذول شغالين واخواننا نايمين ببيوتهم ومتسدين وبن باكستن يعطونهم العظم وياكون اللحم والمصيبه انه لمتسترين مقتعين بذا الشي

لذلك مدام ماتعرف شي بذا المشروع نصيحه لاتدخله لانه يحتاج راس مال كبير والمخاطره راح تكون جدا كبيرة

[ALIGN=CENTER][TABLE1="width:95%;"][CELL="filter:;"][ALIGN=center]
مدامك تبي الشغل الصعب اخذ لك دينا قلاب موديل 82 - 83 بحدود 35 الف واخذ لك شيول صغير ايضا بنفس القيمه واشتغل عليهم ، لو جاك زبون يبي رمل او كسارة تجيب لهم .
لكن لازم تعرف كل صغيره وكبيرة عن المشروع قبل لاتدخل فيه .
وسسلامتك
[/ALIGN][/CELL][/TABLE1][/ALIGN]