انا ادرس الحين ماجستير موازي بجامعة سعود مثلك ياتوته والشهر الاول كنت مؤهله وهالشهر طلعلي غير مؤهله لاني طالبه ودقيت على حافز وتجادلت انا والموظفات قالوا المنتظمين مالهم فقط الانتساب (انا اقدر اشتغل في وظيفه بالصباح متفرغه)وقلت ايش معنى الشهر الاول نزل والحين لا قالوا كان فيه خطأ وتعدلت ولا بعد بيمنون علي يقولون حافز اعطاك الشهر الاول ومشالك ما طلب منك ترجعينها !! تقولون ان الفلوس هم اللي يدفعونها من جيوبهم المهم هزئتهم وسمعتهم كلام زي العسل خصوصا المكالمه الاولى لان دقيت عليهم مرتين(انا اعرف انهم مالهم ذنب الموظفات اللي بحافز مجرد كلمتين يحفظونهم اياها ويجون يقولونها ويرددونها علينا ماعندهم اي معلومه صحيحة يقدرون يفيدوننا فيها) بس لازم مانسكت اللي حط هالقرارات على باله بتمشي ومحد بيقدر يعترضه المفروض يتحاسب لو هو عارف انه بيتحاسب كان فكر الف مره قبل ما يحط هالقرارات التعسفيه......لازم نقدم شكاوي ونطالب بمحاسبة المتسببين لاآآآآآآآآزم لاآآآآآآزم بليز ابغى الكل يتفاعل سواءً كانوا موازي في سعود او الامام او طيبه او اي جامعة أخرى.

الله يوفقك

أغلب ترى إلي يقولوا أنتم طلاب وطالبات مالكم حق ،، مو عارفين أصلاً وش برنامج الماجستير الوازي !!!


يفتوون وهم مو عارفين شيء !!!!!!!!


فعلاً يفتون وماهم دارين وين الله حاطهم الموظفة اللي ردت علي يوم قلتلها على المشكلة قالت ايه علشانك طالبه قلت ايه بس موازي قالت اذا منتظمه تداومين حتى لو 3ايام تعتبرين طالبه يعني لو طلعت لك وظيفه ماراح تقدرين تشتغلين قلت لا والله اذا لقيت وظيفة صباحيه بشتغل دراستي بالمساء ويومين فقط وحاولت ارفع اعتراض لكنها رفضت قلت حوليني عالرجال احسن منكم يالحريم ماعمر دقيت عليكم وطلعت بنتيجة صرفتني قالت ماعندي هالخاصية قفلي ودقي مره ثانيه ويردون عليك الرجال (على بالها بتضحك علي ) قلت وش يضمني انكم ماتردون انتو يالحريم !!! بعد كذا قلت عطيني اسم موظف مسئول علشان ادق واطلبه واتفاهم معه قالت ما اعرف احنا طاقم قلت لا مستحيل انك ما تعرفين ! تعرفين شروط حافز ولا تعرفين اسماء الموظفين اللي معك او اقلها المدراء والمسئولين وهزئتها وقفلت في وجهي بس ناويه اطفشهم الين ماينزلون لي او الاقي وظيفه وبالشروط والراتب والدوام اللي يناسبني ماراح اتنازل واذل نفسي وانا قاعده من ثلاث سنوات ادرس من دوره الى دبلوم وبالاخير الماجستير راح ان شاء الله اتفق انا والبنات في الجامعة لكن ابغى الجامعات الثانية يتحركون ايد وحده ماراح تصفق والاهم الناس النذله اللي تتلاعب نبغاها تتحاسب علشان تذوق اللي ذوقتنا اياه....

حسبي الله ونعم الوكيل


حطوا الف شرط وشرط لاجل بس يقللو نسبة اللي يشملهم حافز

واعجبني رد اخصائية اجتماعية


اما من قال مالكم الا الله والزواج مايجوز

والصحيح مالكم الا الله ثم الزوااج


وللمعلومية ليس الزواج كل شي


ااذا كان سبب سعادة 100 امرأه فهو سبب في تعاسه 1000 امرأة

وماكتب رب العالمين كله خيـــر

صرف عنا حافز او كتبه لنا خير لنا كل امره خير سبحااانه

وكذلك الزواج

لو يعلم العبد مايخبأ له الله في الغيب لقضى عمره في حمد الله والشكر له والثناااااااااااااء عليه


وعسى ان تحبوا شيئا وهو شر لكم


واختي يوم انك تبكين الجأي لله سبحانه

وتذكري ان من لم يمر بالحزن يخشى عليه كما قال السلف

لان اهل الجنه عندما يدخلون الجنة يقولون الحمد لله الذي أذهب عنها الحزن

بنات اتصلوا وقدموا اعتراض قولوا احنا مو موظفات

ووضحوا لهم ماهو برنامج الماجستير الموازي قولوا هو مخصص بالاساس للموظفين اللي مالقوا تفرغ من عملهم وحابين يطورون من مستواهم الوظيفي

واحنا دخلناه واحنا عاطلين عن العمل

وماتمشي لنا مكافأة

كلموهم بثقة وبصوت واضح ويدل على انك تتكلمين وعندك حق مو بصوت واطي ماينسمع كنك تشحذين حطي في بالك هذا حق لك ولازم تأخذينه

واهم شيء بداية الدراسة تواصلوا مع عميد قسمكم وقولوا له ينزل اسمائكم من قسم المكافأت لانكم بالاساس ماتستلمون فليش حاطينها زينة

وطالبوهم يطالبون بحقنا بحافز من قسم المكافأت

يعني اذا تواصل حافز مع قسم المكافأت يقول انكم عاطلين ويمكن لكم الجمع بين العمل والدراسة لان البرنامج مصمم عشان يتناسب مع عمل الموظفين

وبالتوفيق

[align=center]ممرحبآ .,
ياجمآعة الخير بليز يااهل الخبره افيدوووووني
انا نزل لي حافز وخاطري استفيد منها بدراسه ., يعني بدخل معاهد او بكمل دراستي كلها خاص

* بس بعرف تاثر الدراسه بالمعهد او اكمال الدراسه بحافز ..!؟؟
سمعت انهم يوقفون حافز اذا درسة لو معهد هل هذا صحيح

تكفوووووووووون افيدوووني .,
[/align]