السلام عليكم ورحمة الله وبركاته


اخواني عندي كشف طبي بمركز صحي قوى الامن بالدمام موعدي يوم الأحد الجاي

ابي كيف طريقة الفحص وكم يوم يلزمني حتى انتهي من الفحص ؟

وهل هم متشددين ولا الامور سهالات ؟



مع الشكر الجزيل

موفق بإذن الله ... لك مني أجمل تحية .

اخوي الف مبروك قبولك مبدئي وعقبال القبول النهائي

بالنسبه للكشف عموما طريقه واحده سوى في جده او الشرقيه او مكه

تجي عندهم يوم موعدك يسحبون منك دم وتحليل بول الله يكرمك ويكرم الجميع

ويسحبون من الورقه حقت الكشف يقولوا لك موعد اللجنه في تاريخ كذا

زي ما انت موعدك يوم الاحد معروف في كل المراكز موعد اللجنه يوم الاحد والاربعاء يومين في الاسبوع

عموما وش السالفه في اللجنه

اللجنه الله يطول في عمرك وعمر الشباب هي عباره عن اول شي قياس وزن وطول وبعدين يقيس الضغط

وبعدين قياس النظر وبعدين تدخل غرفه للفحص الجراجه وهي دكتور يشوف ما في اي عمليه في جسمك

وبعدين دكتور الانف والاذن وبعدين دكتور اسنان وبعدين ودكتور باطنيه ودكتور نفسيه

قد تختلف في الترتيب ولكن هي ما تخرج عن هذا النطاق الامور سهله ان شاء الله وموفق بااذن الله عز وجل

واي معلومات انا حاضر راسلني على الخاص وان شاء الله يجي من يفيدك في موضوع التشديد او لا

لاني انا مسوي فحص في جده والحمد لله


تقبل تحياتي وفلسفتي اخوك ابو بدر

انا كاشف في الدمام والوضع سهالات من جد

افضل من الرياض وجدة والمستشفيات الثاني

وفحصهم يوم واحد اذا مافية زحمة

واذا تاخرت بيصير يومين

و موفق بإذن الله ... لك مني أجمل تحية .

موفق بإذن الله ... لك مني أجمل تحية .

الله يعطيكم العافية ماقصرتوا

دعواتكم لي ماشي للدمام .

اللحين الكشف لازم موعد

موفق بإذن الله ... لك مني أجمل تحية .

طحي يعني سهالات بدمام بمستشفى قوى الامن تكفى يالغالي طمني لاني ابي اختار بدمام احسن لي تنصحني يالغالي