السلام عليكم ورحمة الله وبركاته

ابشركم اليوم جاتني رساله من مشروع رياده انه يوجد لقاء ولابد من الحضور اليه تقريبا بعد 4 ايام

المهم ودي اعرف وش المطلوب مني وهل اجرائتهم اطول وماهو مطلوب مني مبدئي

والسؤال الاهم هل تؤثر بموضوع تعيين لاني مقدم عالخدمه المدنيه تعليمي

ولا مالها علاقه اتمنى الافاده الكامله اخواني

تراني عاطل وانتظر الفرج

ومتى تكون المقابله الشخصيه والامور هذي

بإنتظاركم

مرحبا اخوي
اقدر افيدك من ناحية انه يأثر تقديمك على الخدمة المدنيه او لأ؟
اذا الى الان لم يتم تعينك في التعليم مراح يأثر عليك بالمشروع
لانه من شروطهم انك تتفرق تفرق تام لادارة مشروعك
واذا طلع لك التعيين مستقبلا هذا عاد اسألهم هم وهم اللي يفيدونك

وانت ماتدري يمكن مشروعك ربي يكتب لك رزق فيه وتدخل ارباح اضعاف الراتب اللي بتستلمه في التعليم
وربي يوفقك قول آآآميين

السلام عليكم تصحيح للرد اللي قبلي.

ما يأثر أبداً عليك حتى لو كنت موظف مو بس مقدم .. لو كنت موظف مافيه مشكلة تمشي في الخطوات والمقابلات الين توصل لتوقيع العقد واستلام الدفعات بعدها تقرر وتختار إما المشروع أو الوظيفة.
يعني روح للمقابلة ..

يسألونك عن شهاداتك وخبراتك (عرفنا عن نفسك)
وعن المشروع واحتمال يناقشونك في المشروع ويغيرون فيه ويناقشونك في التغيير

وركز فيه ورقة فيها شروط بتوقع عليها احرص انك تقراها ربما يسألونك عنها عشان يشوفون جديتك هل انت قريت الشروط والا بس توقع وتبي القرض