بعض البشر سبحان الله يحب يتريق على خلق الله ويذب عليهم لكن لو تتريق ولا تذب عليه يزعل !!
طيب مثل مانت تبي الناس تتقبل مزحك تقبل مزحهم !! لا وبعضهم يستخف دمه ويبي الناس تضحك لكن لما احد غيره يستخف دمه مايضحك ولو مجامله ويمكن في داخل نفسه يضحك لكن سبحان الله فيه كبر حتى في الضحك
وفيه نوعيه من الناس لما تبي تشكي او تفضفض له يعني على قولتهم اقل شي تريح عن اللي بداخلك مثلا لو بتشكي من تعب نفسي او مرض عضوي بدال مايحس فيك ويقول كلمه تهون عليك يقوم هو يشتكي لك !!
على فكره ترا هذا نوع من الأنانيه وردة فعل لا شعوريه عند البعض لان طبعه اناني ويحب نفسه وبدون مايقصد تكون ردة فعله بالشكل هذا
وفيه نوعيه من البشر اذا قلت نكته ولا تمزح مع احد يجي ويقولك ( وش المطلوب يعني نضحك ولا انت الحين يقالك تنكت ) ؟؟ طبعا الاشخاص اللي من النوع هذا فيهم ثقالة دم تكفي ديره طيب على الأقل جامل عيب تحرج الناس وعلى فكره ترا برده هذا ترا انا اعرف اذب واكتم الناس وهذا مرض نفسي يحس في نفسه نقص ويدري انه ثقيل دم لكن باسلوبه هذا يغطي عيبه والله اكلمكم جد
وشي ثاني كثيرين مايفرقون بين المزح والسب طبعا انا اقصد لما تكون عند احد مافيه موانه بينكم او معرفه ,, لابد تختار العبارات المناسبه وانت تمزح انا اشوف كثيرين يبي يمزح مع غيره بس بكلام سب ويحسبه مزح عادي لا ياجماعه مهما كان الاحترام واجب ( والملافظ سعد جمعه ) << قل قسم
قسم
نرجع لمحور حديثنا ولاتنسون اللي يستهزون بالوجه اللي يقول ( كن وجهك كنديشن ) مثال هذا انتبهو لا تتعدون على الله وخلقه مايجوز خلق الله حسن v v
<< الدكتور النفساني رشيد خورباتشوف ( اخصائي جبهه خشم براطم )