السلام عليكم -الله يعافيكم انا مطلقه ماني فاهم ايش اقدر استفيد من الصندوق العقاري لاني اقرا عنه كثير وماني فاهمه انا عارفه ان الموضوع فيه ارض او بناء لكن كيف اقدر اسدده وانا اساسا غير موضفه
وفي موضوع قريت ان كافل البنت يدفع عنها انا ماابي احد يدفع عني عندي مردود سنوي من ميراث الوالد ربي يرحمه اقدر اسدد به
جعل من يرد علي ربي يرد عن وجهه النار يوم القيامه

الصندوق العقاري هو عباره عن تقدمين عن طريق موقعهم. وفيه طريقه. تدخلين الموقع عن الحاله اذا مطلقه او ارمله
المهم اتبعي التعليمات. ويرسلون لك مسج. اذا تم قبول طليك...
وبعدين عاد تروحين لهم افضل تراجعينهم. تشوفين وين وصل دورك لاني انا لي سبع شهور مقدمه ولا ادري وين وصل رقمي ودوري؟؟؟
المهم اذا طلع اسمك وعادة يطلع بعد 50 سنه. اذا صارو كريمين .. اذا طلع يعطونك فقط 500 الف. ولا يحتاج يصير عندك ارض ..
اما وشلون تسددين لهم؟؟ فهي عن طريق راتبك اذا عندك راتب واذا انتي عاطله. عن طريق راتب ابوك التقاعدي اذا انتي يتيمه او من الضمان اذا عندك ضمان. وياخذون منك كل شهر (700) ريال. لمدة طويله طبعا.
وادخلي موقع الصندوق العقاري واقرأي. الشروط تطابقك اذا انتي مطلقه اكثر من سنتين..
بس قدمي بسرعه عشان نغني انا وياك ياليل. ماطولك.

لحد الان لم يحدد معاييراوبنود لطريقة تسديد غير الموضفين لاكن والعلم عند الله انهم راح يستخدمون الطريقة السابقه وهي لابدمن كفيل غارم وهذا الااحتمال وارد وبشكل كبير وبالتوفيق

هههههههههههههههههههههههههههههههههههههههههههههههههه ههههههههههه

اي صح اذا اذا صار حظك زين وطلع رقمك وجاء دورك وعطوك 500 الفريال.
هذي يبغونك الله يسلمك تبنين فيها بيت وزي ماقلت لك مايحتاج الي يقدم على الصندوق العقاري عنده ارض؟؟ الغو هذا الشرط
لانه شرط تعجيزي اغلب الشعب ماعندهم اراضي.. وبنفس الوقت لو خذيتي 500 الف ماتقدرين تشترين ارض وتبنين فيها كلو ب 500 الف؟؟
عشان كذا. انصحك. خذي الفلوس وانحاشي برا البلد. بس مشكله بيمسكونك. بالمطار بيقولون ماتوطوطين الا بموافقة ولي امر؟؟
بهاالحله. مالك الا. تنتحلين شخصيه الخدامه وتزورين والنحشه يابنت.

ههههههههههههههههههههههه
ههههههههههههههههههههههه
الله يسعدك اختي امانه على التوضيح العربجي
بس والله الامور والشروط اللي تخص المطلقات تعجيزيه يعني يااصير شغاله ولا مااقدر ههههههههههههههههههه
والله النشبه

الله يسعد قلبك اختي
انا قدمت في الصندوق العقاري واستفسرت عن الطلب حقي ومكتوب تم قبول طلبك
لكن متى بيجي هالطلب ربما بعد ثلاثين سنه اذا خلاص شيبنا . لذلك انتي قدمي واذا جات الدراهم لها الف حل .

الله يعافيك أسير مكه. كيف اقدر احصل على رقم طلب أنا قدمت بالنت وارسلوا علي فقط رساله وحده تم استلام طلبك

الله يرزقنا وياكم من فضله ويفرحنا ويحقق امالنا