من هنا وهناك

رشيد الحوطي · #1 (**permalink**) 29-01-2012, 10:59 PM

سلااااااام

بعض الاعضاء في المنتديات يرد على موضوع برد ماله دخل بالموضوع ولاهوب يمه ذكروني بواحد في منتدى ثاني كان منزل موضوع عباره عن صورآثار قديمه طبعا الصور ماطلعت رد عليه اكثر من عشر اعضاء كلهم يقولون الصور ماطلعت واخينا في الله يقتبس ردود الاعضاء ويرد ويقول
( انرت متصفحي وهذا وسام اعتبره على صدري ) خخخخخخخخخ
قمت رديت قلت يافلان العالم تقولك الصور ماطلعت وانت تقول انرت متصفحي حاول تنزل الصور مره ثانيه وانا اخوك قام اقتبس ردي وقال
( انرت متصفحي وهذا وسام اعتبره على صدري )

جاني مسج على الجوال مسج طويل مررره بس مضمون المسج وحده تقول ليش الازواج السعوديين حاقرين السعوديات بكل شئ ويفضلون الاجنبيه على السعوديه بالجمال والثقافه وغيره يعني مثلا يقول السعودي اللبنانييات اجمل من السعوديات في كل شئ بالجمال والثقافه حتى بالحكي عاد تقول اللي كاتبه المسج طيب حتى اللبنانين احسن من السعوديين في الجمال والثقافه والحكي وكل شئ !!
انا بدوري اقول لا سعوديين ولا سعوديات كلهم ماعندهم ماعند جدتي لا ثقافه ولا حكي ولا حتى جكيت قصدي اتيكيت مالت بس

كنت احوس في قوقل وصدفه طحت في موقع زواج والله ناس حراميه تلعب على خلق الله والمساكين اللي مايدري ان اغلب هالمواقع نصب في نصب جايبين لك اعضاء وخصوصا البنات باسماء مستعاره وحاطين لك صور اغراءات ومايسمحون لك تراسلهم الا اذا فعلت عضويتك طبعا العضويه بحوالي 200 ريال وبعضهم يخق مع هالصور مسكين ومصدق انهم بنات مادرى ان اصحاب الموقع مسوينها عشان يجرونه على خشته

ياخي استغرب من اللي يتابعون مسلسلات خليجيه يعني مايكفي الواحد الهم اللي عنده يتابع مسلسلات كلها صياح وهم ونكد متى يتطورون هالخليجيين والاشوام كل مسلسلاتهم عن الفتوات ومضارب والابضاي والمصاريا يعلمونك ترا الحشيش مافيه شي يعني حشش تصير مبسوط وزاحف وراعي ضحك والحشيش اصلا مخدر وفيه ادمان وقبل كل شي حرام ياخي شوف الافلام الأمريكيه من اول الفلم لين آخره وانت مبقق عيونك بس كلش كوم وافلام ابو هنود كوم الفلم يقعد يوم كامل مايخلص يشرحون لك صح الفلم يقولك هنود لقو بنت مرميه في الشارع ربوها يوم كبرت طلعت امهم

سلااااااام

تسجيل الدخول

من هنا وهناك

إستراحة الأعضـاء

سلااااااام

من هنا وهناك