الله يوفقكـ
|
بالتووووووووووووفيق
|
كان واحد من الشباب يشتغل فيها والله مربحة بشكل خيالي
بس مثل ما تفضل خوينا اولا تخاف الله عزوجل ثانيا اشتغل على المطلوب واشتغل على النظيف لان النظيف تقدر تحده على الزبون اما السيارات الي يبي لها تصليحات زبونها متعب ويمكن ما يجي وبشكل عام مثل ما قال خوينا تحتاج ممارسة وليست صعبة ابدا شهر شهرين بالكثير وانت ابو الشريطية اهم شي الهمة وقبل هذا الخوف من الله |
تحتاج خبرة عملية عشان يتعود الشخص
|
الله يجزا صاحب الموضوع خير ويوفقنا وياه لما فيه الصلاح بالدنيا والاخره
|
موضوع قييم جدا الله يسعدك وين مارحت،،،
|
السلام عليكم
هـــــذه الشغله بذااات شطاره ومخ وأهم شئ فن الاقناع ..تقنع الزبون ..وتضمن مكسبك مو شرط تركز على السيارات النظيفه بعضهم يشترى سيارات بــ 10 ولا 15 الالف ويتكسب فيها ما تمسك قيمه ويقدر يصرفها بسرعه عكس النظيف يمسك قيمه وتصريفه يطول وجميع الشريطيه تحصلهم بحراج السيارات يشتريها برخص وبعدين يحطها بمعرض ويسلخلك جلد الزبائن وهكذا هـــــــــــــذا شغلهم |
[align=center]
مثل ما تفضّلت أخوي " أوم الحاله " إنه هالشغلة فيها مكسب حلو الحمدلله و كثير من الشباب يتجنبوها لأنهم للأسف يعتقدوا خطأ إنها محتاجة خبرة .. كل شغلة يبغالها تعليم و أنا فكرت فيها لما شفت أكثر من بيعه عملها أحد أقربائي و ما شاء الله كان مكسبه فيها النص .. قلت لأخوي يشاركني ، أنا برأس المال و هو يشتري و يبيع و لكن أخوي للأسف ما لُه في التفكير نهائياً ! و ما زلت أفكر فيها و أتمنى ألاقي أحد أقربائي يعاونني فيها .. أتمنى لك التوفيق أخوي و ياليت يتعلموا منك بقية الشباب :rolleyes:[/align] |
موضوع جميل ومميز
اشكر كاتب الموضوع جزيل الشكر راس مال قليل وممكن يتوفر بالمشاركة بين عدة أشخاص وإذا كانت النيه صافيه بإذن الله فيها خير كثير وهنا اذكر إخواني بما يلي يقول الرسول صلى الله عليه وسلم ( والله لا يؤمن أحدكم حتى يحب لأخيه ما يحب لنفسه ) مع بالغ الأسف غالب من يتعامل في المعارض ينسى او يتناسى هالحديث وهناك في المجتمع من يتكلم بثقافته عاليه وأفكار رائعه وأساليب متميزة في شتى المجالات وعندما تحضر الفلوس ينسى كل شي إلا الربح ولو كان بطرق ملتوية اسأل الله الهدايه لنا ولكم ولكافه المسلمين ارجع للموضوع ذكر أخونا ان هناك من يحضر للمعارض ويرغب في بيع سيارته بسرعه لانه محتاج وهنا يبدأ يلعب الشريطي لعبته يعرفون الناس من خلال خبرتهم في الشغلة ويقولون هالرجال عطشاااااااان بمعنى يبغى يبيع بسرعة فإذا كانت سيارته مثلاً تسوى 40000 ريال يعطونه 25000 ريال ويماطلونه وربما يزيدونه ألف او ألفين وبما انه مستعجل أكيد بيبيع وهنا يكون البائع مغبون والإسلام حذرنا من الغبن وأعود للحديث أعلاه هل تحب لأخيك الغبن أكيد لا وألف لا وللعلم هالامر موجود في العقار هناك من يحضر لبيع ارض لا يعلم سعرها ولا يعرف السوق ويعطونه الشريطية سعر بخس وهذا ظلم وغبن نسأل الله السلامه لذلك البيع والشراء في المعارض تجارة مثل أي تجارة لابد من الصدق والأمانة في كل شئونها طبعاً أهل الخير موجودين في كل مكان ولله الحمد فقط أحببت اذكر الجميع بأهميته مراعاة الآخرين في الختام أكرر شكري لصاحب الموضوع واسأل الله ان يوفق الجميع لكل خير |
السلام عليكم
اول شي اشكر صاحب الموضوع على المعلومات القيمه والمهمه بصراحه انا من الاشخاص اللي فكرت بالدخول للشغله هاذي* لاكن التردد والخوف هو اللي منعني فتره طويله مع ان معاي مبلغ جيد بحدود ال 50 الف* باذن الله راح اتةكل على الله وابداء بالشغله هاذي خاصه انه من الافكار اللي ماتحتاج عماله وسجلات وتقدر تشتغل فيها مع الوظيفه لاكن في بعض الامور اتمنى من صاحب الموضوع او اي شخص عنده الخبره فيها يوضحها لي 1- الان حسب ماشرح صاحب الموضوع ان الشراء من الاشخاص اللي يبيعون سياراتهم الشخصيه بجانب المعارض الان اذا اشتريت السياره هل اعرضها في نفس المكان بعد ما انقلها لاسمي !!؟ هل تكون مفيده الشغله كذا !!؟ 2- هل اشتري من موقع حراج واعرض السياره بالمعارض او العكس!!؟ لاني اشوف موقع حراج اسعارهم مرتفعه شوي* 3- لو اشري السياره واعرضها عند اصحاب المعارض كم ياخذو على السياره !!؟ هل في مبلغ يدفع لهم لوقف السياره عندهم !!؟ 4 - والشي الاخير انا في الرياض اش السيارات اللي تنصحوني ابتدي فيها والسعر التقريبي كبدايه* مثلا مابين 20-40 الف* او الى 50 الف !!؟* هل الوقت الان مناسب للدخول بالشغله هاذي !!؟ او التقسيط سوا افضل !!؟* |
الساعة الآن 01:45 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين