مشوووووووووووووره

abn-waiil · #1 (**permalink**) 25-02-2008, 03:59 AM

انا عندي ديانه وابي اشغلها وش تنصحوني به ترى ماعندي خبره بتشغيلها اشلوووون اشغلها

المكافحه · #2 (**permalink**) 25-02-2008, 04:55 AM

اجرها لنقل العفش اذا انت بالشرقيه اكتب اعلان بالمبوبه او بالجرايد واجرها بالساعات لاعلانكمثال طبعا (نحن نوفر لك عناء البحث عن ديانا.. ونوصلها لك لعند باب منزلك... نوفرها لك مع سائقها وانت عليك النقل (......ريال)واذا رغبت باستئجارها بدون سائق الساعه(.....ريال).. ) انا معرف باجراءات الاحتياطيه لضمان عدم ذهاب السيارة دون عوده انت اسال عن تاجير السيارات كيف ياجرون السيارات وسو مثلهم....انا يوم نلقت لشرقيه وصلتني ااغراضي اللي كانت عند اهلي بالنقل الجماعي .........يوم وصلت الاغراض الشرقيه جبتها من النقل لبيتي بسعر 70 ريال طبعا بعد عناء وبحث وجدت رقم عند احد خوياتي و اتصلت على البنغالي وقلت انا ابي ديانا انقل عفشي بها وجا على طول ..........تحديد السعر تقدر تحدده من العماله البنغاليه حقين الديانات اللي بمنطقتك وسالهم كنك زبون يبي ينقل عفشه ومنها تحدد سعرك..وكمان اساله لو تبي تستاجر السياره منه على اساس انك تنقل العفش بكم ياجرها لك بالساعه حتى يكون سعرك نفس سعر اصحاب الديانا او اقل منه بشوي......وسلامتك

فتى نجد · #3 (**permalink**) 25-02-2008, 05:03 AM

اذا انت بتشتغل عليها وجاد 100 % , انا مستعد اعطيك فكرة تصفي لك في الشهر اقل شي ( 15000 ريال ) صافي ربح في جيبك .
بس اذا انت اللي بتشتغل فيها بنفسك ...

ملاحظة / ترا الشغله يبيلها جلد وصبر وتحمل , يعني تشتغلها وتنسى عمرك سنه او سنتين وبعد كذا سو اللي تبيه ..

M.B.S · #4 (**permalink**) 25-02-2008, 06:21 AM

والله الدينااا لهاا شغلات واجد

وتطلع ذهب بس يبيلهاا واحد يكدهاا صح

سوااء بالاعلاف ولا الخضرة ولا نقل العفش ,,,,,,,,,,, الخ

واذا اخوي تبي احد يشتغل عليهااا عندي عمااله يشغلونهاا لك

وتتفق معهم على مبلغ وقدره كل شهر

وبالله التوفيق

حيرانه · #5 (**permalink**) 25-02-2008, 06:33 AM

الله يوفقك الرجال بيفيدونك ومايقصرووون معك ربي يسهل امورك

abn-waiil · #6 (**permalink**) 25-02-2008, 02:52 PM

المكافحه - فتي نجد - M.B.S - حيرانة
يعطيكم العافيه ماقصرتم
فتي نجد اكيد انا بشغلها بنفسي بس وشي الشغله

فتى نجد · #7 (**permalink**) 25-02-2008, 07:32 PM

ابــــن وايــــــــل .... اتمنى انك تاخذ الموضوع جد .

الفكره هي :

نقل البضائع من ( دبـــي ) الى ( الــريــاض ) , يعني بضائع التجار السعوديين تجمعها من كذا تاجر في دبي وتوصلها لهم للرياض , طبعاً كلها كراتين بمقاسات مختلفه وبضائع منوعه .

استخر وسلم امرك لربك , والله يكتب لك اللي فيه خير .

وطبعاً البداية ماهب سهله وتبي صبر وتعب ...

abn-waiil · #8 (**permalink**) 26-02-2008, 02:41 AM

اقتباس:

بضائع التجار السعوديين تجمعها من كذا تاجر

طيب وشلون اوصلهم التجاررررر وطريقه الجمارك كيف
تري انا جاد

heavenmoon · #9 (**permalink**) 28-02-2008, 09:59 PM

[GRADE="FF1493 FFA500 00BFFF 32CD32 FF1493"]
والله شوف مرة رحت .. من عند مركز تجاري بالعزيزية بمكة ... لفت لي نظري اثنين هنود ..

الاول
جالس يبيع من الدينة العاب للاطفال .. و بس
و هو موقف قريب من المركز التجاري كل ما جا احد اشترى منه ..

و الثاني يبيع بس ذرة و بطاطس مقلية .. صحيح انه ماحبيت النشاط الثاني لاني احس انه اقل نظافة ما اعرف ليه هذا راي طبعا
[/GRADE]

........ و لكن لاحظت كمان عليه اقبال من الناس ..

انت تبغى تربح صح

[GRADE="FF1493 FFA500 00BFFF 32CD32"] .. فكر في نشاط يجذب الاطفال .. و النساء ... تراهم اكبر مبذرين و اغلب الاشياء تستهويهم ... و لا يتوبون عن الانفاق [/GRADE]