السلام عليكم ورحمه الله وبركاته

اسعد الله صبآحكم / مسآئكم

انا يا أخوان فكرت كثير في ان ابتدئ بمشروع يكون دخل ثابت لي .. بما اني طالب جامعي وحاب ابتدي بشيء نترزق الله فيه ونبدا حياتنا ..
وفكرنا بكثير مشاريع ؛ وابتديت الصراحه لكن تعثرنا في بعضها الخ .. وبالاخير فكرت افتح مغسلة ملابس او افتتح مؤسسة مقاولات وبناء وكذا
واحترت فيها كثير وحاوت اسال ناس كثير الصراحه مافي احد افادني صحيح الرزق على الله بس لازم تدرس المشروع الي راح تبتدي فيها من كافه الجوانب بما اني مااملك خبره ومالقيت احد يفيدني .. وانا كل الي عندي واملكة بحطه في احد هالمشروعين والناس تقول توكل على الله والرزق على الله
والنعم بالله لكن انا متخوف اتهور وادخل بشغله وبالاخير افقد كل الي عندي واصير على الصفر وعلى فكره راس مالي هو قيمه بيعتي لسيارتي وانا قلت ليش مادخل فيهم بمشروع افضل ماحطهم بسيارة ..
وحبيت اطرح فكرتي في هذا المنتدى اتمنى الي يملكون خبرة يساعدوني ويعطوني الوعي الكافي
لكي اتوكل على الله وابتدي
الصراحه انا فكرت في هالمشروعين / مغسلة ملابس - مؤؤسسسه مقاولات وبناء
وماني عارف الصراحه اي شيء فيهم ,, لا تحرمونا من الردود الواعية

والله يجزاكم خير
مع تمنياتي للجميع بالتوفيق

موفق بإذن الله ... لك مني أجمل تحية .

اخي موقعك وين باي مدينة

شووووف اخوووي بالنسبه لي عندك مشروووعين ناجحه جدااا والله يطرح فيها البركه

الاول: محل خضروات وفواكه ::

عوامل نجاح المشروع:

1- قبل كل شي التوكل ع الله والرزق بيدين الله سبحانه وتعالى

2- اختيار موقع المحل مو شرط يكون في مكان عام المهم يكون جنبه ملحمه او دواجن او بقاله ومخبز

3- يكون بعيد شوي عن محلات خضروات اخرى

4- نظافه المحل وقوه الاضاءه فيه لجذب الانتباه


التكاليف :

1- شراء سياره هايلكس

2- استقدام عامل للمحل

3- اجار المحل


وطبعا كل يوم قبل صلاه الفجر وانت بحلقه الخضره وتاخذ بضاعتك وتتوكل ع الله

صدقني اقل دخل باليوم 3000الاف ريال



\\مشرووووع تربيه موووواشي:::://


بالنسبه لمشروع الغنم::

عوامل نجاح المشروع :

-1 التوكل ع الله سبحانه وتعالى

2- اختيار المكان لتربيه غنمك

3- المتابعه كل يوم


التكاليف::

1- شراء سياره هايلكس او شاص

2- الشبك

3- الضرمه (الشعير والبرسيم )


وااللي عنده اضافات لايبخل ع اخووونا

والله يرزقك من اوسع ابوابه

انا في محافظة الخرج

واخي الهذلي بالنسبة للي طرحته مشروع ناجح سوا بالنسبه للخضروات او الماشية

وانا مابنكر هذا الشيء بس انا مشكلتي طالب جامعي وفتره دوامي من الصباح الى العصر تقريباا وهذا النوع ممن المشاريع يتطلب تفرغ تام عشان تشوف شغلك وانا فكرت في مغسلة او مؤؤسسة لان نشاطها تقريبا مايتطلب مثل نشاط البيع الفواكه والخضروات والماشية

واشكركم ياخوان على مروركم وعلى وجودكم والله يجزاكم الف خير ويحقق الي ببالنا وبالكم

الله يرزقك من اوسع ابوابه ويكتب لك الخير

يجي من يفيدك