مشكلتي مع جامعتي ( خريج هالسنة دعواتكم لي )

مقتاح · #1 (**permalink**) 01-02-2012, 07:16 AM

السلام عليكم

مساكم / صبحكم الله بكل خير

هذي اول مشاركه لي فعليه ( ولو اني متابع قديم )

السالفة ومافيها .. اني طالب خريج .. المفروض اتخرج السنه هذي ( الترم الحالي اخر ترم لي ) ..

ساعاتي الحاليه 18 ساعه .. وباقي لي تقريبا 14 ساعه ..

المشكله ان كليتي رفضوا يضيفون لي الساعات المتبقية اللي هي ( 14 ساعة ) بهالترم يقولون مانقدر نضيفها لك .. هذا الامر راح يأجل تخرجي الى السنة القادمه ( الترم الاول ) .. بدال ما اتخرج هذا الترم راح اتأخر 7 شهور على بال ما اتخرج ..

قلت يمكن فيه ترم صيفي وللأسف سألت وقالوا مافيه بجامعتنا ترم صيفي لكليتنا .. وحتى لو فيه ترم صيفي ماراح يضيفون لي اكثر من 9 ساعات .!!

قلت يمكن اروح ترم زاير بجامعات ثانيه وللأسف الجامعات الثانيه ماتستقبل اي طالب بيدرس اكثر من 9 ساعات ..

انا باقي لي 14 ساعه كان ودي يضيفونها لي الحين مع الـ 18 وتصير 32 ساعه وادرسها كامله هالترم واتخرج ...

وش الحل ياغالين بعد هالشرح بالتفصيل الممل ..!؟

انتظركم ويالله ياكريم اني احصل افادات تحل مشكلتي ( خاصه اني زهقت من هالجامعه وابيهم يضيفونها لي وافتك لكن ماباليد حيله .. )

تحيتي وتقديري

يوسف المسعودي · #2 (**permalink**) 01-02-2012, 07:39 AM

مافي حل الا انك تنتظر .. ع ايش مستعجل وانا خوك الصبر زين

Ξ الأدميرالي Ξ · #3 (**permalink**) 01-02-2012, 07:48 AM

الصبر مفتاح الفرج يمقن تتخرج ماتلقى عمل ويمقن تلقى

مقتاح · #4 (**permalink**) 01-02-2012, 05:05 PM

اقتباس:

المشاركة الأصلية كتبت بواسطة يوسف المسعودي

مافي حل الا انك تنتظر .. ع ايش مستعجل وانا خوك الصبر زين

اقتباس:

المشاركة الأصلية كتبت بواسطة الأدميرالي

الصبر مفتاح الفرج يمقن تتخرج ماتلقى عمل ويمقن تلقى

[align=center]

حياكم الله ..
اخوي يوسف واخوي الادميرالي ..

انا مستعجل يبسبب ( المفاضلة اثناء الوظائف بتكون الاولويه للمتخرجين بنفس السنه وانا اذا تأخرت وتخرجت السنة الجايه راح تضعف حصولي على الوظيفه لان المتخرجين معي هم اولى بـ سنتهم ..)

اما بالنسبة للعمل ( ماهمني الوظيفه هي رزق من الله .. اهم شي اتخرج والوظيفه لها الف حلال ماعلى ربك مستحيل )
[/align]

جيرتس · #5 (**permalink**) 01-02-2012, 06:09 PM

32 ساعه اعتقد كثيره جدا جدا .... انتظر فصل دراسي وادرس 14 ساعه هانت مابقى الا القليل

مقتاح · #6 (**permalink**) 01-02-2012, 06:37 PM

اقتباس:

المشاركة الأصلية كتبت بواسطة جيرتس

32 ساعه اعتقد كثيره جدا جدا .... انتظر فصل دراسي وادرس 14 ساعه هانت مابقى الا القليل

[align=center]
ياليت اقدر انتظر او اصبر ..ولكن هذي اسباب استعجالي:

1- ملينا من الدراسه والمذكرات والجو المنغلق .. تقل لنا سنه نحفر ببير وماطلع لنا ماء .. ناهيك عن اخوياي اكثر من 20 يتخرجون الترم هذا ( المسألة صعبة نفسيا )

2- المفاضلة كما ذكرت في ردي السابق ع الاخوان ( اذا تاخرت ودرستها بالفصل الدراسي السنة القادمه راح اتأخر وظيفيا )

3- 32 ساعة اشوفها قليله بالنسبة لي ( اغلب وقتي فراغ وفضاوه ) ( انا ماعندي مشكله مع الضغط او هالامور لاني استطيع بل ومتمكن من التنظيم وادارة الوقت وهذا نمط حياتي من الثانوي )

4- السؤال المطروح .. لو تاخرت ودرست الـ 14 ساعة السنة القادمه ( الترم الاول ) وتخرجت .. راح يكون تخرجي مابين الفصلين الدراسيين السنة القادمه .. هل اقدر اقدم على وظايف شي ( مثل المدارس الاهليه ) ؟ ولا ابقى معلق لين تتنتهي السنة كاملة ؟ [/align]

جيرتس · #7 (**permalink**) 02-02-2012, 03:34 AM

اخوي انا اتفق معك 100 ف 100 بالنسبه للاسباب التي ذكرتها ولكن بالنسبه للتوظيف كل شركه او وزاره لها تقديم وتاريخ معين يعني مستحيل كلهم بنفس التوقيت راح باذن الله تتوظف سواء بنهايه السنه او بنصفها او بدايتها .... اتمنى ان تحصل على 32 ساعه وتتخرج اسال الله لك التوفيق

هواء السعودية · #8 (**permalink**) 03-02-2012, 12:44 AM

اقتباس:

المشاركة الأصلية كتبت بواسطة مقتاح

[align=center]

حياكم الله ..
اخوي يوسف واخوي الادميرالي ..

انا مستعجل يبسبب ( المفاضلة اثناء الوظائف بتكون الاولويه للمتخرجين بنفس السنه وانا اذا تأخرت وتخرجت السنة الجايه راح تضعف حصولي على الوظيفه لان المتخرجين معي هم اولى بـ سنتهم ..)

اما بالنسبة للعمل ( ماهمني الوظيفه هي رزق من الله .. اهم شي اتخرج والوظيفه لها الف حلال ماعلى ربك مستحيل )
[/align]

من اللي لاعب عليك ؟؟؟

انا خريج من سنتين والمفاضله تكون على اساس الأقدمية والمعدل

ووزارة التربية مشدده على ان خريج الفصل الثاني لايدخلون هذي المفاضله الا في الأحتياج الشديد

وهناك شرط اجباري وهو اجتياز قدرات المعلمين بدونه انت ولاشيء بالنسبة للتعليم

مقتاح · #9 (**permalink**) 03-02-2012, 01:01 AM

اقتباس:

المشاركة الأصلية كتبت بواسطة هواء السعودية

من اللي لاعب عليك ؟؟؟

انا خريج من سنتين والمفاضله تكون على اساس الأقدمية والمعدل

ووزارة التربية مشدده على ان خريج الفصل الثاني لايدخلون هذي المفاضله الا في الأحتياج الشديد

وهناك شرط اجباري وهو اجتياز قدرات المعلمين بدونه انت ولاشيء بالنسبة للتعليم

1- ياغالي انا سمعت ان اللي يجيب معدل 2.00 بالجامعه .. بس ينجح في اختبار المعلمين ويجيب فوق الـ 50 = يضمن وظيفته بالتدريس مباشرة ..

واللي يجيب معدل 4.95 بالجامعه .. بس يرسب في اختبار المعلمين ويجيب اقل من الـ 50 = لا يحلم بوظيفه بالتدريس حتى لو طال الزمن ..

هل هالكلام صحيح وموثوق مية بالميه ؟

2- ياغالي بالنسبة للاقدميه .. طيب لو انا تخرج بمعدل 3.00 وواحد ثاني تخرج بمعدل 4.00 بس انا متخرج قبله بسنه وتقدمنا لوظيفه حكوميه ايهم الاحق بالوظيفه هنا ؟ انا لانني اقدم .. او هو لانه اعلى بالمعدل ؟

تحيتي وتقديري لك ياغالي وياليت تعطيني شي متأكد منه مو متوقعه ..

هواء السعودية · #10 (**permalink**) 03-02-2012, 01:11 AM

اقتباس:

المشاركة الأصلية كتبت بواسطة مقتاح

1- ياغالي انا سمعت ان اللي يجيب معدل 2.00 بالجامعه .. بس ينجح في اختبار المعلمين ويجيب فوق الـ 50 = يضمن وظيفته بالتدريس مباشرة ..

واللي يجيب معدل 4.95 بالجامعه .. بس يرسب في اختبار المعلمين ويجيب اقل من الـ 50 = لا يحلم بوظيفه بالتدريس حتى لو طال الزمن ..

هل هالكلام صحيح وموثوق مية بالميه ؟

2- ياغالي بالنسبة للاقدميه .. طيب لو انا تخرج بمعدل 3.00 وواحد ثاني تخرج بمعدل 4.00 بس انا متخرج قبله بسنه وتقدمنا لوظيفه حكوميه ايهم الاحق بالوظيفه هنا ؟ انا لانني اقدم .. او هو لانه اعلى بالمعدل ؟

تحيتي وتقديري لك ياغالي وياليت تعطيني شي متأكد منه مو متوقعه ..

اول شيء انت سجلت بالأختبار ولا لسه ؟؟

وبجاوب على أسئلتك بصفتي شخص دخلت الوزارة اكثر من بيتنا

القياس شرط للوظائف التعليمية يعني تجيب 5 من 5 وراسب ماتترشح اساساً للتعليم

لأن الوزارة تطلب سيدي بالناجحين في قياس دون النظر الى المعدل .

ثاني شيء هناك مايسمى بالمفاضلة وهي تعتمد على الأقدمية والمعدل والخبرات والدورات

يعني هي بالأخير نقاط وكل سنه بطالة بنقطتين والخبرة عليها 3 نقاط تجمع ويشوفون الأعلى

أهم شيء عند الوزارة القياااااااااااااااس وبس انجح وبتتوظف خذ الكلام مني ولا تسمع لأحد

مشكلتي مع جامعتي ( خريج هالسنة دعواتكم لي )

مشاكلك في العمل

السلام عليكم مساكم / صبحكم الله بكل خير هذي اول مشاركه لي فعليه ( ولو اني متابع قديم ) السالفة ومافيها .. اني طالب خريج .. المفروض اتخرج السنه هذي (...

مشكلتي مع جامعتي ( خريج هالسنة دعواتكم لي )

تسجيل الدخول

مشكلتي مع جامعتي ( خريج هالسنة دعواتكم لي )

مشاكلك في العمل

السلام عليكم مساكم / صبحكم الله بكل خير هذي اول مشاركه لي فعليه ( ولو اني متابع قديم ) السالفة ومافيها .. اني طالب خريج .. المفروض اتخرج السنه هذي (...

مشكلتي مع جامعتي ( خريج هالسنة دعواتكم لي )