السلام عليكم ورحمة الله وبركاته
كيف حالك إن شاء الله دائما بخير ؟
قبل مااكتب موضوعي كلمة حق في ضمان جده خاصة لما كان كله رجال مافي موظفات حريم وربي قمة الرقي في التعامل ومافي تأخير ولطعه رغم الزحمه لكن ماعمري واجهة معاهم مشاكل او زحمه وتأخير وخربطه
مشكلتي
لما رحت اقدم على المقطوعه لاول مره رحت 3 مرات قسم الحريم وكانو يصرفوني والله يشهد على كلامي علما انو المبنى حقهم بعيد عني يعني مشوار وتعب واخرتها يقولولي مافي حاجه اسمها مقطوعه والله بالحرف الواحد قولتلهم ابغى المديره هنا قالو روحيلها تلاقيها بالدور الثالث مدري الرابع المهم طلعتلها فوق لقيتها طيبه واخلاق سمعتني للاخر بس نفس الكلام قالت مافي شي اسمه مقطوعه وصلتلها الفكره بكذا مسمى ماعجبها شي طلعت من عندها وانا على يقين انها صادقه لانها كانت طيبه ومتفاعله معاي وانا نازله من المصعد التقيت بمراجعه تعرفون حريم على طول نتعرف على بعض ولما نزلنا من المصعد قالتلي يله اشوفك على خير انا رايحه قسم الرجال مو خارجه قلتلها ليش قالت اقدم على المقطوعه وبعد حوار طوييييييييييييل اتضحلي ان التقديم عند الرجال لان الحريم يصرفون ماادري هل السبب انهم فعلا مايدرون مجرد شكل وظيفي او يصرفونا او مو مسؤليتهم مسؤلية قسم الرجال
بعد هالكلام كله دخلت لقسم الرجال كان بالصدفه يوم الحريم لان الرجال يستقبلون الحريم يومين بالاسبوع وكان من حسن حظي رحت معاها وكنت جايبه اوراقي وقفت في طابور التقديم
مااخذت ولا 3 دقايق اعطيتهم هويتي وخرجت وبعد كم شهر نزلت بحسابي
اللي مايبغى يقرا الموضوع هذا سؤالي بختصاااار
الحين ابغى اختصر هالمشوار كله واروح لقسم الرجال مباشرة بس مااعرف ايش هيه الايام اللي يستقبلو فيها الحريم؟؟

صااادقه بكل كلمه قلتيها

والله العظيم لما كان بس رجال كنا مرتاحين وامورنا تمشي بسرعه

الحين شهور وكلها تصررريف

وش الحل علشان نرجع زي زمان ؟؟

نبي الرجال يخدمون مصلحتنا =(

الله يسامح الموظفات بس

والله انا اول مافتحوا قسم السيدات رحت..وكنت اسأل عن المقطوعه..قعدت يمكن ساعه ولما جاء دوري قالتلي ماافي شيء اسمه مقطوعه..بعدها شفت انه في سيدات يدخلوا قسم الرجال..وسألت قالوا عادي لهم ايام محدده..وربي اني لما دخلت وسألت الموظف..اخذ بطاقتي وشيك عالحاسب..وقال خلاص اختي بتلاقيها بعد شهر في حسابك..وفعلا..شهر وهي بالحساب
روحوا للرجال..خدمتهم احسن و أسرع..ويعطوكي المفيد بسررعه..
الايام هي الاثنين والثلاثاء
والله يسهلك أمورك اختي

الله يسامحهم اهم شي في العمل هو الاخلاص
لكن وش نقول حسبي الله ونعم الوكيل
يعني يوم الاثنين والثلوث جزاكم الله خير
اخر مره رحتلهم قبل اكثر من سنه فماافتكر