[align=center]السلام عليكم ورحمة الله وبركاته


بالاول انا ادرس عن بعد , وكنت مؤهلة بالدفعة الاولى
والدفعة الثانيه غير مؤهلة والسبب

تشير سجلات إحدى الجامعات/ الكليات إلى أن المتقدم قد انسحب من جامعة/ كلية في المملكة لذلك ينبغي الانتظار لمدة سنة قبل التقديم لبرنامج حافز في حال تقاضي مكافأة مالية خلال فترة الدراسة, ولمدة 6 أشهر قبل التقديم لبرنامج حافز في حال عدم تقاضي مكافأة مالية خلال فترة الدراس

صحيح كنت في جامعة بس انسحبت منها قبل سنة ولا عطوني مكافأة الا مرة وحدة قبل سنتين ونص !

المهم كلمت حافز وقلت لها سالفتي رفعت لي اعتراض وقالت لي اضغطي شيئ فوق مكتوب عنده هنا قلت لها اخاف
كذا اتأخر ولا شيء قالت لا انتم الانتساب يمشي لكم ..
من بعدها صارت الحالة عندي كذا !


حالة التسجيل:
البيانات مكتملة

حالة الآيبان:
تم التحقق: الآيبان مطابق

حالة الأهلية:
إعادة تقديم الطلب

حالة الالتحاق:
ملتحق

حالة الدفع:
تاريخ آخر دفعة تم إيداعها: 20/02/1433
عدد الدفعات التي تم دفعها للمستفيد: 1

عقب كلمت وحدة ثانية قالت لي انتي يوم ضغطي (هنا) اللي موجود عند تأهل يعني كأنك سجلتي من جديد تنتظرين 3 اشهر
الله يسامحها الاولى ليه سوت فيني كذا !


سؤالي :

اللي مثلي عن بعد كانو غير مؤهلين وبعدين صاروا مؤهلين وش سوو ؟

الدفعة الثانية اللي راحت علي راح يعوضون ويعطوني ؟

وضعي الحين كيف وش اسوي ؟



بنتظار مساعدتكم الله يجزاكم الخير .. [/align]

يجي من يفيدك ان شاء الله

ياقلبي لتحقيق من بياناتك لازم تنتظرين 3 شهور كحد اقصى ويمكن اقل

وزين انك قدمتي اعتراض عشان يدرسون وضعك

والشهر اللي ماتأهلتي فيه ماراح تاخذينه

لانه طلع لك غير مؤهل

بس عادي تتعوضين فيه لك 12 شهر تستلمين

وانتي استلمتي الدفعه الاولى يعني باقي لك 11 شهر

والانتساب تصرف لهم الاعانه

لكن حسبي الله عليهم ظالمين الناس

انتظري تأهيلك تاريخ 23/3

وان شاء الله تتأهلين

موفقه حبيبتي

الله يجزاك الخير رغد الحياة , حتى موظفة حافز قالت لي لا تخافين راح تستلمين 12 دفعة
كاملة حتى لو في 2013 هذا على حسب كلامة بس مااثق فيها , لانهم قالو من قبل
12 شهر , مب 12 دفعة , مالهم آمان ..

بنتظار احد طلاب انتساب عن بعد نفس حالتي , كان غير مؤهل بس صار مؤهل ؟

كيف وش الطريقة , لاني سمعت ان كان في طلاب الانتساب غير مؤهلين وصاروا مؤهلين ؟

انا طالب انتساب الدفعه الاولى مؤهل والثانيه غير مؤهل لانك طالب جامعي رغم اني منتسب

الله يجازي جامعة الطائف

^
طيب ليه هذا التلاعب , وربي حرام عليهم
بس ترا اعرف ناس عن بعد و اخذو الدفعتين دنيا حظوظ



المهم الحين انا صار لي سنة من يوم سحبت ملفي من الجامعة انتظام
وش اسوي وش الخطوات , لاني سمعت في ناس نفس حالتي سوو شيء
بعدين رجعوهم واعطوهم مع الدفعة الثانية ؟

العيون الزرقاء الله يجزاكم الخير اختي
يعني طلع كلامي صحيح انتظر 3 شهور , ربي يعين