ما راح من عمر التعب ما يكفّيك
ما هزّتك طيحة هقاويك .. دونك .~

يا " باعث " قبور الحزن في محانيك
لو ما رجعت لـ دفنها .. يدفنونك

هذا الحزن لو ماانتهى بك بينهيك
خاوى تفاصيلك .. وعوّد بدونك .~

شف شيبك اللي من همومك عثا فيك
وكيف التجاعيد اعْبثت في جفونك

جسمك تهاوى من عناك وتعنّيك
ونبرات صوتك غالبتها شجونك .~

لأْنك تنفّست الشقا في مساريك
شف كيف صدرك مختنق من طعونك .!

بعت المنام لعين من نام ناسيك
حتى غدى ليل السهارى زبونك

لا تنتظر من خانك إنّه يواسيك
لو هو يحبك ما تجرّأ يخونك .!

قلبك تعلّق في مخاليق تشقيك
ونسيت حب الخالق اللي يصونك

الناس في عونك .، إذا الحظ يعطيك
وان شحّ حظك قالوا : الله بعونك .!

ارقى عن أسباب الزعل لا تخليك
عبد لهمومك كل ما يزعّلونك .~

دنياك حلوه .. لو تلفّت حواليك
تلقى من بعاد البشر ينصفونك

لو شفتها بعين الرضا هي تراضيك
ولو بالكدر .، ما خالفتك بظنونك

افرد جناحين الفرح فوق ماضيك
حلّق عن الذكرى ومن يجرحونك

غيّر من الواقع إذا كان عاصيك
جدّد من الأحلام .. مارس جنونك .~

ازرع فيافي الصدر بـ اخضر طواريك
الكون كلّه ساعة رضاك .. كونك

الليل تسهر مع نجومه .. تناجيك
وتبادر طيور الصباح بلحونك

بثّ الجمال بكل رسم لمعانيك
خلّ الطبيعه تاخذ إحساس لونك

خذ من خطاك اللي يصحّح خطاويك
لاتشيل ما لا تستطيعه متونك .~

وان ضقت أو ضاق الزمن ارفع ايديك
لك رب ما يخذْلك .. لو يخذلونك .

مماراق لي

راقت لي ايضا

خذ من خطاك اللي يصحّح خطاويك
لاتشيل ما لا تستطيعه متونك .~




في الصميم وربي
أبـدعت فطرحه وأنتقائه
تقبل م ـروري


××



×

السلام عليكم ورحمة الله وبركاته


وان ضقت أو ضاق الزمن ارفع ايديك
لك رب ما يخذْلك .. لو يخذلونك .

الله يعطيك أأأأأألف عافيه أخوي طرحك في

قمة الرووووعه و التميز أبارك لك هذه الذااائقه

و بإنتظار جديدك دمت بكل الصحه و السعااادهـ .~

وان ضقت أو ضاق الزمن ارفع ايديك
لك رب ما يخذْلك .. لو يخذلونك .

كلام كبييير

تسلم يمينك

إنتقآء رآئعععع
يسسلمو ,,

اسعدني تواجدكم ومروكم الذي عطر

متصفحي بطيب ردودكم

اخوكم

خوي الماشي