لا ماراح تتوظف والتخصص ماله مستقبل والكلية كلها على بعضه ماله مستقبل
تبي تسمع النصيحة شف لك جامعه ماتبي تسمع بكيفك اخرته تبي تجلس بالبيت

هلابك اخوي

من واقع خبره واللي اشوفه من اخوياي اللي متخرجين من التقنية وانا واحد منهم

محد يتوظف الا اللي تخصصه كهربه فقط

وعليكم السلام ورحمة الله وبركاته
نصيحة اذا انت تبي تخلص ترم يعني توك مالك 3 شهور اسحب عليها انا تخصصي إدارة ومعدلي 4.93 ممتاز مع مرتبة الشرف الاولى ومتخرج بشهر واحد ماقدمت على وظيفة وقبلت فيها الى عسكرية اذا ناوي تدرس ادخل جامعه وبعدين لو درست بالتقنية واخذتها وتبي تكملها مراح تكملها الى بفلوس > اسئل مجرب ويعطونك تخصص ادارة اعمال " موارد بشرية " حسب الي عرفته من خلال بحثي عموما انت فكر والقرار الاول والاخير لك بس انت طلبت المشورة ويقول المثل من "شاورك دخل ذمتك" التقنية اكثر خريجيها عاطلين وزي ما قال اخوي افضل تخصص فيها كهرب خصوصا للي يبي يقدم على ارامكو او سابك او شركة الكهرب أو احد الشركات الكبيرة اذا تبي رايي اذا انت هاوي دراسة اتركها وادرس انقليزي مو شرط تدخل دورة بفلوس عن طريق النت ادرس وتعلم لما يفتح تسجيل الجامعات سجل بالجامعه منها تكون اتسفدت من الوقت ومنها تكون ماضيعت عمرك ورا شهادة مستقبلها ضايع .
موفق بإذن الله ... لك مني أجمل تحية .
تحياتي لك / اخوك مشعل

يالغالي الكليه كلها ع بعضها مالها اي مستقبل فنصحيه مني دور جامعه اصرف من التقنيه
انا متخرج من الكليه التقنيه تخصص اداره مكتبيه وها عاطل ليا الي الحين سنتين وماخليتي ولا وظيفه احسلك ونصيحه مابي نحطمك

انا اعطيتهم ملفي قبل امس

واختر تخصص اكترونيات


شكلي باسحبه مع بداية الدراسة


ما قصرتم يا اخوان حطمتوني !!!!!!!

هههههههههههههههههههههههههههههههههههههههههه


< فاطس ضحك هههههههههههههههههههههههههههه :


والله الشباب ما قصرو حطموك .. عطوك اياها من الاخيـرر بدون مجاملات : مالها مستقبل ..

وانت شكلك متحمس تبي تدرس هههههههههه:

ف انا انصحك يا اخي اذا تبي تدرس : قدم على جامعه الامام محمد بن سعود الاسلاميه ..

او جامعه الملك سعود < بس يبلها واحد مخ ..

او العسكريهه ..!! < تعيش احلى عيشه واحلى راتب :

^^^

واللي معدل ما يسمح يدخله الجامعة( بكلويس) ؟؟


حتى الجامعة ما حصلت الا في كلية المجتمع (دبلوم ) !

اسمع دبلوم لا تسجل
انا ولد عمي معدله 69 وجاني قال تكفى دبرني ابي تقنية او مجتمع دبلوم
قلت اقول اهجد لو تجلس بالبيت مااخليك تدرسهم عطني معلوماتك وانا راح اسجلك بكل الجامعات
طبعا سجلته بكل الجامعات والتقنية كالعادة اول كلية ترسل لك القبول ماهم مصدقين لانه هو كان مقدم عليه قبل لا يقول لي وكان حاط اميلي ووصلتني رسالة قبولهم وماقلت له انتظرت الى ان الحمدلله قبلوه بالجوف صحيح انه بعيده لكن بعد ترم يقدر يحول الى اي جامعه يبيه نفس الحالة اخوي سجل بجامعة وماقبلوه وقبلته جامعه بعيده وقال راح افصل واجلس بالبيت وكان متحطم نفسيا جيته قلت له ماراح تفصل كمل وباذن الله راح تنقل والحمدلله السنة هذي داوم بنفس الجامعه اللي كان مرفوض فيها اسهل شي التحويل بين الجامعات انت انتظر التقديمات برمضان الجاي ولا تترك جامعه ماتقدم عليه وانا اضمن لك راح يجيك مقعد ولو مكانه بعيد اطلع له وبعدين حول انا قلت الكلام هذا ابيك تستفيد من التجارب اللي مرت علي وادعي لي بالوظيفة خريج تقنية حاسب الى تخصص برمجيات بشهر 1 اللي فات بمعدل 4.91 وشكرااا

^^انا بعيد اختبار القدرات وان شاء الله نجيب معدل عالي


وعلى التقنية اول ما تبدا الدراسة بسحب ملفي ع طول


وان شاء الله تتوظف في احسن الوظايف


با التوفيق لك