انا أسمي طالع بالتأمينات وطلع بمكتب العمل
وانا لا موظف ولا شي عاطل منتف ..
وش الحل
مع العلم أني أدرس بمعهد حاسب آلي .. وهم قالو انهم ياخذون اسمائنا يقدمونها لشركه
بعد سنه وبعد حصولنا على الشهادهـ .. يوظفونا !!
المشكله أن الأختبار بشهـر سته وأنا محروم من حافز ..( بسبب الي ذكرته) ..
رحت للمعهد الي أنا أدرس فيه قالو لازم تدفع فلوس عشان نقدم أستقالتك لأن الشركه هي متكفله بالمصاريف
وهي كلهآ خراط فاضي خاصمين نسبه بسيطه من الرسوم .. ومتفقين مع بعض وانواع النصب ..
الي أبيه : ابي حل يضمن لي الشهاده الي بالمعهد + أقدم الأستقاله
وابغى أقدم شكوه على الشركه النصابه ؟؟
وهل لي حقوق ماليه ؟
وش الحل ...؟

للرفع

أحد يرد

إذا عندك صورة من العقد أقراهـ وتعرف إذا مطالب بالسداد أو لا عند الإستقالة, وإذا ماعندك أطلبهم صورة منه.

تروح لمكتب العمل .. وتخبرهم بالمشكله ولا تطلع من عندهم إلا عارف كل شيء .."
لأن أسمك الحين شاغر لسعودة وموظفين واحد بدالك أجنبي عشان يعطوه راتب اقل منك ..

وبالتؤفيق ."

^^
لا تمشور الرجال على الفاضي, خله يقرأ العقد أول شيء

ممكن العقد اللي موقع عليه تدريب منتهي بالتوظيف ويكون هناك شرط هو ما اطلع عليه ينص على أن يتم تسجيل إسمه بالتأمينات طول فترة تدريبه + فيه شرط جزائي في حالة الاستقالة يدفع مبلغ وقدره

عشان كذا أقول صاحب الموضوع اقرأ العقد اللي وقعت عليه وبعدها لكل حادثه حديث.

اخوي هذي قد صارتلي

ورفعت شكو في مكتب العمل

وعطوني رواتب الاشهر الي ماشتغلتها

بس بشرط
يكون ورقة الاستقاله من الشركة القديمه موجوده

وروح مكتب العمل قسم الشكاوي والتعويضات

وصدقني هم معك وضد الشركات في الحق

وراح ياخذون حقك

واتمنى لك التوفيق

االله يعطي العافيه لكل من رد ..

المعهد قالنا من أول ان الدراسه منتهي بالتوظيف وهي كلها نصب بنصب لان فيه ناس درست ولا شافو الوظايف
لكن مدري وش الحل اخاف اني اقدم استقاله على الشركه ويوصل للمعهد الخبر
وتروح علي الشهاده لاني ادرس شبكات دبلوم سنه

؟؟؟
بصراحه محتتاااار