السلام عليكم ورحمة الله وبركاته
اخواني الكرام

احييكم واحيي المنتدى الرائع ، والله العظيم اني اقرأ المواضيع وافرح وادعي للناس اللي يساعدون بعضهم البعض ، منتدى فيه عيال وبنات حلال كثيير الله يوفق وييسر ويسهل رزق كل من كتب حرف واحد فيه افادة لغيره


يا اخوان باختصار انا افكر افتتح لي مشروع صغير ، حلاق او بقالة او مغسلة او محل خضار ، بس استفساري هل مكتب العمل يطلب سعودة - طبعا عيال ديرتي ودي اعطي الواحد عيوني بس مانلقى احد يشتغل في هذة الانشطة - ، يعني لوفتحت بقالة هل بيطلبوني سعودة او اي من المشاريع، ووش لون اعرف المشاريع اللي تتطلب سعودة ؟

الله يوفق ويسهل رزق كل من يرد علي او يدعي لي بالتوفيق

شكرا لكم وللقائمين ع هذا المنتدى الرائع

وعليكم السلام ورحمة الله وبركاته

مافهمت الحين انت سعودي وتبي تفتح مشروع وبتحط عليه عامل اجنبي

او بالاساس انت مو سعودي وتبي تشتغل بنشاط تجاري باسمك

مع اني مع الاحتمال الاول وهو انك سعودي وتبي توظف اجنبي

بالاول اخي الكريم اذا انت مثل تخميني تبي توظف اجنبي صدقني فيه سعوديين يدورون اللقمة الشريفة ولايهمهم

خاصة طلاب الجامعات الي يبون دوامات جزئية من بعد الظهر للمساء والله يوفقك

شكرا اختي الكريمة
لا انا سعودي وابي اجيب عامل اجنبي ، واناعدو لاي شئ اسمه تاجير للمحل على العامل ، ياوخيتي مافيه سعودي يرضى يشتغل في حلاق او محل خضار

ليه ما في سعودي يرضى يعمل في محل خضار أو بقالة ؟؟

من قال هذا ؟؟

كثير من الشباب هذه الأيام يعملون في أي عمل

لم يعد كثير من الشباب مثل الماضي يبحثون عن البرستيج

الآن الكثير يبحثون عن مصدر رزق يغنيهم عن السؤال

المهم أن تكون منصفاً في الراتب

لا تقول الأجنبي أقل

الأجنبي يكلفك رسوم أستقدام + سكن + رسوم أقامة + تأمين طبي + تذاكر غير المشاكل اللتي تأتي من ورائهم
ممكن يهرب منك و تخسر رسوم الاستقدام و الاقامة + تدفع للجوازات قيمة تذكرته !!

يا اخوان اللي عنده معلومة يفيدني بها ، واللي ماعنده ياليت يفزع لي بدعوة ، واللي ماعنده معلومة ولاوده يفزع لي بدعوة الله يجزاه خير ، لايقعد يعطيني دروس ومثاليات كاني وزير العمل، اعرف فوائد السعودة واعرف مضار العمالة الاجنبية !

الله يرزق كل مسلم على نيته

اخوي مكتب العمل ما يطالبك بالسعودة الى اذا كان عندك عمال وعددهم

فوق 8 عمال هنا يطلب منك توضيف سعودي وكذا على كل 8-10 عمال لازم يكون عندك سعودي موضف


اما عامل او عاملين ما يطلب منك

باختصار اي مشروع

موفق اخوي

بالعكس من قال يطالبون لمن عنده 8 عمال بالسعودة احد محارمي ماعنده غير عامل واحد ويبي الثاني وقالو جب سعودي

من 1 الى 9 عمال سعودي واحد

ويكفي انت اذا لست مشترك في التأمينات لجهه اخرى يحسبونك موظف واحد .

هههههه وحلوه كأني وزير العمل صدقت والله ناس تحب تتكلم بس وين السعودي اللي بيشتغل في البقاله والا الحلاق من الساعه 7 صباحا الى 11 مساء ؟؟

محل الخضار السعودي شرط اساسي
البقاله لاباس ولكن يخلف الله على فلوسك اذا مو انت المحاسب
لذا انصحك بالحلاق او مغسلة ملابس