السلام عليكم ورحمة الله وبركاته


اخواني انا واحد هاوي الهندسة المعماريه بس المشكله ما عندي شهادات ولكن عندي موهبه كبيره والحمدلله والحين عندي 500 تصميم رسم باليد كلها قويه ومن ضمنها تصاميم مول او اسواق كبيره ومستعد اتحدى اي مكتب هندسي
بالتصاميم
احب اخلي من الفراغ جنة وشكرا لكم

هل جربت تعرض نماذج من ابداعاتك على احد المكاتب الهندسية ؟ وشنو كان ردهم عليك ؟

انا مع كلام اخوي black355 رح وقدم نفسك لمكاتب هندسيه , ولاتنصدم من اول مره يعني جرب اثنين وثلاثه وعشره وعشرين لين تلقا الفرصه ..

مشكلتنا في السعودية ( جهلنا في التسويق ) حتى في تسويق انفسنا ..

دعواتي لك بالتوفيق وصدقني عندك موهبة تأكل الشهد ورب الكعبه وما شاء الله تبارك الله بس شد حيلك والحق عمرك ..

اخواني ما خليت مكتب هندسي الا دخلته وما خليت مكتب عقاري الا دخلته
والحمدلله بعت منها وشكرا لكم

اخوي فيه ناس يعملون في مكاتب هندسيه في الصباح وفي المساء يشتغلون لحسابهم الخاص بالبيت حاول تتعرف على احدهم وهو بأذن الله يفتح لك الطريق وجرب وشوف وحاول تستفيد من الدورات في الرسم الهندسي مهمه جدا بالرسم على الأوتوكاد والثري دي .......وشكرا

طيب بكم تصمم العماير او البيت دورين او الاستراحه

اخوي مثل ما قال الهلالي اتعلم الاوتوكاد والثري دي ماكس وركز على الاوتوكاد في كثير ناس يطلبون موظفين ولا يبون معاهم شهادات ولا شي بس يكونون محترفين اوتوكاد

جدا البرنامج هذا رائع في التصميم وله منتديات خاصة في ومنتديات الهندسه المعماريه طور مستواك باكبر قدر ممكن ولا تنسى اليوتيوب اذا كان لغتك الانجليزيه كويسه راح تستفيد منه بشكل خيالي وفوق ماتتصور لانه في شروحات من خبراءبالفيديو تختصر عليك الشي الكثير
بالتاكيد ماراح تقدم بعد ماتكون ماهر بالتصميم لانهم هم اللي راح يعرضون عليك صدقني اصحاب العقار والمقاولات يحرصون على اصحاب التصميم لانهم يظهرون لهم العمل بشكل جذاب مما يساهم في اعجاب الشريحه المستهدفه بعرروضهم

اتمنى اكون افدتك واي استفسار انا تحت امرك