السلام عليكم ورحمة الله وبركاته

اليوم اتصلت علي موظفه
قالت لي عندي مقابله بكرة في المركز

الله يسعدكم ممكن تعطوني معلومات عنها
وكيف تكون المقابله

اي شي عن الشركه
ان كنت مقدمه عليها لخدمه العملاء

وهل دوامهم واحد او دوامين
وشكرا

للرفع

الله يسعدكم
بكرررة مقابلتي
عطوني لو اساسيات المقابله
لاني اول مرة اجربها
وخايفه اجيب العيد
يعني وش مطلوب مني
هل اكون حازمه باستفساراتهم
واسئلهم عن الراتب ولا ؟

وعليكم السلام ورحمة الله وبركاته

اتوقع هذا موقعهم
http://www.mutiaracenter.com/index.php
( فيه موسيقى الموقع )

خذي لك فره عليه وتعرفي على الموجود حتى تكوني ملمه

إذا خلصت معك المقابلة , استعلمي عن مكان عملك وهل هو مختلط أو لا + ساعات العمل وهل فيها راحة؟ كذلك الراحات الاسبوعية + نظام الترقية عندهم ( العلاوة ) + الراتب الاساسي كم هو + البدلات + وهل يتم التسجيل بالتأمينات أو لا وهل فيه تأمين صحي أو لا
إذا فيه تأمين صحي على أي شركة وفئة التأمين؟
هل فيه مدة تجربة أو ترسيم مباشرة عند توقيع العقد
والأهم من هذا اقرأي العقد حرف حرف واستعلمي عن كل نقطة
مثلاً يقولك يحق للطرف الثاني ( اللي هو إنتي ) من نظام العمل والعمال بوقت راحة حسب المادة 45. ( إنتي هنا تقولين للموظفة وش تنص مادة 45 طلعي لي كتاب العمل والعمال اللي عندكم واقريه بنفسك حتى تكوني على بينه )

خلي أسئلة الراتب أخر شيء بعد ما تعرفي كل شيء عن عملك
نسيت أقولك بما إنك أول مره تجرينها تخيلي اللي قدامك وحده من قرايبك وأهم شيء الابتسامة الطبيعية مو تتصنعيها.
بالتوفيق لك.

الله يسعدك اخوي
ويجعل من كم فرج
ومن كل ضيق مخرج
ماقصرت

اخخخخخخ يالقهررررررررررررر
ويافرحه ماتمت
وربي حرام عليهم طاقه مشوار ساعه روحه وساعه رجعه
وبالاخير يقولون بائعه
يعني شهادتي الجامعه وش اسوي فيها
ارميها بالززززززززززباله

والمشكله امس تقول بتشتغلين بشركه
ماقالت بائعه ولا جابت طاريه

واللي يقهر اكثر اللي كانت بتسوي مقابله مصريه
واللي عند الاستقبال فلبينيه
من قالت لي بائعه وانا قاضبه الباب

حسبي الله ونعم الوكيل

أعتبريها تجربة وطالعي من الشباك وشوفي الجانب المشرق وإنك طلعتي بدرس وهي:
إذا أحد إتصل عليك وقالك العمل بشركة أو بمؤسسة تأكدي منه واعرفي في أي مكان بيكون بالضبط حتى تقرري من أصله إما الروحه أو الإعتذار لفسح المجال لشخص أخر

ولا تنسين تشوفين المواضيع اللي بالمنتدى بعض الاحيان تقرأ شيء يفيدك بالمستقبل.

وجزيت بالخير على الدعوة ولك مثلها .