انا ولد خالي بالسجون بالملز بعد توه تعين مرتاح ولله الحمد قمه الفله عندهم رح وماعليك من كلام الناس .

نصيحة لاتفوت السجون ولوجندي

كمل ولاتسمع لاحد السجووووووووووووووووووووووووووووووووووووون افضل

انتبه تروح الجيش مجنون لو رحت لو يعطونك ملازم لاتروح ملعنة والدين ولا رواتب بس السجون حلوه واحد اعرفه جندي ببريمان بجده والله راتبه 9واربعين ريال ماشاء الله يعني انت يمكن 9ونص ويمكن أكثر بعد وبيني وبينك لو حصلتلك مدنيه أفضل وأفضل من العسكريه العسكري في دوامه زي المجهول الهويه يزين دوامك شهر وشهر كرف مو زي المدني معروف دوامه خلاص من 7الين2 والله يوفقك

والله اللي بيمشي على كلام الناس ماراح يتوظف طول عمره .هذا الزمن مافيه اختار مااختار الوظيفة اللي تحصلها كلبش فيها ولاتتركها .وبعدين ياخي وش فيها السجون كلن يمدحها ماعمري لقيت احد يسبها مع اني علمي علمك مااعرف بالقطاع هذا شيء بس اسمع من كلام الناس المجربين .ياخي الناس ماراح ينفعونك اذا تركتها انت شف البطالة اللي منتشره حولك وبعدين فكر

شوري لك

تخلص اوراقك كامله
ثم تصلي ركعتين استخاره

وتسال الناس الي موظفين وعاطلين
وإذا ارتحت توكل على الله
وإذا حسيت انك مارتحت اتركها والله بيعوضك احسن منها

بس لاتنسى الفرصه أحيانا ماتجي الا مره
وعارف زين ان الوقت ذا مافيه وظائف

الاخووان اللي يقوول دوور على المدنيه

واللي يقول ابعد عن العسكريه واللي يقول دوور لك قطاع غير السجوون


يا اخووان مافيه خيارت متاحه عشان ابحث عن بدايل واذا اليوم قطاع قبلني بكراء ماضمن احد بيقبلني

واللي يقول معدل حلوو شهادة التقنيه والله مالها غير العسكريه اما بالمدنيه والشركات شهاده ضعيفه

هناك ناس متخرجين بمرتبة شرف وماحصلو الا وظايف حالهم حال اللي عنده ثانوي وظايف عاديه

ونصيحه لوجه الله اخووي لا تطوول وانت عاطل وتقول ابي الافضل كل عمل فيه سلبيات وفيه ايجابيات

مستحيل عمل يجي على كيف ماتبي نصيحه نصيحه خلص اموورك والسجوون وظيفه حلووه وما تتفوت

ومن كل قلبي اتمنا لك التوفيق


ملاحظه / الاراء تختلف من شخص إلى اخر وانت بمثل هذه الاستشاره توسع دائرة الشك في مخيلتك .