السلام عليكم
الاول حبيت اشكركم على هالجهد الكبير الي هو اكثر من رائع
ربي يعطيكم العافية ويبلغكم مبتغاكم
هاذي اول مشاركة لي واتمنى احصل على من يساعدي
انا تاجر مبتدئ والحمدلله تجارتي ماشية عالي العال وهي عبارة عن مشروع ملابس اطفال وملابس نسائية اجبيها من الامارات وابيعها في مسقط (عمان) بس عندي مشكلة الي هي عدم معرفتي بالاماكن الصحيحة الي تبيع بالجملة اغلب الناس نصحوني بامارة عجمان وبالمصانع الي تبيع بالجملة وللاسف حاولت ادورها واتبحث عنها بس ما توصلت بشي
ارجو من اي احد يفهم او يعرف عن هالموضوع يساعدني وجزاه ربي مبتغاه وجنة الفردوس

اخوكم محمد من عمان

والله ودي اخدمك اخوي محمد لكن مالي علم بعمان

ان شاءلله الاخوان يفيدوك

تسلم جزاك الله خير اخوي
بس انا من عمان والبضاعة الي اجيبها من الامارات العربية المتحدة والمكان الي اسال عنه موجود في الامارات في امارة عجمان بالتحديد
للاسف دخلت منتديات اماراتية ولا احد رد علي
*حصلت في ارشيف هالمنتدى موضوع يشابة هالموضوع بس للاسف موضوع قديم من سنة 2009 تقريباً، الي يعرف عن هالموضوع يفيدني ويفيد غيري وربي يحفظكم ويبلغكم مبتغاكم

اخوكم محمد*

طيب ليش ماتشترى من السعوديه من جده او الرياض
اتوقع السعر يناسب علماا بان انت عمانى وعملتكم حلوووه ماتفرق معك

صحيح اخوي فرق العملة مو كثير وتقريبا نفس فرق عملة الامارات

بس المسافة ابعد، يعني من مسقط لعجمان او دبي لربع ساعات فقط وبامكاني اروح وارجع نفس اليوم
ومن مسقط لسعودية اتوقع ما اقل من عشر ساعات

ناهيك يا اخوي اني ما اعرف دروب السعودية عدل، لاني ما زرتها ابدا الا مرتين لاداء العمرة
اذا فيه مصانع او محلات تبيع بالجملة وتكون اسعارها مناسبة افيدوني، يمكن راح تكون فكرة مستقبلية اني اخذ من السعودية

جزاكم ربي بالجنة ان شاءالله

ملابس الجملة بالرياض بسوق الحلة طب وتنقى اول ماتطب الرياض قلهم ابي وق الجملة تبع الحلة بيدلونك معروف ومشهوووور وأسعرة جدا حلوة

وفيه ملافع عندهم وأكسسوار