السلام عليكم و رحمة الله وبركاته

مسيتم بالنور و السرور و ياهلا و مرحبا

العنوان / فكرة و استشارة
الموضوع / تجارة الذهب

كيف ؟
1- يكون المبلغ متوفر لديك .
2- تتابع حركة الذهب على الأنترنت يوميا ً , (لأنه ينزل و يرتفع خلال ساعات مثل الأسهم ) .

* تروح لمحلات الذهب (استكشاف مبدئيا ً) أدخل اكثر من محل
و اللقافة المحترمة زينه شوي , اسأل و استفسر و خذلك مشورة .

طبعا ً الذهب اكثر من نوع سعودي و ماليزي ...إلخ والأفضل اتوقع انه السعودي .
وفيه عيارات ( عيار 24 , 21 , 18 , 14 , 10 ) و كل ما ارتفع الرقم يكون الذهب اكثر سمك .

المهم معك مبلغ و قدره 500 ريال وبالقيمة هذي جابلك خاتم , و وقتها كان الغرام عيار14 بـ 117.22 , وكل ماكان( الذهب نازل افضل لك تشتري ما تبيع ) , ثم تخليه عندكـ و تراقب حركة الذهب مثلا ً اشتريته يوم السبت و نزل الغرام و طلع و نزل و طلع حتى جا يوم الثلاثاء و صار الغرام بـ 120.2 تروح و تبيع و تاخذلك مكسب و كذا .

* والذهب مافيه خسارة .
* و تكون حذر من ضعاف النفوس ألي يغشون الذهب .

- هذي الفكرة -
وحبيت اشاركها اخواني فالمنتدى

أما الأستشارة ..
- أتمنى من أي شخص له خبرة فالذهب يمتعنا و يفيدنا بخبراته مأجورا ً مشكورا .

هذا رابط موقع لمتابعة اسعار الذهب
http://saudi-arabia.gold-price-today.com/

و أخوكم ماله خبره بالذهب بس هي فكرة و اطرحها للأستفادة .
دمتم سالمين

بس انا اقولك تجار الذهب
مهب زي تجار الاسهم
تجار الذهب ولك شارية انت منه بي 500 ريال
وجيته من بعد اسبوع وقلتى له انه مرتفع يقلك تبيع 400 ولا لا
ما يهمه

مافيه مراقبه على الاسعار

مرحبا
عبدالعزيز /
إذا قال بـ 400 , أتركه و اروح لغيره , ثانيا ً الذهب بالغرام و الوزن اتوقع بعد , وكل المحلات عندهم علم بأسعار الذهب و الغرام موحد ,بتروح وانت عندك خبر .
و صاحب المحل بيستفيد هو بعد لو أخذه بـ 500 ولا 400 , لأنه لو أرتفع الذهب بيبيعه بربح .

يسعدني مرورك

سلام عليكم
الفكره هذي تنطبق على السبايك وغير مجديه في المشغولات لن فيه مصنعيه لابد تنزل عند البيع فهذي المصنعيه تاثر في سعر الجرام فينزل سعر الجرام عن سعر الجرام المعلن عنه مثلا شريت مشغولات بقيمة جرام 220 ريال راح تبيع الجرام بعد خصم المصنعيه 205 ريال هذي ارقام ليست حقيقية ولكن لتوضح الطريقة المتبعه في مجال الذهب مع شكري للجميع

الذهب الموجود في السعوديه عيار 24 و 21 و18 بس
والذهب يحتاج راس مال كبير
وشراء السباك الصافيه عيار 24 لقلت المصنعيه فيه
موفق خير ومشروع ممتاز
ومفيه خساره

شوفوا ياشباب الشغله هاذي تنفع اللي عنده مبلغ كبير ويشتري سبايك فقط او كسر ذهب قديم بس الكسر يبغى له خبره حتى مايغشونك فخلك على الذهب الصافي يعني اذا عندك 200 الف تشتري اليوم كيلو صافي واصبر كم يوم وبيطلع على الاقل 3000 ريال تبيعه بمكسب 3000 ريال وهكذا ويمكن تبيعه في نفس اليوم لاأنه يصعد في لحظه .
اما السبايك من اوزان قليله تستفيد بس شي مايستاهل تعب ومشاوير