السلام عليكم

اخوكم في الله مخه تجاري ولكن للاسف المادة واقفة ضدي

لكن ما وقفت ولا راح اوقف

كانت افكاري افتح كوفي شوب خيالي ولكن للآسف (راس المالغير متوفر)

بعدها بوفيه + مغسلة ملابس وبرضو بطلت لاني تخوفت من العمالة ونصبهم وتعاملهم مع الزبون

آخر شي وصلتله

اني افتح لي محل صغير مجاله (تفصيل استيكرات سيارات)

التكلفة بسيطة والمبلغ ان شاء لله يتدبر

الفكرة :

كمبيوتر مكتبي او لابتوب + مكينة اسمها (كتر بلوتر)
يعني يجيني الزبون ويقولي ابغى استكر مكتوب عليه (ابو فلان) واسويه له على حسب الطلب والـ(سم) الواحد بـ (1) ريال
يعني تكلفة المحل اللاب توب حقي اللي انا شغال عليه لحين +مكينة كتر بلوتر قيمتها 4500 تقريبا وشوية ديكور خفييف في المحل

لكن ناقصني شغله

ابي اسوي استكرات ملونة مثلا: تفصيل استكر على شكل < وجه مبتسم او مطلع لسانة وزي كذا

وابيكم تفيدوني ايش الطباعه اللي ممكن انها تطبع على تجليد لاصق !!؟؟
لاني بحثت في قوقل لين طفشت ما لقيت جواب مقنع

واذا عندكم افكار اكثر على نفس المشروع اعطوني , , منكم نستفيد

وبرضو كيف شغلتها من البلدية ؟. هل يكون محل زينة ؟ او محل طباعة ولا ايش ؟
ولا خليته محل زينة واكتشفو اني اسوي استكرات هل هوا ممنوع ومخالف؟!

ياليت تفيدوني الله يسعدكم ويرزقكم

الله يوفقك اخوي

ويرزقك وييسر لك امرك

اميييين يارب وياكـ

الله يسمع منك

وانتظر بقية الاعضاء يشاركوني ارائهم

ياجماعه !

مافي ردود ؟

وعليكم السلام ورحمة الله وبركاته

الله يرزقك ويوصلك لمبتغاك

بالنسبة للتجليد اتوقع انه مو تجليد

ولاكنه ورق خاص بالاستكرات به جهة لاصقة

بصراحة ما اعرف اسمه لاكن ان شاء الله يجي احد يفيدك

نفسي اسوي مثل مشروعك

لاكن يحتاج لي أستأجر محل وفي مكة ايجارات المحلات غالية

والله ماعندي فكرة بس اتوقع لو رحت لاهل الاختصاص بيفيدونك

عموما مشروعك وفكرته حلوة واصل وربي يوفقك

[align=center]
وعليكم السلام ورحمة الله وبركاته
اخي الكريم انت في اي منطقة
وكم ميزانيتك تقريبا
وفق الله الجميع لما يحب ويرضى
[/align]

[align=center]فكره حلوه ويمكنك تروح وتسأل اى محل بيعمل استيكرات منين جايب معداته واذا كان الحال كويس ولا لا

اسال كويس لتلم بكافه نواحى المشروع

بالتوفيق ان شاء الله


[/align]

الله يوفقك أخوي بمشروعك بس حبيت أسئلك هل أستأجرت موقع ولا لا . لأن انا مشروعي مره حلو ومتوقعه له النجاح بأذن الله وطبعا يرجع الفضل لله ثم لأخوي المشرف عالم القهوه اللي استفدت من كتاباته عن هذا المشروع اللي هو كوفي شوب وزودنا بافكار حلوه و موظف بنك التسليف أبدى اعجابه بالمشروع وفكرته بس المشكلة البلديه حسبي الله عليهم مو راضين معقدين كل ماشفت موقع وعجبني قالوا شوفي غيره من جد طفشوني . ايش اسوي معاهم . والحمد لله الحين يمكن ماحتاج لبنك التسليف الا بدعم بسيط لان عندي المبلغ .

انت تبي نصيحتي خلك منه وربي ممل المشروووع واعتبره من قائمة المشاريع الفاشله
قلي ليه اقلك
لان الدخل قليل جدا فلي نفرض ان جاك في اليوم 100 زبون وهذي اعتبره رقم قياسي يعني غير معقول
ولكن نمشي على العالي ليتضح لنا كل شي
100 زبون بطلب يعني 100 ريال
100× 30 = 3000
مكسب حلوووووووو
المقابل
كم تستغرق في عمل التصميم لنفرض
5 دقائق
ودقيقه طباعه
يعني
6 دقيقه
نشوف العمل في الساعه
60÷6 = 10
يبي لك 10 ساعات عمل لكي تنتج العمل
جداً صعب العمل ولا اتوقع انك تستمر لانه ممل ومتعب
--------------------------------------------------------
ولكن وش الحل لمشروعك
وشوف وانا اخوك
اشتغل على التوزيع على محلات الزينه
يعني سو ملصقات ووزعها على محلات الزينه بالجمله اخرج لك وراح تدخل عليك مردود
طريقة العمل
اول شي لابد يكون عندك
طابعة بنرات لانها تطبع لك بالمتر وهي تتراوح اسعاره من 25000 ريال الى 250000 ريال
ولا عليك الى التقطيع والتغليف والتوزيع
--------------------------------------------------
------------------------------------
اما سؤالك حول الطابعه اللي تطبع على ورق استكر
اذا كان قصدك ورق A4
اي طابعه ليزر ملونه تطبع علي الورق اليزر
ماعليك غير تغير في اعداد الطابعه من ورق عايدي الى ورق استكر خفي

والله يرزقك من حيث لا تعلم