مرحباااا .. كيفكم ؟؟ جاني اتصال من الحبيب بخصوص وظيفة منسقة خدمات مرضى مع اني مقدمه ع الكول سنتر وسويت مقابلتين بهالخصوص ؟؟ والاربعاء دقو علي وقالو الوظيفه منسقات خدمات مرضى ماادري وش السالفه ولازم السبت اروح لفرع العليا قسم خدمات المرضى .. المهم انا مااعرف اي شي بخصوص هالوظيفه ماامدى اسال الا قالت تعالي وخلصت المكالمه..ابي اعرف المهام الوظيفيه لمنسقة خدمات مرضى وتقريبا كم رواتبها وراح يسون لي مقابله بعد.. وش تنصحوني اروح ولا لا يعني تنفع لبنت هالوظيفه او لا .. انتظر ردودكم ؟؟

حبيبتي هالشغله بتكونين على كوانتر اي عيادة
وراح تنسقين دخول المريض للدكتور وتسوين الفاتورة

يعني بالكول سنتر يحجزون الموعد
وراح يجيك المريض يقول انا حجزت موعد كذا وكذا
انتي تشوفين الجهاز عندك هل صحيح كلامه
وراح تسوين له الفاتورة وتدخلينه ع الدكتور

البيئه مختلطه
لو عندك اشكال مارح تمشين فيها

الرواتب اتوقع اربعه وطالع

استخيري يالغلا ربي يكتب لك الخير
او روحي بكرة قولي ابغى كول سنتر

لان قبل كم يوم المديرة تقول
اذا يتعرفوا حدا بدوياه يتوظف بالكول سنتر يادم علينا
لانا محتاجين
وبالتوفيق يالغلا
الله يسهل امورك

يعطيك العافيه حبيبتي بروح بكره واشوف الله يكتب اللي فيه الخير