[align=center]بصراحة ماخطر على بالي في يوم اني اشتغل هالشغله
ولكن بفضل من الله ثم أعضاء هالمنتدى اللي كلمة رائع قليلة في حقه بديت
في البداية قرأت اغلب المواضيع اللي تتكلم عن تركيب العطور هنا في المنتدى وفي غيره
وبعدين بديت البحث في النت واستفدت من مواقع مثل:
1- http://www.******.net/vb/t598900.html
2- http://al-hafar.com/vb/showthread.php?t=6983
3- وهنا حتلاقي طريقة صنع الخمريات واللوشنات ومعطرات المفارش وكمان العطور وشخصيا انا جربتها ونجحت معايا كلها ماعدا معطرات المفارش لسى ماجربتها بس كل الحاجات اللي جربتها كانت جدا رائعة وهذا الموقع: https://www.btalah.com/t314067.html
4- https://www.btalah.com/t321980.html
5- https://www.btalah.com/t373684.html
6- ركز على نوع الكحول http://www.aperfume.info/2011/perfume/isopropyl-alcohol-perfume/
7- http://www.*********.com/thread102865-2.html


وفي البداية تعبت في بعض الأمور بس راح ألخصها في التالي:
الأدوات:
رحت المكتبة واشتريت المخبار المدرج 25 مل و 50 مل سعره 20 ريال ويمكن تلاقي بأقل
http://*****.com/fgopsx/smms_0c35162d13404ddb655d63a74436c82e.jpg

واشتريت كمان مدرج 500 مل 0.5 لتر عشان الخلط سعره 35 ريال ويمكن كمان تلاقي بأقل
http://www.xump.com/Images/Products/Beaker500G-500A.jpg

واشتريت كمان قطارة من نفس المكتبة وتحتاجها لمن تبغى تضيف نقاط فقط من زيت عطري او لون. والقطارة تجي لونين وانت حدد ايش اللي يناسبك:
1- الخفيفة وهذه عيبها انها تخرب بسرعة وماتقطر تمام وسعرها ريالين او ريال
http://productimages.brambleberry.com/DropperSuctionBulb1.jpg

2- القوية وهذه جدا ممتازة وفادتني كثير وتقطيرها جدا ممتاز اشتريتها من سنتربوينت قسم الاطفال ب 9 ريال تقريبا
http://www.re3aia.com/m/upload/image/cache/data/avent/SF_MedicineDropper_s-500x500.jpg

وبعدها رحت محلات الجملة واشتريت العلب الفاضية 30 مل الدرزن 12 حبة بـ 25 ريال طبعا برم يعني تقدر تفكها وتركبها بنفسك من غير أداة كبس لأن العطور الكبس يبغالها مكبس والمكبس اقل نوع بـ 700 ريال وانت طالع:
http://www.aliexpress.com/product-fm-img/508005248-Capacity-50ml-free-shipping-14pcs-lot-perfume-spray-Bottl***osmetic-perfume-atomizer-perfumes-glass-perfume-bottles-wholesalers.html#

وتراها تجي في كراتين ملونه خذها بكراتينها

وبعد كذا نروح للزيوت العطرية الـ 100 مل ب 30 او 35 ريال وفي جدة انا متعامل مع محل ممتاز يعطيني بـ 30 ريال والمحل اسمه وقت العطر موجود في البلد خلف الرحاب او امام مقابل الرصاصي في باب شريف
وحتلاقي عندهم الكحول الممتاز الاصلي والغير ضار بس عيبه انه اقل كميه يبيعها 5 لتر ويجي نوعين:
1- نوع نسبة تركيزه 75% وسعر الخمسة لتر 70 ريال
2- نسبة تركيزه 99% وسعر الخمسة لتر 100 ريال
ولا تتعب نفسك تدور في السوق اغلبهم يعي يعطيك لأنهم يخافون لا تستخدمها غلط
اول مرة دخلت عالم العطورلقيت واحد اعطاني لتر واحد ب 20 ريال بس الله لايوفقه بعد ماسويت العطر وحطيت الزيت العطري وجربته جتني حكه واحمرار وبعد كذا بحثت ايش الغلط في طريقتي فاكتشفت ان الغلط في الكحول لأني اشتريت النوع المغشوش والضار وما يأست دورت في النت عن محل مضمون يبيع الكحول في جدة مالقيت فقلت اروح البلد وادور بنفسي والحمدلله لقيت المحل اللي كتبت اسمه اول " وقت العطر " وكان واحد سوري اسمه عبدالجواد الله يوفقه هو اللي فهمني ودلني وقلي احنا نبيع الكحول الأصلي وعندنا ترخيص صناعي ويجي معبأ في جوالين ودبات من المصنع يعني انت اللي تفكها.
وكمان اعطاني حاجتين خلت عطوراتي 100% وهي:
1- مثبت 5 لتر بـ 125 ريال ويضاف منه 10% فقط يعني اذا كانت قارورة العطر 50 مل حط بس 5 مل
2- فواحة 5 لتر بـ 125 ريال ويضاف منها 20% فقط يعني اذا كانت قارورة العطر 50 مل حط بس 10 مل


ورحت كمان جرير اشتريت اوراق لاصقة شفافة تجي 10 اوراق لاصقة شفافة A4 بـ 95 ريال
هو صح انها غالية بس تخلي شغلك احترافي يعني تقدر تكتب عليها بالوورد اسم العطر وتطبعها بالطابعة ال HP وتقصها بالمقص وتلصقها على القارورة وتصير 100% بس الله يعينك على القص بس لازم تطبع اولا على ورق عادي وتتأكد من حجم الاستيكر اللي سويته هل هو مناسب والا ارجع غير الاستيكر كبر او صغر حتى توصل للحجم المناسب ولمن تطبع انتبه حاول تستغل المساحات خاصة افقيا عشان ماتخلص الورقة بدري اتمنى تكون هالنقطة واضحة.

وفي الختام اتمنى من الله سبحانه وتعالى لي ولكم ولصاحب الموضوع التوفيق والسداد
وأي استفسار انا جاهز خاصة لو كان في جدة

[/align]

ماشاءالله تبارك الله على اجمل طرح ربي يوفقك يارحال
وازيد على كلامك الي يبي 100 عطر من اختياره بسعر 350
يروح محلات زماني وشغلهم تمام التمام وفي قمة الدقه مابي اقولكم اني اوفرلكم بسعر معين واروح للمحلات
واخذ الكميه الي تطلبونها واتكسب منكم لاوالله يا اخواني اكبر مكسب لي هو مشاركتي معكم والاستفاده منكم

أخي رحال العمر
ياليت تفيدني إذا لديك عطور متوفرة وكم اسعارها

اخوي ابي اسئلك انا اريد زيوت العطور الفرنسيه الاصليه اللي عليها الكلام كيف احصل عليها .

لاتقولي شركة زماني وغيرها هؤلاء كلها تعبئة دبي .

الشكر موصول الى صاحب الموضوع واسئل الله لي ولكم التوفيق

اخواني الكرام صاحب ماقصر الموضوع ممتاز وقيم لكن نسينا شيء في غاية الاهميه انا لما اتعلم هذي الصناعه بشكل جيد كيف تقوم بتوزيع البضاعه على محلات العطور هذي نقطه في غاية الاهميه اتمنى التكلم عنها بشكل مفصل

صاحب الموضوع تابع حفظك الله

جميل شكرا لك

موضوووووووع راااااااائع ماشاء الله
الله يرزقكم

اخوي طموح ممكن ترسلي رقمك ع الخاص
ضروووري...
الله يوفقكم ويبارك في رزقكم

هلا بكم جميعا
أي واحد عنده سؤال يسأل
وراح أجاوب
والله ولي التوفيق