السلام عليكم ورحمة الله وبركاته
بسم الله الرحمن الرحيم
يااخوان عندي صديق لي اول مره يقدم بالامن العام
والفحص حقه قريب ووده يسال وش يشمل الفحص نظر واسنان بس؟
على ايش يدققون بالضبط
وفحص النظر وشلون علموني
والعمليات قولو كللللل شي بالتفصيل
تحياتي لكم

انا اعلمك ان كان فحصه في الرياض اول يوم طول وزن واشعه ثاني يوم وانت بكرامه بول ودم ثالث يوم يجي الأسنان والانف والحنجره والنظر وكل شي هذا في الرياض واتمنى اني افدتك

السلام عليكم
اول شي ابقول لك أني أتكلم عن الفحص الي بالرياض اللجنه الطبيه الي بالملز
راح يكون الفحص اقل شي ثلاث ايام
اول يوم بصمه بعدين تروح عند الطول والوزن بعدها تروح أشعه صدر وظهر وبطن
ثاني يوم تحليل بول الله يكرم القارى وسحب ثلاث عينات دم
ثالث يوم. كشف على الأذن والانف والحنجرة وفي نفس الوقت اختبار نفسيه يسألك وهو يكشف تخرجت عام كم وين ساكن اهم شي لا ترتبك. بعدها عيادة تكون فيها كما خلقك ربي يقول لك ضم رجلك وبعدها تطلع لعيادة التنفس وهي سماعة الي يضعها على صدرك وظهرك وتطلع لعيادة الأسنان طبعآ يقول لك ابتسم ويطالع الأسنان الإماميه لازم تكون مفرش ومنظف أسنانك بعدها عيادة العيون طبعآ الحرف c وتكون الحروف خلفك وتطلع بالمرآة الي قدامك وتقول له وهو يأشر لك بعدها اختبار عما الألوان يكون في دفتر بعدها اختبار سموم وهو عباره عن تحليل للبول وطبعآ على حسب قطاعا يمكن يكون التحليل عندهم
وتكون كذا خالص جزاك الله خير لا اريد منك الى الدعاء لي بالتوفيق. والله لا داعي للقلق فهم متساهلين بالمره

مشكووووووورين
الله يجزاكم خير

طيب ياخوان الناس يرحون لهم ببدله ولا ثوب وترسيم موفق بإذن الله ... لك مني أجمل تحية .

والله احرااااج والله مدريكيف بروح الفحص الطبي *_*

مافي مشكلة ربي كما خلقني .....والله لو قالو اهرول في الشارع املط.....بس المهم المحصلة نعدي ولا بنرقد في البيت

السلام عليكم

انا بفيدك بخصوص ان كان في الشرقيه منطقة الاحساء

انا االلي صار معي

كل شي طبعا ً

نظر وصدر وظهر وقلب والقدمين وو ...... و كشف على النفسيه وتحليل دم وتحليل بوول (( يكرم القارئ ))



وكان الفحص بنفس اليوم وبنفس اليوم خلصت كل شي لأن ماكان في أحد غيري

وان شاء الله اني أفيدكم بخدمات ثاانيه