الله يكو ن بعونك ..

مع الاسف مسلمين وهذي اخلاقنا

حسبي الله على جاهل

ابتسم في وجهة .. هالابتسامة تحرقه وكانك رديت عليه برد قوي

اولا ودي اكون صريح معك واتمنى تستحملني
اكيد ان ابوك رباك تربيه رجال والله يخليه لك

بس نصيحه لك ... مع اني انقهرت منك انك سكت...

اي شخص مهما كان غير ابوك وامك الله يحفظهم لك يرفع صوته عليك

امسح بوجه البلاط ... مو ضرب بس كلام هذي خلها قاعده عندك طيب


بالنسبة للادمي هذا باين انه زباله ... ما ادري شركتكم ذي قويه او لا
بس عموما قدم عليه خطاب واشرح بالضبط الموقوف اللي صار

واذكر في الخطاب ...
--بان التصرف الذي طرا من فلان يخالف المعاملة
المهنية التي يجب ان يتسم بها اي موظف مهما كان منصبه او مكانته
لذلك اتمنى اتخاذ الاجراء اللازم تجاهه--

وارسل الخطاب هذا دائما الين ما يصير فيه حل

والله يوفقك

بصراحه ماله حق واذا تبي نصيحتي يابخت من نام مظلوم ولا نام ظالم

ودعوة المظلوم مستجابه وراح يجي اليوم الي تبرد حرتك منه ان شاءلله

ان الله يمهل ولا يهمل

انت اللحين العن الشيطان واكثر من الأستغفار وخلي ثقتك بالله القوي العظيم كبيره وانا متأكد انك راح تشوف فيه يوم اسود مثل ماحصل لنماذج من امثاله سمعنا عنهم

انا من رآيي الشخصي واتمنى انك ماتزعل منه

فيه ردود بعض الشباب هداهم الله يحرض على الشر الي يقول رد عليه والي يقول هاوشه الخ ..

ترا يالغالي وظيفتك هذي لازم تتحمل ضغوط العمل مهما قال ومهما فعل فيه ربنا سبحانه فوقك وفوقه

يعني لاقدر الله رديت عليه مثل ماقالوا بعض الشباب هداهم الله بحكم قرابته للمدير احتمال كبير تتعرض

للفصل لاسمح الله يعني مختصر كلامي (محد نافعك الى رزقك ووظيفتك فا تحمل ضغط العمل)

تعوذ من الشيطان وادع ربك يرزقك الوظيفه الاحسن وتطلع من عملك هذا بصوره حسنه عنك

واسف على الاطاله الزائده

[align=center]
اخي الكريم طيب انتا ماتشوف نفسك غلطان يعني معليش اللى جو جلسوا جنبك لو مالقوا ريق حلو منك ماجو جلسوا في وقت الدوام الرسمي ليش تخلى للناس عليك ممسك واثق الخطا يمشي ملكاً لكن انت اخطأت وتحمل اللى جاك بغض النظر عن ماهية هالشخص اللى اساء لك او رفع صوته لكن بعد انت قصرت وخليت للى مايسوى ممسك عليك والعمل وانا اختك لازم تجي فيه ضغوط وتعب نفسي / عمرك شفت احد يحب عمله او مرتاح فيه طبعا لا لكننا نجتهد ونتحمل الضغوط ونجامل ونصبر ونجاهد عشان نوصل
وترى السلم خطوة خطوة ينمشى انا عارفة انك متضايق من الموقف لكن تعوذ من الشيطان واستغفر واعمل اي شي يزيل هالشعور عنك ولاتنسى انك لك دور بالموقف المفروض عندك وقت بريك اعمل فيه اللى تبغى خارج اطار العمل وعموما هالشعور طبيعي كونك متضايق بس لاتخليه يتملكك والله ياكان يجينى تهزئ من مسئولينى وكنت اشتغل حتى شغلهم الخاص واضغط نفسي لان هذا رزقي مو رزق احد ثانى وهذا اللى بينفعنى انا مو احد ثانى بدل مااتسلف والا احتاج لاحد / ووقت العمل مااسمح لاحد يجي عندى وابين للاخرين هالشئ والتزم بعملى حتى ان كنت فاضي ونفسك تسولف امسك نفسك الى ان تتثبت خطواتك شوى عشان مااحد يخطئ فيك
واللى يحرشونك واللى يزيدونها خافوا ربكم تزيدون النار حطب الرجل مقهور وانتم تولعونها تبونه يقتله عشان تبرد قلوبكم انتم عارفين مكتب العمل يومه بسنة ان مو اكثر والرجل هو اللى غلط لما خلاهم يجلسون عنده الحق حق حتى لو اللى عاتبه مو مسئوله بالشغل لكن يبقى هو احد المسئولين وهم ابخص بشغلهم
[/align]

اول شي استعن بالله

ثانيا انا قرات احد الردود يقول سلط عليه احد برا الدوام خييييييييييييييير وين عايشين مع احترامي الفائق لصاحب الرد

لا تدخل نفسك في مشاكل انت في غنى عنها وممكن تندم عليها طول عمرك

ابعد كذا يالغالي
امهما كان صفة الشخص سواء مدير والا غيره ماله اي حق يرفع صوته والاهانه مرفوضه تماما حسب نظام مكتب العمل

اذا بتشتكي لازم يكون عندك دليل مثل انك تشهد الرجال اللي كانوا عندك ولكن يبيلك تطول بالك

والمفروض انت ماتسكت له حتى لو كان مدير ترد عليه برد لا يخرج عن الادب في اخلاقك وتحرجه وتعطيه درس يصحيه لا يستحقر الناس

والله ينصرك على من ظلمك

[align=center]شوف اخوي افضل حل عندي ههههههه

انا اشتغلت في شركة عبداللطيف جميل المحدوده ( تويوتا ) في قسم قطع الغيار

واذكر مره ارتكبنا خطأ انا وزميل لي خليته يدق كرتي وانتبه المدير العام وراح بلغ مديرنا ((( المصري ))) ونادى علينا المدير المصري وبدأ يشرشح فينا

خذ الحل مني وانا اخووك ههههههههه ( وهو يشرشح فينا وانا لاف وجهي عنه اطالع في المناظر الطبيعيه الي في مكتبه من وروود وصور للمدراء القدماء وهو رايح ماسك الخط 220 كم في الساعه يشرشح وانا اناظر الصور حس لي قال انت معاي ؟؟ قلت له اي معااك هههههههههههههههههههههههههههههه وانا مو داق خبر له ابد اناظر الصور واناظر سكرتيره كان يدخل بيانات وهو يشرشح في الهواء انتبه اني مش معااه ابد مو ماسك الخط معااه ههههههههههههههه وقال لي خلاص لاتعودها ترى بعطيك انذار قلت له ان شاء الله يصير خير ههههههههههههههههههههه بكل بروده دم قال لي خلاص روح اشتغل هع هع

صدقني لما مشيت حسيت اني هزأته وقللت من مكانته وانا ماسويت شي فقط جطل به صدقني تقلل من مكانته وانت ساكت ههههههههه

الدوامات دائماً مشاكل بس يبي ليها فن

ومره واحد من الموظفين سعودي صارت لي معاه مشكله قلت له احترم نفسك واستصغرته كلما يكلمني احقره فقط ارد السلام اما سوالف احقره ولما يقول لي سمعت اقوول له ماسمعت شي ههههههههههههه صدقني اتذكر لما قدمت استقالتي لما كان آخر يوم دوام لي صدقني جا لي شوي ويبكي يقول لي انت ليش تعامل الناس كذا الدنيا مو كذا لازم تكون اكثر مرونه مع الموظفين وتكون علاقات وتكسب الناس ،

رديت عليه بكل بروود (( مو كل الناس يستحقوا الاحترام والتقدير ))) !!!!! وقلت له (( عجبت من متكبر وقد خرج من موضع البول مرتين )) !! ومشيت عنهم اخذت اخلاء طرف ومشيت وصدقني تحسه للحين منقهر مني خله علشان يعرف كيف يتعامل مع الناس ههههه

بالتوفيق اخي الحل " جطل ولاتفكر في شي " لاتتعب نفسك بالتفكير
[/align]