السلام عليكم ورحمة الله يا اخوة

انا موظف في مستشفى الحرس الوطني واجهت بدوامي عدم التأقلم مع الزملاء والزميلات بالرغم من انهم يريدون الحديث معي ونتكلم وبنفس الوقت صرت احس بضيق بالدوام ودايم العب بجوالي او اقرا كتب اخذها معاي او جرايد وغيره اخذت اجازة وسافرت وحاليا انا خارج المملكة وطبعا غشيت بالاجازة بحجه اني وراي اختبارات في الدولة الفلانية لكن منجد ما اعرف وش صاير لي علما اني خارج العمل اجتماعي كثير وبصراحة ابي مشورتكم اقدم استقالتي او ايش اسوي

اقول ورى ماتعقل ...
الناس ميته تبي توظف وانت تقول عجزت اتأقلم !!!!!
خل عنك الخبال , وعين خير وتعوذ من ابليس وارجع دوامك احسن لك .

صل الفجر مع الجماعه وخلص اذكارك وحصن نفسك وروح الدوام


وشوف كيف


ولاتقدم استقاله وظيفتك حكوميه بعدين تندم


وضغط على نفسك والله كريم ب يوفقك

ههههههههههههههههه عطنيها وانا اتأقلم بدالك

اذكروا الله عليه شفيكم
اخوى اول شئ تبي الراحة وتسهيل الامور الصلااااااااااااااة كيفك معها خاصة صلاة الفجر
وشعورك بعد مالتاقلم شئ طبيعي يعنى في ناس تجلس فترة طويلة على ماتتاقلم ممكن سنة ممكن اقل او اكثر وانت كذا راح تتعب لان واضح انك بتترك الوظيفة بكبرها عشان هالشئ شف جب لك مثلا في يوم ما فطور او جب زمزميات شاهى وقهوة عشان تدخل في حوارات مع زملائك وتنتفع على الحديث معهم مثلا خذ يعنى مو ضروري تصاحب وتحاكى كل القسم لا يكفيك واحد او اثنين يونسونك في اللحظات الفاضيين فيها ومثلا الصباح اول ماتجى مر زملائك في مكاتب وسلم وصبح عليهم ان شفتهم مثلا يتناقشون في موضوع معين يعنى والكل داخل فيه شاركهم لو بكلمه اذا كانوا داخلين في جمعية ادخل معاهم او استفسر منهم ان كان فيه جمغية وحابين احد يشاركهم لان ودك تشاركهم مثلا خذ ارقام جوالاتهم او الواتس وارسل رسايل حلوة يوم الجمعة وتذكير بسورة الكهف او دعوة لهم شوى شوى بتخش معهم وبينى وبينك الافضل ان تكون بينكم حدود ترى كثرة المونة والمعرفة القوية بتجيب لك وجع الراس وكثر الفزعات وبالتوفيق بس انتبه تترك وظيفتك ودايم خل ذكر الله يرطب لسانك عشان الناس تحبك

آكيييد كل وظيفة لآزم تقآبلك مشآكل مهمآ تككونَ
وحط ببآلك آذآ آنت كرههت آلآ حولك ولآ مآحسيت تتآقلم معآهم صدقنيَ
آنكك حتكرهـ دوآمكك عشآن كككذآ حآول تتآقلم معآهم تتجمعوآ ع آلفطوورَ

سولفوآ آتكلمووَ آشتغلوآ مع بععضَ وآن شآءآلله نسسمعَ عنك آخبآر حلوةة

بآلتوفييييييقَ ~

يطول لي باعماركم يا رب على ردودكم الطيبة وان شاء الله باخذ بنصايحكم وعسى ربي يوفقني وياكم بالخير ان شاء الله لكن فعلا يا اخوة ممكن الوظيفة طيبة وكل شي لكن بعد في ضغوط عليك تكون اقوى منك بعض احيان والعمل بالمستشفيات والله قروشة وانا اتكلم معاهم وكل شي لكن مدري والله يمكن انه مو تخصصي المستشفيات ولا حاسس اني اقدر على شغل المكاتب والتكيف انا بالخارج ما كنت اعمل بالمكاتب والامور هذه الا باخر فترتي فيها ممكن اني تعودت على العمل يدوي اولها حسيت بضغط غريب لكن ان شاء الله باخذ مشورتكم والله يكتب التوفيق للجميع باذن الله تعالى

بصراحه اخوي ما قلت ولا كلمه مقنعه نقدر نعاونك بالرأي من خلالها!

قول عني شريره .. جافه .. بس انا بكون صريحه معك لان هذا مو موضوع ينفع اني اجامل او اتعاطف فيه

اقول تعوذ من الشيطان و خل سالفة ما تأقلمت و هالكلام!

هذا مكان عمل اشكال والوان انت مو مجبور تحب الكل لكن لازم تكون لبق مع الجميع

مدري يعني لحد الان انا ما فهمت مشكلتك وين