السلام عليكم ورحمة الله وبركاته

كيف حالكم يا أعضاء البطالة

جايب لكم فكرة جيدة





الفكرة هي مشروع تربية مواشي لاحد يضحك علي .
المشروع في إعتقادي ناجح وسهل
من ناحية المكان بيئتنا الصحراوية تسمح بتربية المواشي
والمشروع مضمون ويدخل ذهب من منا لايأكل لحم الغنم
الفكرة سهلة من ناحية التنفيذ أهم شي يكون فيه رأس المال لشراء المواشي
وتوفر أرض لتربيتها وجيب راعي سوداني يرعاها .
اعرف كثيرين يتاجروا في المواشي وشغلهم تمام .

ايش رايكم بالفكرة؟ أرجو منكم التفاعل .

المشروع حلو بس قبلها لازم يكون عندك ارض مزروعه حتى تربي اغنامك بدون ماتتكلف واجد لان الاعلاف والشعير غالي اما انك تربيها لحسابك راح تتكلف اكثر

مشروع ناجح 100%

بإذن الله ناوي على المشروع أي واحد عنده فكرة يعلمني عليها
ويعطيكم العافية على الردود

احد اقاربي في اقل من 3سنوات صار مليونير بسبب النواشي لاتحتقرون شيء الفكرة ممتازة ومن البيئة بـــــــــــــــــــــــــــــــــــــس ...في عقبات ...
اهمها اسعار الاعلاف نار مولعة .......الااذا كنت تبي تدبر حالك من المزارع ترى المزارعين متاعونين .....
المكان المناسب لازم مكان مناسب ويفضل منطقة نائية او زراعية مثل الخرج اوالقصيم ...طبعا لازمك سيارة نقل وسط عشان البيع في الرياض او المدن الكبرى هذا اذا كنت تبي تربح صح ...ثمنها يتضاعف .....
لازم قومة من الصبح وقوة جسدية العمل فيها متعب لكن مربح ومضمون ....
في طريقة سهلة لربح بس صعب وهي مجربة ...
1- تروح الى المناطق البادية او القرى وتشتري منهم وتبيع في نفس اليوم -ممكن يبقى غنم ماتنباع اعمل حسابك للمكان المناسب-
2-تشتري امهات ومعها الصغار ونتنظر شهر او شهرين وتبيع الصغار طبعا تخلي الانثي فهن راس المال ...

اخوي انا فكرت في المشروع قبلك

تدري تيس الفحل وانتم كرامه لو حبيت تشتريه سعره يوصل لاكثر من 10 الاف

ويبغالك دكتور بيطري كل فتره يكشف

وتحتاج لحارس وكلب وانت كرامه

شوف المشروع اذا كان اقل من 100 راس يكون فيها كلام ثاني

ولاتنسى طريقة البيع زي ماتفضلوو الاخوان قبلي لها طرق ولكل طريقه سعرها

واحنا في الخدمه بس على الخاص لاني نادر ارجع للمواضيع اللي رديت عليها