السلام عليكم ورحمة الله

اخواني انا اشتغل بأحد الأسواق من فتره تقريبآ 7 شهور اول ما اشتغلت وظيفة بائع ومن فتره قصيره جاتني ترقيه لمشرف على السوق وصرت مسئول عن الموظفين السعوديين و ....
و عندي مشاكل في العمل مع احد الموظفين الأجانب ( هندي ) وظيفته شفت كاشير مسئول عن موظفين الكاشير والحسابات
مشكلة ألأدمي قلبه اسود لأبعد الحدود وبغيض بشكل مو طبيعي ماعنده احترام للموظفين ودائم مايتكلم عليهم بألفاظ غير لائقه ووصفهم اكثر من مره بالحيوانات
والزبائن نفس اشي ابدآ ماعنده احترام لهم ويسبهم مرات كثير بكلام سيئ جدآ ودائمآ مايسبب مشاكل معهم في المحل وانا اتحمل مشاكله بحكم اني المسئول عن الزبائن واتعرضت لمشاكل كثير بسببه !

- مهمل ومماطل في شغله بشكل دائم لو تطلب منه مفتاح صندوق الكاشير يجي بعد 10 او 15 دقيقه وطول هذي الفتره الزبائن ينتظروه والمحل صار زحمه بسبب تاخيره وصارت للموظفين عندي مشاكل من الزبائن بسبب التاخير واتهجمو علي وعلى الكاشير اكثر من مره بسبب الزحمة والتاخير

- فيه شكاوي عليه كثير من زبائن وطلبت منهم يسجلونها في ورقة الشكاوي والأقتراحات راح اخذها وقطعها عشان محد يرسلها لأداره

- المشكلة الكبيره الي وقف ضدي فيها هي قبل شهر تقريبآ جاتنا زياره من ادارة الشركة وكنت جالس انا والمدير و الشفت كاشير صاحب المشاكل

مع الأداره وكان المدير يقول لهم ان شغلي ودوامي ممتاز وماسك المحل كامل موظفين وحراس وزبائن .... الخ

الأداره طلبت من مدير السوق انه يدربني في امور الأداره و الكاشير ومن وقتها بديت اتعلم كل شي وفهمت اشياء كثير في فتره قصيره جدآ

لكن المشكلة الشفت كاشير الهندي خايف اني امسك ادارة في السوق ووقف ضدي لدرجة انه اخذ احد البائعين الهنود وصار يدربه على الكاشير كله عشان ما اتدرب انا وجلس يتكلم مع مدير السوق ويطالبه بعدم تدريبي وانه فيه افضل مني يستحقون التدريب والسبب انهم هنوووود من جنسيته وانا الحمد لله مافي اي تقصير مني بالعمل من 7 شهور مواظب على الدوام والحظور وماعندي اي مشاكل بالعمل

طبعآ انا كلمت المدير عنه وعن حركاته والمدير عارف حركاته من الأساس وكلم ادارة الشركه عن الموظف لكن ماسوت له اي شي !

وفيه مشاكل كثير ماذكرته ماتنفع تنقال ومشاكل لليل مابي اطول عليكم اكثر من كذا

ياليت تنصحوني ايش السوات معاه اقدر اشتكي عليه بمكتب العمل او الجوازات ولا ايش الحل

وتسلمون

الله يكون في عونك ويكف عنك اذاه ذا الهندي

رأيي مادام المدير شايف و فاهم الوضع خلاص تطمن بس مو مررررررره تتطمن

خليك مفتح


و الاداره عرفتك بالاسم وطلبت تأهيلك .. خلاص لا يهمك

انا مريت بشي مشابه جدا لك

و مادام مديري متفهم النقطه وانا اثبت جدارتي اكثر من الهندي "كان يخبي معلومات عني عشان ما انجز بس انا فضيحه ما اشتغل بسكوت"

تفشل والحين صار يسميني مدام مو باسمي لحاله وترى نفسك بالضبط
لي سبع شهور بالعمل

اخوي كل ماعليك انك تمشي بطريقك وتجعله كالظل عندما تمشي بالظهر ترى ظلك خلفك

نفس التجربه

الله يكون بعون الجميع

وبالتوفيق

مشكلة الإدارات والمدراء انهم ما يأخذون بالكلام الشفهي ..
يعني أغلبهم يسمع ويطلع مع الإذن الثانية ..

ولكن انا اشوف لو تكتب خطاب موضح فيه جميع مشاكلك اللي ذكرتها وتوضح فيه اهمال هالموظف الهندي وسبب تعطيله للعمل ومما يسبب لك احراج مع الزبائن وجعل سمعة المحل في وضع محرج ..
وخل اللي يحولك من الموظفين اللي يشتكون منه يوقعون على هالخطاب ووقع انت معهم وأرفق جميع الشكاوي من الزبائن مع الخطاب وأرفعه لمديرك
ووضح للمدير وقله يعطي هالهندي انذارات ولا يتم رفع الخطاب للأدارة العليا ..

وعلى فكرة ترى له نوايا خفيه هالهندي الا وهي أنه يطردك من العمل ..
وهو في نفسه وجميع الأجانب اللي مثله يشوفون السعودي على انه مجرد انسان يعيش على الإتكالية في العمل وسريع الملل وبالتطفيش يتم دحره وطرده ..
هذي عقليتهم مع الأسف وكلنا جربنا اللي مريت فيه من هالأجانب .

ولكن فيه مقوله بأقولها لك " لي غلبوك بالفلوس أغلبهم بالجلوس "
لي غلبوك في المضايقة والتضييق والتطفيش .. أغلبهم أنت بالجلوس على كبودهم ومصيرهم يحترمونك ويحترمون جهدك ومثابرتك بالعمل .. ومن يدري بكرة تكون انت مديره , فأنت سعودي وهو أجنبي ..

ولكن مثل ما قلت لك قدم خطاب لأن أغلب الإدارات ما يتعاملون الا بالخطابات كمستند رسمي .

ومن بنود مواد عقود وزارة العمل :

ليش تشق شكاوي الزباين عليه ؟؟

عشان يحطوا لفت عليه انت تسترت عليه

والا انا ماافهمت عدل