السلام عليكم



انا ياجماعة الخير شغالة بشركة مختلطه لكن فيه قسم نسائي خاص ناخذ راحتنا فيه نشيل العبايه ونشتغل براحتنا بدون اي ازعاج من الموظفين اللي معانا الاجانب الغير عرب


كنت اتمنى ان يكون بيننا سعوديين لاني احزن والله لمن اشوف الرواتب تضيع على اجانب والسعوديين مو لاقين شغل

قدر الله واخذت اجازة ورجعت ولقيت مدير الشركة تغير وهو عربي بس ماكان له اي علاقة فينا لاننا نتبع لادارة خاصة فينا

وجاء بداله مدير سعودي ابن البلد اصلا وفصلا اللي حشر خشمه بكل شئ تضايق من وجودنا في قسم خاص فينا وصار يتذمر ليه مقفل عليكم

والله العظيم اني ماكذب اليوم يقولي بالحرف الواحد المفروض انكم ماتقفلون الباب وانا متى مابغيت ادخل بدق الباب وبعد دقيقتين بدخل لبستوا العباية مالبستوها مايهمني اصلا انتم وش بتغطون بالعبايه قلت له مكتب العمل شارط عالشركة اننا نكون بمكان مغلق قال ماعليكي انا بلعب لعبتي واعرف اش اسوي

يبي الدعوى فري حسبي الله عليه

ويوم كلمت المدير الاجنبي الغير عربي عن اللي بيسويه قالي ماعليكي منه قسمكم بيضل مثل ماهو واستغرب كون واحد سعودي يقول زي كذا

والله اني زعلت وفكرت استقيل بس ظروفي ماتسمح اني استقيل الحين وياليت على راتب يسوى او وظيفة تسوى بس الله يعوضني

هذا كيف اشتكيه كيف اوقفه عن حده من غير مايضرني او يمسني مادام انه بيلعب لعبته مع مكتب العمل اش اسوي معاه

اذا مكتب العمل شارط ع الشركه مثل كلامك
خليه هو شخصياً ينزل تعميم
او يحاول يغير الوضع الحالي
وقدمو شكو جماعيه ع مكتب العمل والعمال
وراح يجيه استدعاء / الدنيا ليست فوضه
النظام واضح
بس الكثير من الشعب يجهله او بطريقه اخر يخشى ان يشتكي ويخاف من تعنت الاداره
والضغط عليهم


لا تخافي الله معاكم قبل الدوله
وهالانسان حقير بتصرفته لا اقل ولا اكثر
وليس كل ابناء البلد مثله
هناك الغيور على اخواتها الي يعملون من باب الحاجه

الله يديم الستر عليكم

لا حول ولا قوة الا بالله
حسبي الله عليه

انتي ماعليك ,البسي عباتك طول اليوم ..
ماله اي لزوم تشيلينها ..
لأنك محجبة ,وخارج بيتك ..

وهذا مديركم ,ووظيفتة يراقب عملكم ..

وطالما انتو واثقين بشغلكم وانه ماشي صح ,ليه الخوف ؟؟؟

حسبي الله ونعم الوكيل على كل من يستغل حاجه المسلمين لـصالح نزوات وشهوات نفسه الدنييئه ،،

انا اقترح لو يتم تسجيل صوت له من غير علمه بكلامه هذا واحتفظو فيه الى وقــت العازه ، ماتدرون وانا اخوك بكره ايش ممكن يصير في المستقبل ،،،


وان شاء الله يارب مايجي لها عازه والله يغنيكم برزق حلال من عنده


بالتوفييق

للاسف هذا هو السعـودي اذا مسك منصب كبير بشركه
نسبة كبــيرة من السـعودين اذا صار لهم مناصب بشركه مهمه يبدا يطلع الشخصية
ويحاول يمد النفوذ ويخلي الكلمه تكون بالغصب مسموعه
لو اني بدالـك تجمعوا انتم ياقسم النساء وارفعوا فيه شكـوى للمديــر العــام
واذا ما نفــع تبلوا عليها وارفعوها لمــكتب العمل
وانصحك تكتبي الشكوى وترسليها على اميــل وزيـر العمل
والله جدا متفــاهم
وان شاء الله دامه كذا
ان شاء الله يــلاقي شـي بعمره ما شاف مثله
لجل يعــرف معنـى كلامــه ومعنى اللي سواه

بصراحة شيء مؤسف مدير سعودي و يتصرف بهذا الأسلوب
اكيد نيته مو طيبة
الله يكفيكم شره