السلام عليكم
اخواني بنتي عندها ضعف بالنظر 3 ع 6
اقدر اقدم لها بالتأهيل وش المطلوب؟؟

تقرير طبي لحالتها اخذه معك وروح للمركز
ومن ثم يعطيك تحويل للمستشفى وتروح تحجز موعد في المستشفى الي حولك عليه

التقرير من وين اجيبه من اي مستشفى عادي ؟؟
يعطيك العافيه

ضعف البصر يستحقون اعانه وعليه يجيب احضار تقرير طبي عن حالة المريض والا يكون قد امضاء على تاريخه سنه وبطاقة الاحوال او كرت العائله مع صور منها واربع صور شخصية 4*6 ملون وقدم على مركز التأهيل الشامل اما بنسبة لسؤالك عن التقرير وكيفية استخراجه هو من لدى الطبيب المعالج الذي يشرف على حالتها وهو من يعطيها التقرير

انا اختصر لك اللي عملته عشان تعرف وش المطلوب منك بالضبط

اول شي انا رحت جبت ورقه من التأهيل لضعف النظر

وبعدها عطيتها مدير المستشفى الحكومي طبعا

وعمل لي موعد عند الدكتور بعد شهر

وطبع ورقة التأهيل وعطاني نسخه منها عشان اعطيها الدكتور عشان يكتب لي كم مقياس النظر قبل وبعد النظاره

ويوم كتب لي ع ورقة التأهيل مقدار النظر

رحت عند تقارير المستشفى وعطيتهم ورقة التأهيل

قالولي خلاص اسبوع وتكون اوراقك بالتأهيل بنرسهم بالبريد السريع

المهم بعدها باسبوع رحت التأهيل

عطيتهم بطاقة العائله

وقالولي نعم وصلت اوراقك

روحي عند الشباك اعملي موعد لدكتورة التأهيل

عملت موعد وعطوني موعد بعد شهرين تقريبا

بعدها بشهرين رجعت للتأهيل ودخلوني ع الدكتوره

ما كشفت ولا شي بس اخذت تقرير المستشفى

واللي معها عبت بياناتي وانا جالسه

وقالت لي بعد عشرة ايام تعالي اخذي رقم المستفيد

رحت لهم وسلموني رقم المستفيد

وبعدها بسته شهور استلمت

وهذي كل الحكايه .. وانصحك اتقدم ابسرعه

يعطيكم العاافيه ماقصرتو

اختي احلام انسانه الف شكر ع ردك المفصل
روحي الله يفتحت لك ابواب رزقه ويشفيك
بس عندي سؤال ودي اعرف كم لازم يكون اقل شئ قياس النظر للمستفيدين
لان قياس نظرها النص تقريبا وهي تلبس نظاره ماتشوف الصبوره لازم تجلس قدام

انا عندي ضعف شديد ورحت ابي زياده اعانع قالت ضعف النظر مافيه !!! تكذب حسبي الله عليهم

ضعف النظر له شروط وقياسات محددة من الوزارة وليس كل ضعيف نظر يستحق اعانة ،،، وبالنسبة لاعانة ضعف البصر 2000 ريال ولايوجد زيادة بالوقت الحالي وترفع الاعانة في حالة لا سمح الله تدهورت حالة النظر الى الكف في هذه الحالة ترفع الاعانة الى 10000 والله يبعدنا ويبعدكم عنها

وبالتوفيق للجميع