11-05-2012, 03:31 PM
|
عضو مميز
|
|
تاريخ التسجيل: Jan 2012
الدولة: نــــجـــــد العذيـــــه
المشاركات: 900
معدل تقييم المستوى: 248403
|
|
قالو حبيبك يسمع الشعر؟ قلت ايه
.
متعب التركي
قالوا حبيبك يسمع الشعر قلت إيه
يقراه بعيوني قبل تسمعونه
لولاه حتى طاري الشعر مابيه
ميراكتبه من شان خاطر عيونه
هو روح شعري وامنياته وماضيه
جذع الشجر وش كان لولا اغصونه
اكتب لغيره والقصايد تجي فيه
كن القصايد حالفه ماتخونه
هذاك لامنه زعل قمت اهاديه
حتى وهو مخطي تعذرت دونه
يمكن لوانه يلمس الجرح بيديه
يستغرب ان اللي لمسها طعونه
ابطى وهو غايب وزلت حراويه
وأنا من العام اتحرى مزونه
هومادرى اني في غيابه محاتيه
ليته نشّدعن حالي اللي يجونه
وقلبي اللي توه افلت عراويه
كيف انسرق وضلوع صدري حصونه
عجزت ارده كن ماني براعيه
يوم انتثر شوقه وهاضت اشجونه
يبسن عروقه لكن اللي يعزيه
ان اكثر العالم تردد لحونه
خافوا من الله لاتجيبون طاريه
لاصرت انا موجود لاتذكرونه
لو كل غالي جابه الله لغاليه
ماشفت لك مخلوق تبكي عيونه
|
العرض العادي
