ابد الموضوع ومافيه اني ولله الحمد تم ترشيح لوظيفة سكرتيره في مستشفى رعاية الرياض
المشكله انه لما صار وقت المقابله تاجلت لانه كان في اجتماع ..... طيب بلاعنها قعدنا يومين محد اتصل في الاخير اتصلت عليهم قالت انهم مشغولين الحين وعندهم ضغط في العمل مافي مشكله راح احدد لك موعد مقابله ثانيه واعطيك خبر والي الان لاحس ولاخبر
اخاف على قولتهم في واسطه دخلت في الموضوع او انه فعلا انه الشباب مضغوطين في العمل
ودي اروح عندهم بس اخاف يقولون هذي مجحوفة وظيفه ..... ولا ودي اسحب عليهم فينسون الموضوع من جد حوسه ما ادري اذا اتصلت عليهم راح تجيب فائده الاتصالات عليهم يعني اسوي ازعاج او اني اصبر الى ان هم يدقون علي طبعاً الى الان وانا اقدم على وظائف ثانيه يعني ما انتظرتهم
اتمنى انكم تشاركوني بارائكم لانه من جد تعبت من الانتظار الوظيفه حلووه ولا ادري وش اسوي
ارجو المساعده لاني محتاجه شوركم

اول شيء لا تشيلين هم لو هي من نصيبك بتأخذينها ان شاء الله انا من رأيي تتصلين عليهم بس مؤ الان انتظري اسبوع زيادة
الله يوفقك ويرزقك الافضل

اشكرك عايشه بغفله على ردك والله يعين نصبر ونشوف يمكن زي ما قلتي اذا لي نصيب فيها راح تجي والله يكتب الي فيه الخير ويجزاك خير على تفاعلك لانه من جد تعبت وماعاد عرفت وش اسوي باضبط معهم

الحين في ناس تم اختبارهم وباقي ما جائهم خبر اذا هم مقبولين او لا ...... طيب ليه كل هذا الوقت يعني انه الوظائف الشاغره قليله والتقديم عليها كثير

إذا انتي حابة الوظيفة و تبغيها انشبي لهم ...بالعكس هالشئ بحسسهم انك جادة في حصولك على وظيفة و انك مجتهدة و استخيري و اذا ضلوا يماطلون يمكن خيرة لك ما تدرين