اخواني فيه واحد من الجيران عمره 35 سنه , المهم موهله ثاني متوسط , وابوه عسكري بالحرس الملكي , المهم هو عاطل عن العمل ويقولك دخل على اللواء الحنيوي واعطاه ملفه وطبعا مع والده وهو الأن له 3 اشهر في العمل , واستغربت ياشباب ليه هالأستهتار شباب معهم دبلومات وثانويه بمئات الألوف يتمنون وظيفته وعاطلين , ليه مايكون فيه احترام للانظمه , صراحه كلمة حررررررررام قليله بحق هالمسوولين .

و الله شي يقهر

,الي يقهر اكثر ان الحكومة تدري ولا تسوي شي

نصبر يمكن عندهم سبرايز لنا ههههههههه

يا اخوي لا تحسد غيرك

انت قلتها الرجال كبير بالعمر ومامعه الاثاني متوسط اسالك بالله وين بيلقى وظيفه ..؟؟؟

ع الاقل الي معه ثانوي او دبلوم او جامعه يقدر يمشي حاله بالشركات لين ربي يرزقه بوظيفه زينه ..

وصدقني الرجال اكيد تعب وتحطم وراح عمره مالقى وظيفه .. وتأكد هذا رزق من الله سبحانه وتعالي والواسطه ربي سخرها لهذا الرجال الضعيف ..

اسال الله يوفقك ويرزقك بالوظيفه الي تتمناها ..

عزوز طيب ليه يطرودونا ويحججونا بقوانين طول وشهاده ونسبه , وغيرنا يقبلونه بابسط شي الله يرزقك , كان يقولون الحق ويريحون المسلمين اللي يطقون مشاوير .

يووووووووووووووووووووو الحسد هو الي خلنا عاطلين ليش الحسد الله يوفقة حتى لو عمررررررررررررة 100 هذا رزقة والي مكتوب لة ليش حاسدين الرجال

اخوي الله يهديك مو مسالة حسد , لكن ليييييييه يكذبون علينا يريحون المسلمين من المشاوير والأنتقال من مدينه الى مدينه واخرتها بالواسطه , والحق يقال المفروض يوظفون الأكفاء واصحاب الموهل والشروط ,والا تعتبر خيانه بحق هالشروط اللي وضعتها الدوله .

يرجال خلها على ربك أعرفلك واحد دخل العام المباحث وعمر فوق 30 جندي

المساله مو حسد لكن ليه تحطون شروط وتتجاوزونها عن ناس وتطبوقنها على ناس , الكذب خيبهه , ليه مايقتدون بحديث الرسول عليه الصلاة والسلام(و ايم الله , لو ان فاطمة بنت محمد سرقت لقطعت يدها ) القانون لازم يطبق على الجميع اللي عنده واسطه واللي ماعنده .

ياناس ترى هذا اللي يستاهل الواسطه مو ابو18 سنه

وماشاءالله عليه والله يوفقه ويوفقنا

لو الوضيفة استحقها انا وقالوا تعطيها الرجال اوافق