23-05-2012, 12:03 PM
|
عضو جديد
|
|
تاريخ التسجيل: Apr 2012
المشاركات: 24
معدل تقييم المستوى: 25
|
|
منقووووووول
السلام عليكم حبيباتي
الحمد لله انتهيت اليوم من المقابلة في المدينة المنورة
وحبيت اقول لكم ايش صار لان في اشياء مهمة
اول شي موعدي كان الساعة 7 مساء اتصلت علي واحدة وقالتلي روحي قبل لان مرة زحمة
وفعلا رحت الساعة 5 العصر
والعجيب ماركزوا ع الوقت اول مارحت اخذت مني ورقة الموعد وكتبت عليها رقم ووجهتني للغرفة الثانية
الغرفة الثانية مكان المطابقة.. تجلسي والموجهة قدامك ..وتطلب منك تعطيها كل مستند مع الثلاث نسخ ..تطابق وتكتب مطابق للاصل وتحطه في ملفك اللي انت جبتيه.. طبعا المهم هنا..انهم بياخدوا الخبرات والدورات.. يعني اذا عندك خبرات ودورات خذيها معاكي مع 3 نسخ ..لانها ترفقها بملفك.. اذا خلصتي تطلب منك توقعي وتعطيكي ورقة تطلعي فيها الدور الثاني للمقابلة
اهم مقسمين الفصول عاملينها لجان..انا كانت لجنة الانجليزي
دخلت في موجهتين.. واحدة تخصص انجليزي والثانية تخصص تربية خاصة..نطق وسمع وكدة..
طبعا يحاولوا يمازحوكي ويتكلموا معاكي عادي
سالتني موجهة الانجليزي اتكلمي عن نفسك بالانجليزي طبعا.. جلست اتفلسف خخخخوبالي مع الموجهة الثانية واقول ليش ماتتكلم هاذي.. لقافة يعني ..المهم شوي والموجهة حفت الانجليزي قالتلي اعرفك بالاستاذة فلانة استاذة تربية خاصة ..قلت اهلا وسهلا ..قالت طيب خليني انا استفيد منك لان خبراتك كثير ماشا الله عليك وشكلك اشتغلتي في اماكن كثير .. لو عندك طالبة ماهي طبيعية في الفصل ايش تعملي؟؟ قلت كيف ماهي طبيعية؟؟ قالت يعني تشوفيها تحسي ان البنت هاذي عندها مشكلة ايش تتصرفي.. قلت طبعا المفروض يكون عندي علم بوضع جميع طالباتي من خلال ملفاتهم.. اذا كانت ضعيفة سمع او بصر او بطء استيعاب كله حيكون في ملفها ..اعتقد بالنسبة لضعاف السمع اقدمهم في الامام والحمد لله حنجرتي عالية ..حتسمعني اكيد ..ضحكت الموجهة..كملت وضعيفة البصر كمان تجي في الامام ويكون لها اوراق نخصصة في الانشطة بحيث يكون الخط لها اكبر عن باقي البنات وهكذا حسب حاجة الطالبة.. حسيت اني عجيتها خخخخخخخخخ.. بسسسسسسسسسسس
تخيلوا ؟؟؟ هاذي الاسئلة..
ولا اين ولد الملك عبد العزيز ولا متى دخل الرياض ولا البيعة ولا ثقافة عامة ولا شي
ولا تحريري
هما سؤالين واحد انجليزي والتاني عربي
اعطتني ورقة وقالت ارجعي بيها للاستاذة اللي اعطتها لكي
الورقة مكتوب فيها (تمت) يعني خلصنا
المهم
رحنا وقعنا الورقة من موجهتين الاساسيتين اللي هما ايمان فهيم وخديجة الاحمدي
اعطونا كشف طبي وتحليل المخدرات وقالت روحي لعمليه بكرة واذا ماعملتي تحليل المخدرات مانقبله
وبعد ماتاخذوه ارجعوا لنا عشان تكملوا مسوغات التعيين
طلبت السيارة وجلست انتظر
شوية جات الموجهة قالت اللي خلصت مقابلة تجي
قلت انا سيارتي في الطريق قالت لا رجعيها وتعالي خلصي مسوغات التعيين مرة واحدة
طبعا هم مستعجلين لان في بنات ماهم من المدينة في من مكة وتبوك وجدة ووراهم سفر
رجعنا السيارة ورحنا وراها
دخلتنا لجنة ثالثة وقات اعطوهم نموذج التعيين يعبوه
طبعا هي ثلاث نماذج
الاول القرى اللي تابعة للمدينة النورة واللي فيها الاحتياج
تقول لك رتبيها حسب الاقرب لكي
منزلين 7 قرى فقط
المدينة المنورة.الحناكية- بدر-الضميرية-خيبر-الحسو-وادي الفرع
طبعا لازم تكونوا عارفين مسافات كل قرية يابنات لاني انا حست مو عارفة اية الاقرب
قلت يااستاذة ساعدينا طيب قالت والله مااعرف لكن اتوكلوا على الله واكتبي اي شي خلاص ترى كلها قريبة ان شاء الله
كتبت الصراحة على ما اتوقع بعدين النوذج الثاني وهو المهم اللي تقولك لاتغلطي ولا غلطة عبارة عن معلومات عنك اسمك بطاقتك خبراتك متى تبدا متى تنتهي طبعا ياخذوا خمس خبرات فقط من الاحدث فالاقدم.. واذا اكثر ماياخدوها
بعدين اخر شي ورقة فيها تعهد ان كل بياناتك صحيحة وتتحملي مسؤولية المعلومات كاملة
وخلاص هنا تقوللك خوذي اعطيها للي معاكي برة يصورها الان ويرجعها الان
طبعا لو سواقك راح لازم ترجعيه ..ولو ابوكي او اخوكي الله يعينك عاد
انا رسلت السواق صورها ورجعت لها تراجع معاكي معلوماتك على ماتجي الاوراق
لما جابها السواق اعطيتها هي
قالت خلاص باقي لك خطوة انك تعملي الكشف الطبي وتجيبيه عشان نقفل ملفك ونرسله على طول
وبكدة خلصت وخرجت الساعة 8 العشا
بعد ماوصلت البيت اتصلت عليا نفس الموجهة قالت ارجعي في ورقة ماعبيتيها
قلت يااستاذة انا في البيت خلاص
قالت ماتقدري ترجعي قلت لا
قالت اجل بكرة ضروري تجي عشان تعبيها قلت حاضر ابشري
وامري لله حارجع بكرة وبعد الكشف كمان حارجع تاني
خلاص كدة
المهم في الاحداث
روحي اي وقت لانهم بيمشوكي على طول عشان لايصير تكدس
2- خذي خبراتك ودوراتك و3 نسخ منها ..وانتي قوليلها عندي خبرات عشان قليل اللي عندهم فما يهتموا يسالوكي
3- خلي سيارتك واقفة عشان وقت التصوير في الاخر
4- لاتشيلوا هم المقابلة
اللي لاحظته للامانة انهم كلهم بشوشات واخلاقهم راقية الصراحة..مبتسمات وبالهم طوييييييييييييل.. والله اني بس ادعيلهم بلا استثناء..يعني الكل بيساعدك مافي احد متذمر ولا طفشان مع انه مو وقت دوام لكن الله يوفقهم اخلاقهم مريحة..ويهدوكي ويقولولك لاتخافي حبيبتي مافي شي يخوف ..
وبس يابنات اتمنى افتدكم
وياليت اللي استفادت تدعيلي اني اتعين في المدينة عشان اولادي يارب
والله يرزقني واياكم راحة البال
|
مبرررررررررروووووككككككككك
.).بس حبيت استفيد.. وادعي لك 
العرض العادي
