السلام عليكم

انا عندي مقابلة في شركة ABB ,,وقالوا لي راح يسون لي قبلها اختبار انجليزي اللي جرب المقابلة والاختبار ياليت يفيدني,,
الوظيفة المرشحه لها هي IT officer
غير كذا ياليت تقولون لي كيف بيئة العمل النسائية عندهم والراتب المتوقع لهاذي الوظيفة
حاليا موظفه بشركة على نفس الوظيفة

ماعندي علم عنها لكن هذه ردود من عدة مواقع منقوله يمكن تفيدك ...

طبعاً ABB فيها أكثر من مقابلة الأولى منها تقدر تقول سوالف راح تتكلم عن نفسك
بعدين في مقابلة الأسئلة تختلف من قسم إلى آخر
وراح يركزوا على التكنيكل كثير ، فأنت شوف أي قسم بتقابل راجع بعض المعلومات

....................

شركة تهتم بآدآرة آلطآقة وآلآنتآجية وآلتكنولوجيآ وآتومآتيةآلمصآنع .
وهي شركة سويديه سويسرية بآلآصل وآختصآر لـ ASEA Brown Boveri‏
وهي من آلشركآت متعددة آلجنسيآت

موقعهم على الانترنت ..

www.abb.com.sa

........................

ABB شركة عالمية ومن أقوى الشركات في مجال الطاقة ...

...........................

مجموعة ردود منقولة حصلتها بعدة مواقع للامانه ...

.................................................. ..

بالنسبة للاسئلة الي تحت والمقابله هذه انا عملتها شخصيها بمنشات اخرى ون شاء الله تفيدك وفيها بعض الاضافات لك من واقع خبره
...
لانو المقابلات تتشابه لكن الفاصل يكون التخاطب والاسلوب ولغة الحوار ..

اول حاجه والسؤؤؤال الدارج ..

تكلمي عن نفسك

تذكري أسمك وعمرك وموقع سكنك وشهاتك والخبره ان وجدت ...

متى تخرجتي !؟؟

لاصرتي خريجه قديمه مضى عليك سنتين او ثلاث بيقولك وين قضيتي هالسنووات .. حتى لو صرتي موظفه حاليا بيقولك تكلمي من مسيرتك من بداية تخرجك الين ماتوظفتي

قولي بما نك فتاه كنت تعملي بالبداية ربة منزل ولا خياطه ولا حناية ههههههه وبنفس الوفت تبحثين على وظايف ونك التحتقي بدورات ( لابد يكون عندك شي يثبت شهاده تدريبية مثلا ان مالتقحتي لاتقولي ) واخر محطه لك توظفتي بشركتك الحالية

اللجنه تبي تعرف عن مسيرتك ويعرفون عنك أكثر ويتأكدون من أدائك بالحوار وطلاقتك للوظيفة المرشحه لها ...

وش تعنيلك كلمة IT officer

تكلمي عن عملك الحالي ..

هو يبي تعريف عن العمل ومهامه وهدافه يشوفك فاهمه بالعمل ولالا

وش تعرفي عن شركة ِABB وليش تبين تشتغلي ABB

اطلعي غلى معلومات عن الشركة متى بدى وش خدماته وين وصل عن طريق موقع الشركة نفسها بالانترنت ..

وبالنسبه ليه تشتغلي قولي اتمنى ان اكون ضمن فريق العمل لما يقدمة االشركة من امتياز وجوده بالخدمه والتطوير والتدريب والاهتمام بالموظف .. ونك تبحثي عن الافضل

ونتي وشطارتك بالي تحتاجينه ولا هوب موجود بالوظيفه الحالية


وحتمال يقولك وش نقاط ضعفك

قولي له الوفاء وانك طويلة بال

وحتمال يقول وش نقاط قوتك !!؟

قولي الصبر والنشااااط والتحدي والدقة بالعمل


ليش نرشحك !!؟؟ وش الي يميزك عن المنافسين

قولي انك تملكي كل المقومات للعمل كالصبر والطموح والتحدي والخبره الي تملكيها والدراية التامه بالعمل ..

وش مهارتك الي تملكيها !!؟

العمل تحث الضغط

العمل بروح الفريق

الرقي بالتعامل والانضباط

استخدام الحاسب الالي

ذكري مثال على العمل تحث الضغط ؟؟؟

العمل لساعات طويلة ....


كم راتبك الي تتوقعينه

قولي راتب يخليني اعيش حياة كريمه او على حسب سلم رواتب المنشأه

ون صمم انك تقولي رقم قولي رقم تبينه ..بس لاتبالغي فيه خليه وسط

هل تعتبري نفسك انسانه ناجحه !!؟؟

قولي نعم وذكري اسباب تدل عن نجاحك مثلا انك كافحتي ووصتلي للمكان الي انتي فيه بفضل الله وطموحك بشكل تسلسلي تخرجتي من كلية كذا وكذا ولتحقت بدورات ان وجدت وامن ثم توظف كل هذا يدل على نجاحي..

مالاهم لك المال او العمل !؟؟

قولي المال دايم مهم لكن العمل اهم


ملاحظات :-

لازم تكوني واثقه من نفسك لما تتحاوري معه اللجنه

اعملي تدريب على المقابله قدام امرايه او معك اختك تسألك وتجاوبي عشان لسانك يتعود ..

وهم حاجه تكوني راقية بالتعامل وسلوبك هادي ويكون عندك لغه المخاطبة والتحاور ..

ولاتاخذي وقت طويل للاجابه فكري شوي وجاوبي بكل ثقه وأي سؤال ماتعرفيه لاتقولي ماعرف قولي راح تتعلمي او تططوري معه العمل ..

دعوووواتك لي بظهر الغيب بالتوفيق وربي يسهل اموري بالوظيفة الي انتظرها

الله يعطيك العافية ويوفقك ويسهل أمرك
أفدتني كثير ,شكرا على اعطاء وقتك
أن شاء الله راح استعد للأسئلة اللي ذكرتها
أشكرك مره ثانية


أتمنى من الباقين افادتي ,,,اللي عنده اي معلومه عن الاختبار حق الانجلش او اي شي زيادة لا يبخل علي الله يوفقكم

عزيزتي خريجة الحاسب

ممكن اعرف كيف قدمتي عليهم لاني حابة اقدم

والله يوفقك ويسر امورك

على خطى المتميزين

مدري والله بس اظن اخذو السي في حقي من بيت.كوم لأني مسجله هناك
,, سجلي و بالتوفيق لك


لو أحد يعرف شي عنهم ياليت يقول ,,مقابلتي قريبة ومو عارفة طريقتهم