السلام عليكم ورحمة الله وبركاته
سبحان الله وبحمدة سبحان الله العضيم

أستفساري : أنا موظف متعاقد في مؤسسة البريد السعودي
ومن المشمولين بالتثبيت قدمت كل الشهادات لأدارتي وبدورها رفعتها للخدمه المدنيه
عرفت مرتبتي قبل ثلاثه شهور عن طريق إدارتنا وعطتني الخدمه المدنيه المرتبه الرابعه 40
رغم أن خدمتي الأن كملت أربعة سنوات ومؤهلي دبلوم بعد الثانوي وشهادة دراسه بمعهد بكندا لفترة 9 أشهر متواصله
حسيت أني ما أخذت حقي لأن البريد كان يعطيني فرق بالراتب بسبب الدبلوم
يعني زميلي بالدفعه اللي تخرجنا أنا وياه سوا هوا بشهادة ثانوي وأنا بدبلوم البريد كان يفرقني بالراتب
الخدمه المدنيه الحين رجعتني عالثانوية وكنسلت الدبلوم وعطتني الرابعه
أنا بدوري قدمت أعتراض ورفعت أوراقي مرة ثانيه وسويت الكشف الطبي
والحين وصلت المحاضر يا أخوان وعطوني الرابعه 40 وحسب كلام الأدارة الرواتب بتتعدل شهر 7 أو 8


عموما يا أخوان أنا راضي باللي ربي قسمه لي والحمد لله ربي يسرلي أموري بمشروع تجاري
وسبحان ربي الأعلى ما تحسنت الأوضاع بمشروعي ومشيت أوراقه إلى بالشهرين اللي فاتوا
والحين بفضل ربي صار مشروعي مفيد لي أكثر من الوظيفه بكثير
والحمدلله ربي يسر الأمور كلها وصرت أبغى أطلع من البريد

فما أعرف يا أخوان وش الطريقه النظاميه الأفضل والأسهل عشان آخذ أخلاء الطرف من المؤسسه
لأنهم بيطلبون مني تغيير المهنه وهذا الشي أنا ما أقدر عليه لأن مهنتي صياد سمك بحكم مشروعي
أبغى ألحق عليهم وأفصل قبل يسوون لي شي بالمهنه ويخربون لي تخطيط أكثر من ثلاثه سنوات
ودرستها من جميع الجوانب لقيت أني أقابل مشروعي أبركلي من البريد السعودي

++الحين تغيير المهنه يسوونه من دون يشاوروني .؟ أو أنا أروح بنفسي وأختار يا صياد يا موظف بريد أو وش الوضع
وكيف آخذ أخلاء الطرف من مؤسسة البريد بالطرق النظاميه الأسرع

ياليت من لديه معرفه لايبخل وآسف الأطالة