السلام عليكم ورحمة الله وبركاته ..

هل السعوده فيها أضرار ؟ وهل اقدر ألغيها مثلا ؟
ووش أعلى راتب ممكن أحصل عليه عن طريق السعودة ؟
علماً بأني ابي راتب سعودة من دون شغل , فهمتوني ولا أوضح زيادة
+ هل أقدر مثلاً اني آخذ سعودة من شركة , وأشتغل في شركة ثانية ؟
+ الشركات اللي تبي تسعود بالرياض وش هي إذا تعرفونها ..

بإنتظاركم , واذا كان القسم غلط أتمنى ينقل للقسم الصحيح ..

موضوع في غير محله ينقل للقسم المناسب
والله يوفقك

بإنتظاركم شباب

وعليكم السلام ورحمة الله وبركاته

أضرارها عليك

أنهم يوظفونك براتب 1500 إلى 2000 وهم يأخذون من وراء توظيفك ما لايقل عن 3000 ( غير اللي يعطونك ) تأمينات وغيرها

أنهم يسجلوك في التأمينات موظف سعودي ! وأنت أساسا عاطل وهنا تضيع عليك فرص قانونية كان ممكن تستفيد منها ( وظيفة أفضل .. أو حافز .. أو الضمان إذا أنت من مستحقيه ) وغيرها

إذا رغبت تفتح مؤسسة راح يلاقونك موظف !

وفيه أضرار أخرى ما تحضرني الآن

وأضرارها عالبلد

زيادة العاطلين لأنك موظف وهمي !

ضرب اقتصاد البلد لأنهم راح يوظفونك شكلا ويوظفون أجنبي وظيفة حقيقية !

هذا غير حصول الشركات على ميزات لا تستحقها بسببك مثل مبالغ الموارد والتأمينات ورفع مستواها في نطاقات وغيرها خصوصا الشركات الأجنبية اللي تجي مخصوص علشان تأخذ أموال التأمينات وتسلم من الضرائب وأنت يا السعودي ابن البلد تأخذ الفتات راضي !

وللعلم .. النظام الآن أصبح فيه دقة وزود بطرق جديدة لاكتشاف التحايل في التوظيف يعني راح تكتشف !

عاطله مش باطله .. كلامك سلييييم ..


وانا اعطيك مثلا ..


انا يوم خلصت من الكليه ..


دقوا علي شركة كهرباء ..

اسمها شركة المحولات السعوديه المحدوده ..


قالوا عندنا برنامج تدريبي .. 6 شهور ونعطيك 3000 في الشهر .. ولاخلصت شهادة خبره واذا تقاريرك ممتازه نوظفك ..

انا جيتهم ووافقت بشرط مايدخلوني التامينات ..

انا كذا مسكتهم من يدهم اللي توجعهم ..

تخيل بعد شهر قدمولي عرض وظيفي .. وبيعطوني 6000 .. مو لسواد عيوني ولا لشهادتي ..

يبون يسعودون المصنع .. يعني يبون يخلونه سعوديين ..


لييييييييييييش طيب ؟؟


انا اقولك ليش .. الشركة بالاساس بلجيكيه ..

وتبي تصير شركة مساهمة سعودية ..


لازم تسعود عدد معين ..


عشان يجمعون النقاط .. اللي يقدرون من خلالها يطالبون بالتحويل الى شركة مساهمه ..

والله كنت اروح الصباح اسجل دخولي .. واروح البيت .. ارجع العصر اسجل خروجي ..

وبالمصنع كنت اتمشى .. وافرفر على المكاتب .. مدير المصنع يطالعني يمر جمبي مايتكلم ..

وش معناتها .. معناتها انت هنا .. طوفه بس ماخذينك عشان يجمعون نقاطهم .. وعرض وظيفي بعد شهر او اقل .. عشان يبون التامينات والموارد البشريه ..


فانتبه انتبه انتبه ..


والله سحبت عليهم ..


تشوف يوميا مكالمه مكالمتين من مسوول التوظيف من الشركه .. ويعطيك كلام حلو .. انت احسن واحد .. يبونك تتراجع..


لصوص .. وحراميه .. وشركة بلجيكيه .. تبي تصير شركة مساهمه على حساب السعوديين ..


اسف على الاطاله .. هذا مجرد توضيح

لا اله الا انت سبحانك اني كنت من الظالمين

طيب يا شباب , انا طالب تخرجت من الثانويه وبكمل جامعه وابي بهالاجازة اتسعود براتب حلو , يعني راتب ابو شهر , شهرين واطلع من الشركه .. اقدر الغي السعوده ؟

للأسف هناك شركات عدة فيها فساد و السبب عدم تحركنا لوقفهم

+

لمن يريد وظيفه أنصحه بالبحث عن وظائف بـ 4000 فما فوق و أقل من ذلك لا يفكر بها لعدة أسباب منها مثلا ً لو تتوظف بـ 3000 و بعد كم شهر تجد وظائف بـ 4000 و أكثر تندم بسبب قانون سيئ اللي يقول لم يسبق له دعم من الموارد البشريه

فنصيحه لمن لم يسبق دعم إنه يعمل فوق الـ 4000 و في مكان أمن ما هو فقط أي شركه من الشركات التي تريد تجمع نقاط و بس بنطاقات و لما تأتي لهم الفيز و الأجنبي تبدأ الحرب تبعهم ضدنا لهذا أنا أقول أبحث عن مكان أمن و براتب جيد فوق الأربع ألاف