بصراحه الصين ابداع....وتقريرك احلى

ننتظر جديدك يالغلا

تقرير طيب ونرجو التفصيل طال عمرك بطاعة الرحمن

السلام عليكم

اشكر الجميع على التفاعل والدعاء موصول لكل من دعا لي وجزاكم الله خيراً

الاخت المتفائلة انا وانتِ نصب في نفس المنبع الفكرة وحدة والله يوفقك لكل خير

مرة واحد يبغى يسلم قال للشيخ يا شيخ المسلمين كلهم حرامية يسرقون و وو و و و قالله الشيخ انت اسلم ولا تسرق انت اسلم وكن صادقاُ انت اسلم وكن اميناً ....

وانا اقول لنفسي اولاً ثم لكم فالنبداء بانفسنا يجب علينا نحن الشباب ان نحمل راية التغيير والنتحمل نحن المسئولة عن هل الشيبان اللي قدموا كل ماعندهم ولن يواكبوا العصر نقول لهم جزاكم الله خيراً ولا تعيشوا زمان ماهو زمانكم انتم كونوا مرشدين لنا لو شطحنا منا ولا منا واتركونا نغير الحياة على وجهت زماننا مو على وجهت زمانكم

نرجع للمعرض

الاله الحاسبة هل اللغة العالمية التي يعرفها الجميع ولكن انتبه وتنبية مهم جداً يجب ان يكون معك دفتر ( ابو سلك من الجنب وش الفايدة تاخذ كرت المصنع وتاخذ دباسة من على الطاولة يعني لا تشيل هم مايحتاج تاخذ معك دباسة تثقل عليك ثم تدبس الكرت في اعلى الورقة وتكتب كل التفاصيل الخاصة بالبضاعة التي تريد وتكتب السعر ونتبية مهم جداً وهو عليك ان تنتبة للسعر التي تخبرك به البنت هل هي تقصد دولار امريكي او ريممبي صيني لانك بعدين بتنسى ثم تتورط لان الفرق بينهم كبير )


ولا مانع ان تضع الكرت فوق البضاعة وتصورها عشان تكون مرجع لك لانك ستنسى مع الايام


ساكمل فيما بعد ان شاء الله

جزاك الله خير
ونفع بك المسلمين . احزنتني ببعص الامور وسالفة البرايه اللي شفتها في السعوديه ب 15 ريال في مكتبه ما وفي الصين بالهلل .
الله يوفقك ويجعلك من الرابحين في الدنيا والاخرة .

على فكرة انا اشتري من الصين وكسبان ولله الحمد . وباذن الله بفتح مكتب هناك .

الله يسعدك اخوي الرابحون ويزوجك ويرزقك الذرية الصالحة عز الله ماقصرت كفيت ووفيت وكلام جميل جدا

واتمنى بعد لو تتكلم عن الاشياء الي شفتها بالصين واثرت فيك ...


وماهي البضايع الي تشوف انها راح تمشي بالسعودية ؟؟


واذا اتفقت على بضاعه بكم شحنها ؟؟ وكم مدة وصولها ؟؟

بسم الله

نتابع المعرض

بعض المصانع بيعطونك سيديات ((( نصيحة لا تكتفي بالسيديات لانها لن تشتغل معك )))) لان نظام التشغيل غير الا اذا كنت متمكن في الكمبيوتر فهذا شي ثاني وثق كل شيء بالقلم والدفتر والتصوير وشد حيلك وخلك رجال


هذا الدفتر ولا بلاش
وش مكتوب فيه (( هذا مصنع شطرطون يطبع على الشطرطون الشفاف اسم مؤسستك وارقامك وشعارك . في السعودية ب 7 ريال اذا حبك المصري المندوب واقل كمية 14000 حبة

في الصين قبل المكاسر 3.5 ريال نفس المقاس واحسن جودة والكمية 6000 حبة ----- صحيح باقي شحن الكنتينر وعمولة المكتب ووو ولكن لو جمعت كل التكاليف + مصاريف رحلتك ثم وزعتها على الاف القطع الي في الكنتينر تكون زودت على القطعة هلله اوهللتين فقط يا حلوين


هذا مدخل صالات العاب الاطفال


وهذي اقرب


وهذي من فوق صاله ثانية


وهذي بعد صاله ثانية

عني ستجد كل اللي تبغى واللي ماتبغى واللي ماخطر في بالك كل شيء موجود بس وين الرجال



هذي سبورة سحرية مقاس وسط

سعرها 1.6 يوان

نحسبها
6.29/1.6*3.75= 0.95 هلله ---------------- اتحدى اذا شريتها اقل من 10 ريال

طبعاً اقل كمية 5000 حبة من كل مقاس بشعار مؤسستك ياعسل ((( لا تقول وين اودي كل هل كميات انا اقول انت تاجر جمله يعني لا ترفع سعرك على المسلمين عشان تمشي بضاعتك ياشاطر



والبقية تتبع ان شاء الله

جزاك الله كل خير
ورزقنا واياكم من اوسع ابوابه
تقرير جميل ورائع
أكمل بارك الله فيك ورحم والديك