10-07-2012, 06:57 AM
|
 |
إدارية سابقة
|
|
تاريخ التسجيل: Jan 2012
الدولة: في قلب أمي .. فهو المكان الوحيد رغم كل الظروف يحتويني
المشاركات: 8,702
معدل تقييم المستوى: 20158615
|
|
حبيت انقل لكم اللي صار مع قريبتي حتى يستفيد الكل
قريبتي قبل كذا قلت لكم انها نفس الشيء تركت الضمان قبل حافز وأول ما تم الخصم عليها صار لها تاركه الضمان 6 أشهر وباقي لها من الـ 12 شهر 6 أشهر
وكان الخصم 431 ... وهو المبلغ المخصوم بحسب الحسبه
6 أشهر ( الباقية) * مبلغ الضمان (862) = 5172 المجموع الكلي
متوسط الدخل = 5172/12 شهر = 431 وهو المبلغ المخصوم
كلمتني وقتها وشرحت لها الوضع انه شي طبيعي وعلى حسب شروطهم الدخل هو ما تم صرفه في اخر 12 شهر
وانه ما مر على تركك الضمان 12 شهر لذلك راح يخصمون وراح يقل الخصم بكل دفعه بمرور الاشهر
لهنا الوضع صحيح
لكن بالدفعه اللي بعدها وبعد اعلان الأهليه مبلغ الخصم كان ثابت 431 والمفروض انه يكون اقل
وكلمتني وقلت لها اتصلي وقدمي اعتراض واتصلت قبل الصرف وكانت بتقدم اعتراض لكن الموظفة الله يهديها صرفتها وقالت لها مو باين بملفك كم بيخصمون انتظري حتى يتم الصرف
وتم الصرف والمبلغ المخصوم نفسه ما تغير شيء ... وقالت يمكن يغيرونه الدفعه اللي بعدها
لكن نفس الشيء المبلغ ما تغير وكلمتني قلت لها للمرة الثانية قدمي اعتراض واتصلت عليهم وصرفوها انه لازم الخصم وهالشيء من الضمان وهي ماعرفت توضح....... وتم الخصم عليها نفس المبلغ
فصار خصمو عليها 431 في ثلاث دفعات متتاليه بدون ما يقل الخصم
بالاخير قلت لها هاتي بياناتك وانا بكلمهم وفعلا كلمتهم وردت موظفه وقلت لها بارك الله فيك
المعروف انه الدخل هو ما حصل عليه المستفيد اخر 12 شهر ... قالت نعم
وانه اللي اسقط من الضمان يتم الخصم عليه بحسب الاشهر المتبقيه من 12 شهر قالت صحيح
وقلت لها وش رايك بانه اللي تارك الضمان واسقط من قبل برنامج حافز بشهور
والشهور تمر والخصم ثابت ما يتغير
قالت ليه اختي انتي متى تم الاسقاط... وبحسب البيانات اللي قالتها لي قريبتي قلت بشوال
قالت وكم تم الخصم قلت اول دفعه خصموها كان حسابهم صحيح لانه مر 6 أشهر من ترك الضمان وبقي 6 أشهر وكانت الخصم 431
لكن الدفعتين اللي بعدها المفروض يقل وكان الخصم ثاابت على نفس المبلغ
قالت أوك اختي راح ارفع لك اعتراض قلت لها يعطيك العافية ماعليك امر لو تكتبين سبب الاعتراض ثبات مبلغ الخصم على 6 اشهر بالرغم من انه تم الاسقاط ومرت مده أكثر من اللي يتم خصمه
وطبعا توهقت أنا بمعلومات قريبتي وكل شوي اقول لحظه ^_^ لانها طلبت ادق المعلومات لرفع الطلب اخر اربع ارقام من الايبان.. رقم الهويه ... رقم الجوال للتواصل من خلاله وافضل وقت لاتصالهم ... الخ
وقالت تم رفع الاعتراض ... قلت لها ياختي اكيد اعتمد عليك قالت باذن الله رفعته وراح يتواصلون معك وانتي اتصلي بعد فتره اعطيهم السجل واسألي عن اعتراضك قلت لها يعطيك العافية ... وقيمتها تقييم ايجابي تستاهل لتعاونها
طبعا تقديم الاعتراض كان بتاريخ 1 شعبان
ارسلو رساله لقريبتي على جوالها بتاريخ 9 شعبان رسالة برقم الطلب وانهم بيرسلون ايميل تعبئة بيانات وكذا وكلمتني وقلت لها هذه امور روتينيه ماعليك
وفي تاريخ 20 شعبان مع اعلان الأهليه ... لقيتها متصله علي وتبشرني انه تم تعديل الدخل عندهااا
ورجعو حسبوها بالضبط مرور 9 أشهر على تركها للضمان فصارت 12 شهر - 9 = 3 أشهر
3 أشهر * 862 = 2586 المجموع الكلي
متوسط الدخل = 2586 /12 شهر = 215.5 بالضبط وهو المبلغ المخصوم
يعني من بعد خصم مبلغ 431 ريال .....3 دفعات وتثبيته... رجعو وعدلو الخصم
حبيت انقل لكم اللي صار معها حتى الكل يقدم اعتراض ويطالبون بحقهم واتمنى الكل يجي ويقول وش صار معه حتى يستفيد غيره
الله يوفق الجميع ويكتب لهم الرزق
|
العرض العادي
