المشاركة الأصلية كتبت بواسطة محمد الدّوح

انا ياخوك دخلت في شراكة خارج السعودية بمبلغ 150 الف في مشروع دعاية واعلان والرجل ثقة وامين ..


ولكن كان المشروع فيه نوع من الغرابة فما كان قد المطلوب


ووللاسف كملت سنتين ولا رد راس المال ..



ومرة ثانية في الاسهم مع رجل كذالك امين بملبغ 120 الف وللاسف خسرت نصفهن ..


الفايدة العظيمة اللي استفدتها انك لا تحط فلوسك في ايد غيرك ..




انتظر تجاربكم يا قوووم

المشاركة الأصلية كتبت بواسطة ام نوره ولمى

السلام عليكم

ياهلا فيكم ومرحبا

ومره ثانيه جيت اقول لكم على تجربة المعرض

كانت المده خمس ايام من السبت الين الاربعاء

كان نشاطي عرض خدمات زي ماقلت لكم قبل طبعت كروت بخدماتي ووسائل الاتصال وطبعا كروتي سالفتها سالفه

اتفقت مع محل يسويها لي مع التصميم 2000 كرت ب 260 ريال وقال راح استلمها يوم الخميس اللي يكون قبل المعرض بيوم
ولمن جا الموعد اتصل بهم ويقول الهندي انا نسيت اسوي تعالي الاسبوع الجاي يعني بعد المعرض المهم انا هنا انفجرت بوجهه واتمشكلت وقلت له الحين تعطيني رقم صاحب المكتب وهو يلف ويدور طبعا ثلاث مرات يقفل السماعه بوجهي وزوجي رفض تماما انو يوديني لهم

المهم قلت له نتحاكم امام الله وهو يقول طيب طيب ******** يعني ياشيخه طيري انتي ووجهك

ورحت للمكتبه وجبت ورق طباعه مقوى شوي زي حق الكروت وطبعته وميزة ورقي انو معطر :-)

المهم جهزت ركني وبدينا وزعت كروتي وقابلت اشكال والوان اللي تشجعني واللي تحبطني وللاسف لقيت التشجيع من الاجنبيات اكثر من السعوديات

وللاسف حتى قلت لزوجي ههههههه الحريم او الرجال بشكل عام اهم شي عندهم الاكل رقم واحد ورقم 2 ورقم 3 وبعدين غيرها :-)

المهم اخر يوم جاتني وحده قالت انتي ايش نشاطك قلت لها اطلب لك اللي تبينه اونلاين واخذ عموله بسيطه قامت قالت نفس نشاطي ليش ؟؟ قلت لها حلو اعطيني كرتك وحلو منافسه بنفس المجال عاد هي اخلاقها ياسلام قالت لا ما يشرفني ما ابي اعطيك كرتي ولا ابيك منافسه لي ههههههههه ياكبر عقلك ياشيخه تراني ماني بميته لو ما اخذت كرتك طبعا هالتعليق الاخير ماقلته لها لاني مؤدبه :-)


المهم استفدت اني قابلت ناس اشكال والوان
تعلمت ان اللي يبي يشتغل يحدد اهدافه بالاول <<<< ماني عارفه متى باتعلم

وطبعا خسرت فلوس عالمعرض من حجز مكان الى كروت
تعرفت على ناس لهم باع طويل مع المعارض

اذا بتدخل عالم المعارض لازم يكون نشاطك اما اكل او شرب او شي غؤيب وعجيب :-)


وهذي اخر تجربه


حاليا ادرس شلون اسوي فيديو تعليمي اشرح فيه طريقتي بالتداول واحطه سي دي او موقع او أي شي

يمكن هي التجاره اللي اتقنها وممكن ابدع فيها اكثر يمكن مكاني بالبيت وبالنت افضل والله اعلم



بس حبيت اسوي ابديت لتجربتي :-)