سلام عليكم ورحمه الله وبركاته ...

كيف الحال يالربع ، ان شاء الله بخيــــــــــر


ياجماعه الخير ابي اسالكم .. هل يضر القدرات في تقديم على الكليات

الان انا ماخذ في الثانويه 88% .. وفي القدرات 58% !!

والكليات العسكريه طالبي 60% ..

.. لكن سؤالي هو ؟ يمنعونها في التقديم ولا عادي يمدي ادخل ؟حتى لو بواسطه !!


انتظر ردودكم .. تحياتي ،

طيب لو اكتب 60% ؟ وانا ماخذ 58 ؟. تمشي عليهم ولا وش الوضع

[align=center]والله ياخووك انا قبل سنتين قدمت عليهم كان التقديم حضوور
كانو مهتمين في الشهاده الثانوي اكثر شي
لكن الحين صار تقديم الكتروني واتوقع حريصين جدا
طيب جررب تحط 60 او شفلك واسطه يسنع امورك الواسطه فوق القانون
بتوفيق ..[/align]

ودي احط 60% واصلا ابوي قايله !! والواسطه ربي

لكن خاف ؟؟ يبحثون في وزاره التربيه ويطلع اني كاذبن عليهم ؟ ويلغون رقم الطلب ويكنسلون كل شي

وين الفاهميين بالكلياااات ؟

للـــــــرفـــــــع

والله يالغالي ماننصحك تحط 60


لانك لو فرضنا خارج الرياض وكتبت 60

وقبلوك مبدئي

ترروح لهم للرياض ولما يجي التشييك على الشهاده والقدرات يحصلونها 58 ويمسكوونك الباب ولاراح تستفيد شي خساره وتعب على الفاضي

انا انصحك اكتب 58 درجتك احسن لك والله يووووفقك

قدم طيب انت واكتب 60% ان مشت عليهم زين الحمدلله
وان مامشت راح يكنسلونك "ومنت بخاسر شي"

مثل كلام الشباب حط 60 وجررب اذا مشت خير وبركه واذا رفضوك الله يعوضك باحسسن منها
وبيني وبينك صراحه بيشكون من عندهم ع الكمبيوتر يعني الامور تعقيد
لكن ماقول الا الله يوووفقك يارب وتتيسر امورك

تبي تحط 60 حط بس حط ببالك ان اغلب القطاعات العسكريه عندهم اتصال مباشر مع مركز القياس والتقويم يعني حتى لو ماتحط شي يقدرون يشوفون اذا انت مختبر او لا وكم درجتك
فنصيحتي اكتب درجتك اللي جبتها ونسبتك ماشاء الله حلوه مره قدم واترك الباقي على الله
بالتووفيق

ماقصرتم بيض الله وجيهكم .. بنحط 60 وبنجرب وبنشغل فيتامين ( و )