السلام عليكم و رحمة الله وبركاته

بصراحة ماني عارفة كيف ابدأ موضوعي أنا توني متخرجة الفصل الأول من السنة اللي راحت
و بعد ماتخرجت قدمت بأكثر من مكان و اليوم الحمد لله طلع قبولي في ماجستير في جامعة الملك فيصل و الحمد لله يارب اللي حقق امنيتي باكمال دراستي
الحين السؤال ينفع اقدم على وظايف بعد مانقبلت في الماستر و بعدين اجيب لهم ورقة اني توظفت بعد مانقبلت و في وظايف بنفس الجامعة ينفع اقدم عليها و إلا لازم مكان ثاني
الشئ الأخير
انا مقدمة على وظيفة وسويت المقابلة و كل شئ بس لسى النتايج مابعد تطلع و إحتمال انها تطلع بعد العيد لو مثلا اقبلوني عادي اسحب اوراقي من الجامعة و اروح للوظيفة لأن الجامعة يبون نسلم الأوراق في شعبان حق الماجستير
و سلامتكم
و ماخاب من استخار و لا ندم من استشار
و الله يوفقني و يوفق الجميع

للرفع

الله يوفقتس يارب ويحقق مبتغاتس

للرفع

لو جاتك الاعاده بأي جامعه اكيد وافقي عليها لانك راح تكملين دراسات عندهم ..

اما الوظايف الثانيه مدري ..


وربي يوفقك ويحقق لك طموحك يالغلا .. دعواتك

[align=right]هلا بك

ألحين قبول الماستر الي جاك, دراسة ماستر بس ولا معيدة ومنها تكملين ماستر ودكتوراه؟
إذا معيدة.. كملي أوراقك وتوكلي على الله ولا تشاورين لأنها جدًا جدًا حلوة ومستقبل مضمون وكل شيء تمام.
إذا ماستر.. فاضلي بين الماستر وبين الوظيفة وشوفي وش الأفضل لك أنتي كطموح وكراحة نفسية وإلى آخره


بالنسبة للتقديم هنا وهنا
إذا قبولك معيدة, خلاص هذه وظيفتك ومايمديك تقدمين في غيرها
إذا قبولك ماستر, عادي قدمي أوراقك للوظيفة وللماستر مافي أي تعارض ومافي قانون يمنع بالعكس القانون معطيك إجازات للإختبارات


بالتوفيق, ووضحي وضعك أكثر عشان تستفيدين من آراء الأخوان والاخوات [/align]